رابطة مالكي وعشاق التمبرا (الجزء الثاني)

**heshamzaky** · 04-12-2010 12:48 PM

المشاركة الأصلية كتبت بواسطة ahmdeka

صباح الفل يارجاله

بجد امبارح كان يوم طويل فى العزبه

بالذات عند بتاع الأستيراد (خالد الباز) معاملته مش اد كده وحاجته غاليه جدا وعلشان تاخدها بالسعر العادى وبكررها بالسعر العادى لازم تناهد معاه كتير قوى تعبنى والله

بس ميزته عنده حاجات كتير وعيبه بيضرب اى كلام

الناس هناك فى العزبه بيقولو عليه مغلوانى علشان عارف اللى بيجيله بيكون قلب العزبه على الحاجه اللى هو عايزاها وملقهاش

أحمد باشا صباح الفل بس اية يا ريس دة هههههههههههه أنت دخلت فى الولد الى هناك بقين بجد عشرة على عشرة هو فهلوى شويتين و انا مش بحب الناس الفهلوية دول بس أنت ثبتة صح و بمنتهى الذوق بص التعامل مع هذا النوع لازم تكون حذر شوية و لازم نجربة كذا مرة يعنى نفهم نظامة لو عاوزين نرجع حاجة او نبدلها نظامة اية هو راصص البضاعة بطريقة كويسة و منظمة بس الاهم ما بعد البيع دة المهم بالنسبة لنا

**heshamzaky** · 04-12-2010 01:02 PM

يا رجالة و الله أعلم كدة الدكتور ضياء خطب لو لو لو لو لو لو لو لىىىىىىىىى مبروك يا ضياء انت فين يا عم

**ahmdeka** · 04-12-2010 01:18 PM

المشاركة الأصلية كتبت بواسطة heshamzaky

أحمد باشا صباح الفل بس اية يا ريس دة هههههههههههه أنت دخلت فى الولد الى هناك بقين بجد عشرة على عشرة هو فهلوى شويتين و انا مش بحب الناس الفهلوية دول بس أنت ثبتة صح و بمنتهى الذوق بص التعامل مع هذا النوع لازم تكون حذر شوية و لازم نجربة كذا مرة يعنى نفهم نظامة لو عاوزين نرجع حاجة او نبدلها نظامة اية هو راصص البضاعة بطريقة كويسة و منظمة بس الاهم ما بعد البيع دة المهم بالنسبة لنا

عامة انا مش عايز اتعامل مع الشخص ده تانى واكيد فى مليون واحد هناك عنده بضاعه اكترمنه بس عايزه الواحد يتمشى ويشوف المحلات والأسعار

**JUVENTUS** · 04-12-2010 02:24 PM

المشاركة الأصلية كتبت بواسطة heshamzaky

يا رجالة و الله أعلم كدة الدكتور ضياء خطب لو لو لو لو لو لو لو لىىىىىىىىى مبروك يا ضياء انت فين يا عم

عشان كده مختفي هههههههههههههههههههههه
ربنا يكرمه و والف الف مبروووووووووووووووووووووو ووووك

**zago** · 04-12-2010 04:02 PM

المشاركة الأصلية كتبت بواسطة eng_tefa

بقولك ايه يا زجازيجو متيجى نشترى طقم مساحات برخص التراب وانا اخد المواتير وانت المساحات
ايه رايك

مانا جبت موتور بدرارعاتع من بتاع شهر كده
لكن من غير مساحات
لو فيه بالمساحات وانت عايز الموتور يبقى ماشي مفيش مشاكل
لو انت عايز الموتور علشان الدراعات فالموتور القديم عندي لو عايزه اجيبهولك
الموتور عندك بايظ ولا انت عايز موتور علشان تعمل بيه حاجه تانيه؟؟

**zago** · 04-12-2010 04:04 PM

المشاركة الأصلية كتبت بواسطة adelco

السلام عليكم

عفريييييييييييييييييييييي يييييييت يا اخواتى عفريييييييييييييييت
يخرب عقلك يا راجل وقعتنى من على الكرسى

وعليكم السلام
انت عارف يا عادل بيه
احيانا وانا ماشي في الشارع
تيجي في بالي فكره تضحك
اقعد اضحك زي العبيط وانا ماشي في الشارع
احيانا والله بحط ايدي على بقى علشان امسك نفسي شويه
والاقي الناس بتبصلي كانهم بيقولو بيضحك على ايه العبيط ده
هههههههههههههههههه

**eng_tefa** · 04-12-2010 04:23 PM

المشاركة الأصلية كتبت بواسطة zago

مانا جبت موتور بدرارعاتع من بتاع شهر كده
لكن من غير مساحات
لو فيه بالمساحات وانت عايز الموتور يبقى ماشي مفيش مشاكل
لو انت عايز الموتور علشان الدراعات فالموتور القديم عندي لو عايزه اجيبهولك
الموتور عندك بايظ ولا انت عايز موتور علشان تعمل بيه حاجه تانيه؟؟

اه انا عندى الموتور مش شغال
طب انت بايع الموتور اللى عندك دا ؟؟؟
لو تصورهولى يبقى ظبطنى

**zago** · 04-12-2010 04:28 PM

ياعم بايع ايه
باااااااايظ
امال انا اشتريت واحد يه
انا بحسبك بتخترع حاجه
كمان انا جبت الموتور بالشاسيه اللي هم الدراعات ب 80 جنيه من عند فاروق
ومستر هشام كان معايا طبعا
وركبته ب 20 جنيه عند فؤاد اللي في الهرم
يعني الموضوع كله 100 جنيه
الموتور اللي عندي كان احد ضحايا معركه السمكره والدوكو

**zago** · 04-12-2010 04:31 PM

كمان لازم تتاكد ان الموتور هو اللي بايظ
علشان ليه فيوز هو اللي ممكن يكون بايظ
او دراع المساحه نفسه
انا عندي باظ بسبب دخول مياه عليه
والكهربائي كشف عليه وهو اللي قالي انه بايظ
علشان لو كنت جبت الموتور وطلع اللي عندي سليم والعيب مش منه
كنت حربط الكهربائي على الزجاج وحاديله فوطه يمسح بيها لما المطره تمطر