الموضوع: مقارنة بين الانسر والألنترا 2007

المشاركة الأصلية كتبت بواسطة bassemforever

والله حيرتونى عايز نصيحة بجد منكم لانى مش كل يوم بشترى عربية جديدة انا طول عمرى بجيب مستعمل لكن انا دلوقتى عايز اجيب زيرو وعايزها تعمر معايا علما بان حياتى فى العربية تقريبا ومش بعمل فى اليوم اقل من 60 كيلو يعنى تقريبا 20 الف فى السنة وانا من النوع العربية بتقعد معاها تعمر ومش عايز مشاكل غريبة وكل شوية اروح اصلح حاجة يعنى مثلا بعد 5 سنين مش عايز اتعب فى التصليح وكدة انا مقتنع ان العربيتين حلوين بس انا حاسس ان اللانسر زى مبيقولوه زلطة تعمر اكتر ومشاكلها قليلة علشان جودة الصناعة اليابانية والانترا عارف ان شكلها احدث واشيك بكتير وتكنولجيا اعلى وعزل اعلى وكل حاجة يمكن متفوقة على اللانسر لكن انا بعد 5 سنين اية الى هيتحمل ويبقى عملى اكتر سؤالى يختلف شوية عنكوا مش مين احسن الناهردة طبعا بلا مجادلة النترا لكن انا على المدى البيعد العمر الافتراضى الاطول ارجو لو حد عمل بحث عن العمر الافتراضى للموتورين ونسبة اعطال الاقل ياريت يبعتلى على الخاص او على الميل او يرد هنا وانا متابع وانا سمعت النترا لما بيقعد فيها اربعة بتحك فى المطبات ودة انا بخاف منه وللعلم برضو انا مش بسافر كتير انا مشوارى كل يوم داخل القاهرة

من الأخر يبقى تجيب لانسر 1600 مانوال وكيل عشان الضمان و الفرامل تكون abs و لو عاوزها أتوماتك يبقه بلاش لانسر و شوف حاجه تانيه و ممكن فى الحاله ده تكون الإلنترا أحسن وخلى بالك انه فى كلا الحالتين موتور الإلنترا أقوى من الانسر و لكن هذا الفرق ملحوظ مع الأتوماتك لكن الانسر مانوال هتلاقيها قريبه قوى فى الجرى من الإلنترا المانوال مع فارق بسيط لصالح الإلنترا بردو و عشان تحافظ على فرامل الانسر ما تركبش غير التيل الأصلى الأخضر مش الرمادى (لأن الأتنين موجودين فى التوكيل و بيقولو عليهم أصلى بس الأخضر هو اللى بينزل معاها من المصنع و ماتركبش غيره سواء من السوق او النوع التانى الرمادى اللى فى التوكيل برده عشان متظهرش معاك مشاكل فرامل الانسر اللى ناس كتير بتشتكى منها و معتبراها من ضمن عيوبها) بهذا الوضع تكون الانسر هى السياره المعمره أكتر من أى عربيه تانيه بالنسبه لك و لو عاوز تجيب إلنترا متخافش منها بردو لأنها كويسه و هتلاقيها متميزه عن الانسر فى قوة الموتور حتى مع الأتوماتك و فراملها أحسن و لكن محدش يقدر يقول ان عمرها الإفتراضى أكتر من الانسر و فى أحسن الأحوال و لو هيونداى مضبطاها على الأخر هتبقه زيها مش أفضل منها فى حتة العمر الإفتراضى ده بالذات.

مشكور وأنا راى فى الاجمال الانسر تكسب