الموضوع: السجل المدنى لابد من تغيير قوانينه ومراعاه مشاعر الناس

روحت اجدد البطاقه لمراتى وفى خانه الوظيفه لاتعمل وطبعا ختمت الاستمارة قالى كده غلط واشترى استماره جديده
ازاى ياعم يعنى ادفع فلوس تانى علشان الختم قالى اه .....قلتله لما طلعنا البطاقه لمراتى اول مرة ختمتها بصيت لقيته بيقولى دة كان زمان ......يعنى ايه زمان .....مش كان مفروض يحطوا لوحه ارشاديه علشان الناس الذين لايعملون
المشكله الثانيه
فى خطأ فى اسم حماتى فى شهادة ميلاد مراتى حبينا نصلحه قالى تروح مكان الميلاد المذكور فى شهادة الميلاد باب الشعريه ياعم ازاى وانا ساكن فى اخر الهرم قلتله دا احنا فى رمضان والناس صايمه اروح من الهرم لباب الشعريه علشان اصلحه قالى مافيش غيركده ........علشان غلطه موظف فى ادخال البيانات ......يتعبوا الناس
المهم روحت السجل المدنى اللى فى الهرم اللى عند كايرو مول .... من هنا وشوف المعامله السيئه
فى موظفه بتقلنا انتوا الغالطنين ازاى مارجعتوش على البيانات ....ايه يااستاذة اللى انت بتقليه ..هو فى حد بيغلط فى اسم أمه
شوف بقى السذاجه الجايه
لقينا موظفه ثانيه بتقلنا كان فى شباب هما اللى دخلوا البيانات ومشيوا .....ازاى مشيوا ..اصلهم خريجى كليه ....خلتنى اقلها دا لو مدير وعلى المعاش وفى مشكله ايام وظيفته الشئون القانونيه والنيابه تجيبه حتى لوساب الخدمه.....لماذا الاستخفاف بعقول الناس
وافرض واحد مولود فى اسوان وعاش واشتغل فى القاهرة وكان عنده غلطه فى شهاده الميلاد لما يجى يصلحها يسافر اسوان الكلام ماينفعش فى القرن التكنولوجيا والنت ده مش حل
والمفروض يكون فى موظف بيراجع البيانات المدخله على الموظف الذى تم ادخال البيانات قبل مايدوخوا البشر
ومفروض المسئولين على السجل المدنى استخراج قانون جديد يتيح تصحيح البيانات من اى مكان من اى سجل
وهذا للصالح العام ومحاسبه الذين يقومون بادخال بيانات خاطئه

المشاركة الأصلية كتبت بواسطة نور القمر

كان في غلط في اسم جد زوجي وهو مواليد برج العرب واضطروا يصلحوا الغلط من برج العرب وعجبي عليكي يا مصر
طبعا لازم من نفس محل الميلاد عشان يرجعوا للسجلات القديمة
معلش نصيبك كدة استحمل وروح باب الشعرية

دا انا وريتهم شهاده ميلاد التى تطلع اول مرة .....لقيتهم بيقولولى عايزين مستخرج اصل ده تاريخها قديم
يارب الصبر من عندك