رابطة مالكي وعشاق التمبرا (الجزء الثاني)

**zago** · 20-08-2010 11:32 PM

صور حصريه....
المقصود بحصريه ان 99% موجوده عند هشام باشا ههههههههههه

عشان كده الصوره الاولى مخصوص عشانه

الموتور اللي نفسك فيه أهو...

تعديل تمبرا ل f16

الصوره اللي جايه كله ياخد باله من شكل مرايه الجنب

دي صوره تمبرا كوبيه والباب اللي قدام من غير مقبض

تمبرا برازيلي متنفخه بس لونها مش ولا بد

(لو لم اكن مصريا لوددت ان اكون برازيليا ( واركب تمبرا برازيلي )

انا ممكن اسيب البارومه اللي ورا لحد ما انزل الاقي البارومه كلت الشنطه والعربيه بقت تيبو زي دي كده هههههههههه

بس كده كفايه.

**zago** · 21-08-2010 12:52 AM

نسخت المفتاح
النسخه ب 10 جنيه (( اتضحك عليك في 5 جنيه يا بيه ) ههههههههههههه
والميداليه اللي عليها فيات ب 7 جنيه من عند بتاع المفاتيح برضو

وكان فيه هزه في الشكمان لما ادور العربيه الصبح الاقيه بيخبط كنت عايز اسأل عليها بس لاقيت بتاع شكمانات جنب بتاع المفاتيح رحت داخله لقى كاوتشه راكبه بين الشكمان والعربيه والحديده اللي في الشكمان عايزه تتني عشان تشد الكاوتشه
شدها بقت تمام بس حتأكد بكره لما ادور والعربيه بارده
وخد 10 جنيه ابن اللذينا مقابل انه يتني حته حديد

وكانت عندي سؤال للخبراء
الميه بتاعت الردياتير كان فيه ناس قايلين ان الميه اللي بتنقط من التكييف ينفع تتحط في الردياتير وانها كويسه جداا واحسن من الميه الخضرا .... الكلام ده صح ولا غلط؟

**heshamzaky** · 21-08-2010 02:04 AM

مساء الفل على أحلى رجالة

**zago** · 21-08-2010 02:12 AM

المشاركة الأصلية كتبت بواسطة heshamzaky

مساء الفل على أحلى رجالة

يا هلا

**heshamzaky** · 21-08-2010 02:21 AM

أزيك يا زاجو بص يا سيدى نسخة المفتاح ب 10 جنية فعلا و فى نوع أسود ايطالى زى الاصلى كدة النسخة ب 15 جنية بص المفتاح بتاع التمبرا أوعى تسترخص فية لان لو المفتاح لا قدر الله اتقطم جوة الكونتاكت مش عاوز أقولك التمبرا يا باشا فضلت خيرك كدة ليها 2 مصوجر فى الكونتاكت واحد من الكونتاكت ذات نفسة وواحد لسان حديد زى كالون الباب كدة و دة الى بيخلى الدريكسيون ما يلفش عندى صور لة بس بكرة أوريها لك بجد بيبقى فيلم هندى علشان يتفك مش سهل

**zago** · 21-08-2010 02:25 AM

طيب نسيت اقول ان الراجل قبل ما يعمل النسخه حطه في جهاز كده اول مره اشوفه وداس على زرار عشان يشوف المفتاح مشفر ولا لا
وطلع مش مشفر
مفتاح الاوبل مشفر على فكره وكنت عامله نسخه ب 25 جنيه

هي تفرق في حاجه موضوع المشفر ده؟؟

**heshamzaky** · 21-08-2010 02:29 AM

المشاركة الأصلية كتبت بواسطة zago

طيب نسيت اقول ان الراجل قبل ما يعمل النسخه حطه في جهاز كده اول مره اشوفه وداس على زرار عشان يشوف المفتاح مشفر ولا لا
وطلع مش مشفر
مفتاح الاوبل مشفر على فكره وكنت عامله نسخه ب 25 جنيه

هي تفرق في حاجه موضوع المشفر ده؟؟

لا دة مفتاح عادى المشفر دة ما عنديش معلومة عنة ما شوفتوش قبل كدة بصراحة

**zago** · 21-08-2010 02:31 AM

حاجه بقى جامده واول مره اخد بالي منها النهارده ومش عارف ازاي كانت تايهه عن بالي
في حد يعرف ان الباور بتاع التمبرا مش الكتروني؟؟ لكن لما تسوق وانت موطي الدركسيون بيتقل كأنه الكتروني

حد فاهم اللي انا بقوله؟

**reemnabel** · 21-08-2010 02:32 AM

هو الاحسن يبقه معاك كام نسخه للمفتاح الاصلى عندى باظ خالص ومعايا وطلعت عليه بس هو مفتاح واحد اطلع كمان نسخه ولا كده كفايه

**reemnabel** · 21-08-2010 02:34 AM

المشاركة الأصلية كتبت بواسطة zago

حاجه بقى جامده واول مره اخد بالي منها النهارده ومش عارف ازاي كانت تايهه عن بالي
في حد يعرف ان الباور بتاع التمبرا مش الكتروني؟؟ لكن لما تسوق وانت موطي الدركسيون بيتقل كأنه الكتروني

حد فاهم اللي انا بقوله؟

لا اذاى طيب ايه ال هتستفيده لما تتقل الدركسيون اعتقد كل ما الدركسيون خف بيبقه احسن