رابطة مالكي وعشاق التمبرا (الجزء الثاني)

**zago** · 20-09-2010 08:31 PM

ودي صور شويه عربيات كانت عند السمكري

هو طبعا باين من شغله انه محترف ههههه
لكن انا شايف ان السعر كده نار يا حبيبي نار
ايه رايكم ؟؟؟

**heshamzaky** · 20-09-2010 09:10 PM

كتير طبعا 1200 جنية دة حا يفك و يلحم بحرفنة اة بس كدة و الله أعلم كتير يا زاجو و رديت برسالة خاصة وصلت يا معلم و لا لآ

**zago** · 20-09-2010 09:20 PM

وصلت
بس ده تمن تركيب الفخدتين والعتب والخبطات اللي فيها

يعني مش تركيب الفخدتين وبس لا ده حيعملها كلها

**heshamzaky** · 20-09-2010 09:28 PM

و الله لو شغلة نظيف ماشى اهم جاجة النظافة عشان ما يشوهش العربية ههههههههههههههههههههههه

**ZALABANY** · 20-09-2010 09:31 PM

أظن المبلغ مش كبير يا زاجو لو على كل الشغل ده مش بس لحام الكارتيرات

**JUVENTUS** · 20-09-2010 09:34 PM

المشاركة الأصلية كتبت بواسطة eng_tefa

باشا انت ليه غيرت علبه الدركسيون ؟؟ وكلفتك كام والمصنعيه
انا عندى صوت طقطقه كدا لما بلف الدركسيون وبالزات لليمين

بص ياباشا انا غيرتها لانها كانت بترشح زيت و الزيت ده كان مبهدل العربية من تحت و بوظلي الجابة بتاعت المقص اليميد لدرجة اني كنت بزودلها زيت باور كل 20 يوم تقريبا
طبعا انا فضلت التغيير ليه عن اني اصلحها و ده لاني لما سألت عند اللي بيصلحو العلب دي في شارع شمبليون في وسط البلد لقيتها هتتكلف حوالي من 350 الى 400 جنيه و الكل اجمع انها بترجع تبوظ تاني بعد سنة و ممكن اقل
و كان فيه حل تاني و هو اني اجيبها جديدة بس طبعا سعرها 2400 و طبعا ده سعر مبالغ فيه جدا
و بالتالي يعد استشارة اخواني هنا في المنتدى جبت واحدة استيراد و على التجربة طبعا
بالنسبة للاسعار العلبة تمنها 300 جنيه و 100 شاملة مصنعية و كاوتشتين ايطالي و الشاي بتاع الصنايعي هههههههه
بالنسبة لصوت الطقطقة عند حضرتك اعتقد ان دي ممكن تكون كبالن لكن علبة الدركسيون ممكن تعمل صوت خبطة عادية و خصوصا في المطبات بس خد رأي الناس هنا برضو و يستحسن تروح لبتاع عفشة يبصلك عليها
و اي استفسار تاني انا تحت امرك

**heshamzaky** · 20-09-2010 09:42 PM

ريم هانم ازيك يا استاذة عاملة اية بصى دة الى اتغير عندك كاوتش الكوبلن و كاوتشة الزيت عشان تبقى ميكانيكى شاطر و الراجل ما يضحكش عليكى وراكى عصابة التمبرا ههههههههههههههه

**zago** · 20-09-2010 09:53 PM

المشاركة الأصلية كتبت بواسطة ZALABANY

أظن المبلغ مش كبير يا زاجو لو على كل الشغل ده مش بس لحام الكارتيرات

والله انا محتار

صنايعي قايلي الفخدتين صاج ومصنعيه 300 جنيه
وصنايعي قايللي نفس الكلام ب 500 جنيه
والاتنين قايلين حتبقى فابريقه
العتب فكه وتركيب عتب تاني وتمن العتب رخيص على فكره
انا مره غيرت عتب بتاع 128 ( بتاعتنا زماااااان ) كانت العتبه ب 20 حنيه واخد مصنعيه في الاتنين 100 جنيه
والعربيه مفيهاش خبطات دي حاجات بسيطه (( مرمات يعني ))
فأنا عشان كده شايف السعر عالي

عموما انا كلمته تاني وسألته على الكارتيرات بس تكلفني كام؟؟ قاللي لازم نعمل الشغل كله على بعضه

فأنا منتظر الخبير الاستراتيجي بتاعي ييجي من الشغل ونشوف رأيه ايه

ملحوظه هامه :-
الخبير الاستراتيجي يعني بابا ,ابويا , والدي , بوي , dad , father

**heshamzaky** · 20-09-2010 09:59 PM

دة فلتر النزين يا أستاذة بتاع الانجيكشن و بيبقة تحت فى بطن العربية من الخلف ناحية اليمين و لازم يفك زى غطاء فيبر كبير كدة مربوط فى حسم العربية بمسمار و شريط حديد