الموضوع: حركه لزياده عزم و سرعة للعربيات التى تستخدم بنزين 80

المشاركة الأصلية كتبت بواسطة mrwho1982

لااااااااااااااااااا بلااااااااااااااااش موضوع النفتلين بيدمر الوردة اللي عالبستم لان النفتلين فيه نسبة كبريت

المشاركة الأصلية كتبت بواسطة khaled_sabry

من خلال بحثى برضه على النت ... لاقيت واحد شارح تجربته هو و ابن عمته و منظر المتوتور بعد ما اتبهدل
النفتالين و عواقبه على المحرك و مميزاته - فتيس.كوم | مجتمع السيارات المصرى

على اي اساس هذا الكلام

النفتالين مكون من حلقتين بنزين
وليس الكبريت من مكوناته

ممكن افهم الكبريت جه منين ؟

كان من فترة نفس الموضوع اتفتح و تقريبا نفس الاسئلة
انا دورت في الويكيبيديا و وصلت للاتي
زي ما كان الرصاص من مكونات البنزين لحد فترة قريبة معظمنا عاشها النفتالين كان من مكونات البنزين في فترات الحرب العالمية الاولى و الثانية
و وقتها كان بيستخدم كرافع للاوكتان و لكن تم منعة نتيجة نقطتين اولا احتراقة بيسبب خروج عادم مسرطن ( طبعا محدش يقول مش مهم عربيتك فيها نفتالين و توقف في اشارة هاتشمة و لما عربية مفوتة فيها نفاتيلن تمشي قدامك شوية هاتشمة برده يعني متصاب متصاب )
النقطة التانية انه بيسبب انفجارات داخل غرف الاحتراق ( طبعا الانفجار جواها عادي ) بس اعلى من احتمال المواد المصنع منها البلوك و طبعا على المدي القصير بيهد الموتور و ميعدش ينفع ديه اسباب المنع
طيب نيجي بقي للناس الي بتقول فيه نوعين النوع الي منغير كلور و ده كان مستخدم و اتمنع و انا قلت ليه و على فكرة هو النوع الاغلى يعني مش ده الي بيتباع في السوق المصري
و النوع التاني الي فيه كلور ( و ده الشائع استعمالة في السوق )
و ده مع الانفجارات كمان بيعمل عملية غسيل لطبقة الكربون المتكونة على البساتم مع الزمن ( من مميزات الطبقة ديه انها تحمي البستم من الحرارة و ضرب الشرز بتاع شمعات الاحتراق ) و يبقي الانفجار على نظيف و طبعا عمر الموتور يتقصف الربع
فيه اكتر من واحد جربها و كانت الردود متباينة فيه الي قال ان العربية بقي سحبها افضل بس صوتها عالية و خشن و ناس قالت الصوت بقي خشن و العربية عادية
الاخ صاحب الموضوع انا شايف ان معاك تيوتا قديمة مو 1978 و سنة 78 مكانش فيه بنزين اعلى من 90 و العادي كان 80 يعني عربيتك مصممة اكيد لاستعمال بنزين 80 يبقي احمد ربنا على انها ماشية و شايلاك و اتقي ربك في اولادك السرطان مش لعبة و برده انت اولى لما موتورك يمشي سنة او اتنين زيادة عن انه يسحب و يجري و يتبهدل بدري

المشاركة الأصلية كتبت بواسطة asemx1

مع احترامى للنفتالين الى مافيهوش كلور والكلام دا
لول احنا ناصحين كدا بدون علم او دراسه بالحسابات ليه بقى شركات البترول الى بتجيبلنا البنزين دا ماتحطهوش فى البنزين بدل الاكتان ال 80 مثلا ويعملوا اعلان بنزين 90 بنفس تمن ال 80 مثلا وييجوا على التانك الكبير بتاع المحطه ويحطوا كيس نفتالين بقى علشان التانك كبير مش اد بتاع العربيه يعنى
ماهما اكيد ناصحين عننا كتييييييييييييير وادرى بالنفاالين كتوفير فلوس ليهم بدل مركبات الاكتان الغاليه جدا
الجواب
لانهم عارفين ان ليه اضرار كبيره على المدى القريب او البعيد وساعتها هيترفع قضايا وهتدفع تعويضات كتير جدا للمتضررين
طيب ليه مايقولوش للناس ان النفتالين دا غلط او صح ( يعنى ليه مش كاتبين مثلا على موقع توتال حط نفتالين هتتظبط عزم والكلام دا )
الجواب
علشان يسيبوا دا للفرد يدمر نفسه بايده وساعتها هما هيكسبوا غيار الزيت الكتير للمواتير البايظه واستهلاك البنزين الاكتر

بيحصل كده بره مصر يا افندم
وفي مركبات كثيرة اسمها محسنات الاوكتان تتباع في المحلات كان معظمها معمول من النفتالين ولكن لما كان النفتالين اخره انه يخلى البنزين 80 يخليه 90 فتوقف العمل عليه لان بنزين البلاد التانية كله فوق ال 90 فاتجهت شركات محسنات الاوكتان لمنتجات تانيه زي التولوين اللي ملوش اي اخطار لانه لما يتحرق بيتحول لماء وثاني اكسيد الكربون

وطبعا شركات الوقود مش هتقولك حط نفتالين على 80 تخليه 90 لانك كده بتضرب اقتصاد الشركات دي
ولكن هي تلجأ للاسلوب الصحيح وتروج لفكرة ان محسنات الاوكتان بتدمر الموتور علشان تخاف انت وتروح تشتري بنزين غالي الثمن يدخل في جيوبهم

وياريت راي كيميائي تخصص وقود يقول لنا اخطار اضافة
النفتالين على البنزين مع العلم ان تركيب النفتالين هو حلقتين بنزين ؟
وكمان التولوين ؟

متابع باهتمام لحد منوصل لرأي حاسم