اضحك مع ظابط المرور

**Richman** · 16-08-2010 09:14 PM

دة بس عشان صاحبك نيته سليمة

**islamnabil** · 16-08-2010 11:16 PM

المشاركة الأصلية كتبت بواسطة AhmedBahgat

علي الرغم من رفضي لتصرفات بعض الضباط وعلي الرغم من إن مليش لا قريب ولا حبيب ولا صديق يعمل بجهاز الشرطة

إلا إني أصابتي صدمه وحسره وخيبة أمل عند قراءة الموضوع وتعليقات القراء
إلي هذا الحد صرنا بلا مبادئ ؟

أولا:- هل فعلتك أنت وزميلك بركن السيارة في المكان المخالف هو فعل مخالف للقانون المنظم لحياتنا أم أن الضابط يتجاني عليك ؟
ثانيا:- هل تم سن هذا القانون علي خلاف الطبيعي و المعمول به أم هو ذات الحال الساري في بلدان العالم أجمع ؟
ثالثا:- لماذا سصن هذا القانون ؟ مهو عشان تغليب المصلحة العامة علي المصلحة الخاصة يعني الطريق ده ملك الجميع ومينفعش عربية او إثنين أو عشره عشان أصحابهم مكسلين يمشوا كام متر يبقي نأثر علي سير مرور الشارع إللي هو برضو انا وإنت و كلنا
رابعا:- لو كنت خارج مصر وفعلت نفس الخطأ كنت هتعمل إيه ؟
خامسا:- ليه مش بنحب نعترف بغلطنا
سادسا:- الضابط ده وظيفتة ضبط المخالفات يعني لو سابك يبقي معملش وظيفتة المطلوبة منه

ببساطة زميلك أخطأ بالركن في المخالف وخالف القانون و أي إنسان متحضر لازم يعترف بغلطة ويقبل توقيع القانون عليه والظابط طبق عليك القانون السليم وعرض عليك الحد الادني وده إللي في إيده أما بالنسبة لتعليقك إن أي حد محترم في الدنيا لما بيكتشف ان فى فلوس ناقصة من شغله بيكملها من جيبه فبرده أحب أقولك إن أي حد محترم وعنده ضمير في الدنيا لما بيلاقي غلط في الحساب و إن معاه فلوس (أصبحت مش بتاعتة) بيرجعها

وأحب أقولك إن إنت إللي عملت المخالفة والضابط إللي هيدفعها وفي الحالة دي إنت هتشيل ذنب الفلوس دي
وبرضه احب أقول للأخوة إن الموضوع مش محتاج رمضان عشان يرجع الفلوس

عارف إن تعليقي مش هيعجب حد عشان 90% منا معندوش ثقافة الإعتراف بالخطأ وتقبل النقد بس أنا بقول ما يمليه عليا ضميري امام الله سبحانه وتعالي

