الموضوع: رابطة مالكي وعشاق التمبرا (الجزء الثاني)

المشاركة الأصلية كتبت بواسطة zalabany

صباح الجمال
دكتور ضياء السخان بتاع الصبح مالهوش علاقة بكاربيراتير او انجيكشن وموجود في الاتنين وهي دي فايدة الجفرنر الاتنين ماسوره بتاع الكاربيراتير بيطلع منه خرطومين فاكيوم واحد يعلي العربية مع التكييف وواحد يسخن العربية اوتوماتيك الصبح لو هي بارده

يعني قصدك انه موجود في كل العربيات ؟؟ امال فايده السخان اليدوي ايه وليه موجود في العربيات الكاربيراتير بس؟
ويا ريت لو عند صورة للجفرنر ده عشان ادور في الموضوع ده

المشاركة الأصلية كتبت بواسطة adelco

السلام عليكم
الف مبروك الوضع الجديد للرابطه
وكل تعديل وانتوا طيبين
مبروك يا دوك على ان الديناموا طلع شغال ولمبه البطاريه اتصلحت وربنا يسترها معاك
ازيك يا h عامل ايه واحشنى جدا
زلبانى حبيب قلبى انا منتظر تقولى انك جبت وحدتين جفرنر عشان ابوسك
زاجو انا قلت لك قبل كده توقيعك جميل بس انا عاوز اقولك انك متراقب بلاش الافيشات الجامده دى احسن امن التمبرا مصحصح جامد ومبروك على الحاجب اللى عملته للكشاف روعه
ميكو انا حاولت افتح الكليب ما عرفتش هحاول تانى

انا كنت بحط بنزين 80 للعربيه وبصراحه ما كانش عامل معايا اى مشاكل غير انه احيانا كانت العربيه بتفضل تكركر بعد ما ابطلها
الميكانيكى زعل لما عرف انى بحط 80 و قالى لما تكون قابض فول 90 وشوف هتحس بفرق ولا لا وبصراحه فى فرق كبير فى
السحب
صوت الموتور
ما فيش كركرة بعد ما ابطل
فقررت انى هستمر على ال 90 علطول ودى تانى تفويله 90 والعربيه زى الفل والحمد لله

الله يخليك يا عادل باشا وواحشني جدا وعايز اشوفك قريب ان شاء الله

انا عارفة عندك يا هشام انا عايز اشوفة في الكاربيراتير فين بالظبط

المشاركة الأصلية كتبت بواسطة heshamzaky

هو دة الجفرنر الصور دى من عربيتى الانجيكشن

يا باشا ده مش جفرنر و مالوش اى علاقةو لا اى وجه شبه باللى فى الرادياتير

ده اسمه Stepper Motor و بيشتغل بالكهربا , بيشتغل على قرايه ترموستات المانيفولد , و فيه دراع بيطلع و يدخل و بيزق بكرة سلك البنزين

يعنى شغال شفاط / تشوك الكترونى و كمان فى نفس الوقت شغال بك سلانسيه


زلابانى , الجفرنر بتاع الفاكيوم اللى فى الكربراتير برضو مالوش اى علاقة بال شفاط/تشوك , الشفاط لازم تشغلة بايدك من جوه العربية و ما ينفعش اصلا يشتغل اوتوماتيك

المشاركة الأصلية كتبت بواسطة heshamzaky

ياسر بص يا باشا انت عارف الاستاذ هانى121 عندة نفس المشكلة دى بص عوامة التانك دى يا باشا مكانها فى شنطة العربية خلف الاستبن من فوق بص انا شاكك ان التانك ذات نفسة يكون هو الى فية خرم عارف لية لن التانك فيبر مش حديد يا باشا أيوة فيبر و ضياء مغيرة قريب و صور التانك اهية ابسط يا عم ههههههههههههههه هو أستعمال ب 100 جنية فقط و الصورة الاولى واضح بها الخرم الكبير مكان عوامة البنزين

ازيكم يا رجاله. ازيك يا باشا

ما شاء الله استاذ هشام مش بس عنده ارشيف صور لأ ده كمان عندو history باعطال كل واحد فينا..

فعلا انا كانت عندي نفس مشكله استاذ ياسر وخلتني الف حوالين نفسي ونزلت التانك وملاقيتش فيه اخرام والسبب كا الاتي..

العوامه مش مربوطه كويس والبنزين اول ما بيوصل عند الزور اللي فيه قلاووظ العوامه بيتدلق كله علي الارض بكميه كبيره كانك فاتح حنفيه ده غير ان مؤشر البنزين في التابلوه عمره ما هيديلك قرايه صح لان العوامه ثابته..

الحل مش محتاج اكتر من 5 دقائق وممكن تعمله بنفسك يا استاذ ياسر. تفتح الشنطه وتشيل فرش الارضيه هتلاقي بعد الاستبن لجوه غطاء اسود بيضاوي هتشيله هتلاقي عوامة البنزين تحته سايبه وبتتحرك معاك بسهوله هتقرط عليها كويس قوي وترجع كل حاجه زي ما كانت وتروح تفول ومفيش بنزين هيتسرب تاني باذن الله..

كان نفسي اتقمص دور ملك الصور واشرحلك بالصور لكن لا يفتي ومالك في المدينه...

المشاركة الأصلية كتبت بواسطة galilio_mad

يا باشا ده مش جفرنر و مالوش اى علاقةو لا اى وجه شبه باللى فى الرادياتير

ده اسمه Stepper Motor و بيشتغل بالكهربا , بيشتغل على قرايه ترموستات المانيفولد , و فيه دراع بيطلع و يدخل و بيزق بكرة سلك البنزين

يعنى شغال شفاط / تشوك الكترونى و كمان فى نفس الوقت شغال بك سلانسيه


زلابانى , الجفرنر بتاع الفاكيوم اللى فى الكربراتير برضو مالوش اى علاقة بال شفاط/تشوك , الشفاط لازم تشغلة بايدك من جوه العربية و ما ينفعش اصلا يشتغل اوتوماتيك

تمام يا جاليليو الي عايز اقولة ان الجفرنر مش كل حاجة في الكاربيراتير وان المسئول الرئيسي عن رفع
rpm مع التكييف الجزء البلاستيك الي راكبة فيه خراطيم الفاكيوم واسمه electro-valve
ودي صورته




في اختلاف بيني وبين زلباني علي الموضوع ده انا مش متحيز لرأيي بس عايز اعرف الصح فين وهاكون اول المعترفين بخطأي