ًصنى سوبر صالون

**milian2020** · 15-08-2010 04:26 PM

و انا طالع بالعربية باسمع صوت طقطقة لمل بدوس فرامل واسيب , ياترى ايه السبب علما بان العربية جديدة

شكرا

**harizy** · 15-08-2010 04:46 PM

أولاً مبروك على العربية وربنا يبارك فيها، بالنسبة للطقطقة إن شاء الله مفيهاش حاجة، ومتهيألى يبقى عشان التيل لسه جديد وحامى على الطنابير أنا العربية بتعمل معايا كده لما باشيل رجلى من على الفرامل أو لما بدوس عليها بالراحة عشان أهدى، ولو استمر معاك لا قدر الله عليك وعلى التوكيل يكشفوا على نظام الفرامل

**Ahmed.TV** · 15-08-2010 05:17 PM

ممكن توصفلنا اكتر

يعنى هل بتسمع او بتحس تحت رجلك بصوت حاجات بتخبط, لو هو ده يبقا ده الabs فلا تقلق

وياريت توصفلنا الصوت ده اكتر عشان نطمنك
واطمن على العموم لانك فى الضمان , وكل الامور دى سهلة باذن الله

**Bishoy.Girgis** · 16-08-2010 09:38 PM

المشاركة الأصلية كتبت بواسطة milian2020

و انا طالع بالعربية باسمع صوت طقطقة لمل بدوس فرامل واسيب , ياترى ايه السبب علما بان العربية جديدة

شكرا

انا هقول لحضرتك علي حاجه لو الطقطقة ديه بتسمعها مثلا و انت داخل الجراج بالعربية او في مكان هادي و بتضرب فرامل و طبعا دا كله و انت ماشي يا دوب علي سرعة 3 كيلو/ساعة يبقي متقلقش من حاجه خالص خالص و ديه حاجه عندي من يوم ما اشتريت العربية لغاية دلوقتي و بقالها معايا سنة و نص
ورحت التوكيل كذا مرة عشان الموضوع ده و مش بيحصل فيه اي حاجه و لاقيت ان ناس كتير معاهم نفس الموضوع .. انا مش عايز اقول عليها انها مشكلة مدام الموضوع ده مع ناس كتير و ممكن يكون مع الكل بس الحساس اوي مع العربية هو اللي بياخد باله
متقلقش لو فعلا الموضوع ده لو علي الهادي مثلا و انت بتركن عربيتك في مكان هادى
واي خدمة يا يا باشا