ورمضان كريم

اوافقك الرأي

**dr_abooody** · 16-08-2010 11:27 PM

ههههههههه

وقع في شراعمالة

فلوسك حلال يبني

**محمد فريد** · 16-08-2010 11:36 PM

ومين اللى قال ان الفلوس دى هاتتورد أصلا؟؟؟؟؟

**shiko85** · 17-08-2010 12:11 AM

المشكله مش فالـ 50 جنيه, المشكله ان اللى بيطبق القانون بيطبق الجزء بتاع الفلوس بس سواء المخالفه او الفلوس اللى بتتاخد علشان المخالفه ما تتسجلش لكن محدش (او قليل قوى) اللى بيطبق القانون كوسيله لحفظ النظام و الأمن و تفعيل الهدف الفعلى من القانون
هتلاقى علامات ممنوع الوقوف بس مش هتلاقى مكان مخصص للأنتظار
هتلاقى عربيه مخالفه واقفه صف تانى متكلبشه و قافله على عربيات ملتزمه ذنب الناس الملتزمه ايه ؟؟
انا كنت راكن فالشارع فمكان مفهوش حاجه تقول ممنوع الأنتظار او اى حاجه و عربيات كتير واقفه و عادى و رجعت لاقيت مخالفه على الزجاج مع العلم ان بعد المكان اللى انا كنت راكن فيه بحوالى 200 متر كان فيه حوالى 3 او 4 علامات ممنوع الوقوف و العربيات راكنه تحتها و مفيش ولا مخافه يبقى دا اسمه ايه ؟؟؟
كل الحاجات دى بتخلى الواحد و بالتالى لو الواحد صادف اى موقف يحس فيه انه رد و لو جزء صغير من اللى بيتعمل فيه " سواء هو كان مخالف او لا فالموقف ده " بيحس بسعاده و
لو عايز ترجع الفلوس شوف الظابط ده اسمه ايه و روح اديله الــ 50 جنيه و فهمه انك انت و صاحبك مش بتاخدوا فلوس مش بتاعتكم و مش بتقبلوا على نفسكم فلوس فيها شبهه الحرام و تقول له ان صاحبك كان عنده ظروف فعلا و انه كان المفروض يطبق روح القانون مش نص القانون بس
يمكن كلامك يكون سبب ان ربنا يهديه و يصلح حاله و تكسب حسنات و كمان تبقى عملت خير

**vectra2002** · 17-08-2010 12:20 AM

كل سنه وانتوا طيبين احب اقول اني ادفع المخالفه لما احس انها بتطبق علي كل الناس لكن علي ناس وناس ماينفعش طبعا ليه انا ادفع وغيري لا يانعيش عيشه فل يانموت احنا الكل وبعدين الظابط المفروض يعامل ربنا ويطبق القانون علي كل الناس حتي لو ابوه ولكن المقوله الصحيحه في هذا الزمن ان اكثر اهل النار من الظباط انا بجد عمري ماشفت ظابط عادل وبيخاف من ربنا عمري ماشفتها

**Abo_Lina** · 17-08-2010 01:30 AM

المشاركة الأصلية كتبت بواسطة محمد فريد

ومين اللى قال ان الفلوس دى هاتتورد أصلا؟؟؟؟؟

أستاااذ
يا سعده يا هناه اللي في المرور
و اللي مش مصدق يسأل أي ضابط صاحبه أو معرفة
طبعا مش كلهم عشان الناس هاتقول بنعمم

**ahmed88hassan** · 17-08-2010 05:44 AM

المشاركة الأصلية كتبت بواسطة Eng.M Mahran

الناس الى بتقول ان المفروض اننا كنا رجعنا الفلوس علشان احنا فى شهر كريم
-طيب هو احنا المفروض ندفع50 جنيه علشان وقفنا العربية فى الشارع خمس دقايق؟
-والوقفة مكنتش معطلة المرور ولا مانعة حد انه يتحرك ولا كان فى اى مشكلة منها
-واى حد محترم فى الدنيا لما بيكتشف ان فى فلوس ناقصة من شغله بيكملها من جيبه مش يبلطج على الناس و يلمهم بالعافية
-انا لما بشترى حاجة من اى حد لو فيه فى الباقى ربع جنيه زيادة برجعة علشان حرام

-وغير كده لو الباشا عرف هيعمل ايه؟امبارح كان ممكن مكالمة تليفون صغيره و كان سبنا نمشى بس ملهاش لازمة تكلم حد علشان متتحسبش بجميلة علينا فى موضوع بسيط(شايلنهم للكبيرة)

وكل سنة و انتم طيبين

يا كبير نصيحة ليك :
انت في بلد بيحكمها قانون والمفروض انك متخالفش القانون ولو 5 دقايق لأن لو كل واحد ليه عذر انه يوقف 5 دقايق يبقي ملوش لزمة القانون ..
وبالنسبة للباشا لو هوه زي منتا بتقول .. يبقي ده شخص معندوش دين ولا ضمير وملناش دعوة بيه

انت راجل محترم وليك سلوكك

.. ربنا يتولاه برحمته .. يا يهديه يا يولع فيه .. انا مقدر حرقتك منه بس انت راقي بأخلاقك رجعله الفلوس
وكمان يمكن تكون انت السبب في انه يتعدل وميعملش كده تاني