إستفسارات خاصة بعربيتي 523i

**inspiron** · 15-08-2010 06:01 PM

يا جماعة عاوز أعرف زيت الفتيس بيتغير فين و تكلفته كام ضروري. دي حاجة..

الحاجة التانية العربية طول ما هي مفولة بنزين بتسحب زي الفل ووحش علي الطريق..أول ما العداد بتاع البنزين يقرب من النصف.العربية مفيش سحب نهائي ورجرجة وهي واقفة ولو كبست بنزين تقطع جامد.وأول ما أدخل المحطة أفولها ترجع زي ما كانت,,ده معناه إيه. العربية 523i موديل 2001

**MoOoD** · 15-08-2010 11:15 PM

هوه زيت الفتيس بالنسبه للبى ام مش بيتغير
على كلام التوكيل او الكاتلوج Life Time
بس ممكن تغيره عند اى ميكانيكى و تغير الفلتر معاه
وهو فى زيت Mobil 1 دا إلى انا بستعمله فى E46 بس فى نوعين
الأحمر والأبيض على حسب الفتيس
ممكن حد من الأخوه يجى يساعدك ويكون معاه الفئه الخامسه

**inspiron** · 16-08-2010 12:10 AM

المشاركة الأصلية كتبت بواسطة moood

هوه زيت الفتيس بالنسبه للبى ام مش بيتغير
على كلام التوكيل او الكاتلوج life time
بس ممكن تغيره عند اى ميكانيكى و تغير الفلتر معاه
وهو فى زيت mobil 1 دا إلى انا بستعمله فى e46 بس فى نوعين
الأحمر والأبيض على حسب الفتيس
ممكن حد من الأخوه يجى يساعدك ويكون معاه الفئه الخامسه

تمام يا فندم متشكر جدا لسيادتك.ناس كتير قالولي علي موبيل 1

**inspiron** · 16-08-2010 12:11 AM

المشاركة الأصلية كتبت بواسطة thebuccaneer

هذا الموضوع حصل معى كذا مره! أنا هقول لك شىء و منتظر ردك على تقول لى ماذا حدث معك بعد ما تجربه تمام

و السيارة فى مكانها و بدون غيارات, اكبس على دواسه البنزبن الى الأخر, بمعنى أخر هات عداد الأر بى إم على الأخر لمدة 5 ثوان مثلا, ثم اترك دواسة البنزبن مره واحده و عايز تسمع عند الضغط على دواسة البنزبن و السيارة على الأر بى إم على الأخر هل المحرك بيصدر صوت مثل مثلا نننننننننننن أو ما شابه و هل عندما تترك الدواسه ستشعر إن السيارة بتترج و كأنها ستفصل!

منتظر ردك....

تمام يا فندم ده اللي بيحصل..يا رب يكون خير ومش كارثة..لحسن الواحد إستوي مصاريف الفترة اللي فاتت

**inspiron** · 16-08-2010 12:45 AM

المشاركة الأصلية كتبت بواسطة adham

غالبا عيب طلمبة بنزين

طلمبة البنزين يتم تبريدها من خلال انها مغمورة في تنك البنزين و بالتالي البنزين يمتص الحرارة منها و لما ينقص البنزين لا يكون فقد الحرارة بنفس المعدل و تبدأ بالسخونة و من بوادر تلف البوبينة انها تسخن زيادة

طيب والعمل إيه.وهل لو إستدعت التغيير تتكلف كام..وإيه اللي يبوظها

**inspiron** · 16-08-2010 04:45 PM

النهاردة روحت عند واحد إسمه عمرو فاتح ورشة صيانة خاصة به في آخر فيصل.هو أصلا بيشتغل في البافاريا فرع القطامية.وبالليل في ورشته.المهم عمل فحص شامل للعربية وكانت النتيجة كالآتي.

1- فيما يخص الميكانيكا بالكامل ( موتور - كهربة - حرارة - تبريد - تكييف ....إلخ ) كله تمام ومفيش أي مشاكل الحمد لله.

2- فيما يخص العفشة,,محتاجة بيضة مقص علوي خلفي يسار.و جلب مقص أمامية وشدادات. والباقي تمام والحمد لله رب العالمين علبة الدريكسيون تمام.

3- فيما يخص صالون العربية.محتاجة شغل سروجي لفرش القوايم الأمامية ( القوايم بتاعتها فرش قماش مش بلاسيتك و فك من الشمس ) وكذلك القايم الخلفي يمين. ومحتاجة كاوتش داخلي للباب الخلفي اليمين.

4- فيما يخص دورة البنزين..كنت عملت موضوع إمبارح بشتكي فيه من كتمة وبرجلة العربية لما التانك يقل عن النص..وبعد الكشف ((نظريا فقط )) إتضح إن ده بسبب الشوائب في البنزين ووضحت في ظهور دخنة سودة بسيطة في الدوارة الصبح فقط.لأن صاحبها القديم الله يساهله بيته كان في كرداسة ومحطات البنزين هناك تفكر الواحد بفيلم حين ميسرة كده.المهم الراجل قال حاول تحرق البنزين اللي في العربية كله وأروحله ينظف التانك ونفولها بنزين نظيف.

ده كل اللي في العربية.محتاج منكم حد يدلني علي مكان مضمون وأسعاره حنينة في قطع الغيار.لأن مستحيل ألجأ للوكيل بأي حال من الأحوال لأن هناك في إستهبال رسمي...أنا آسف علي الإطالة وشكرا.وأي حد عنده رأي في الأربع نقاط دول يا ريت يفيدني.