حادثة بعربيتي

**S.Hasan** · 19-06-2012 02:53 PM

الحمد لله علي كل شيء عملت حادثة بعربيتي نيسان صني موديل 2008 والجنب الشمال كله ادمر ووديتها لسمكري قالي عاوزة بابين ورفرف واكصدام بس البابين عاوزهم بنفس لونهم ( بترولي ) ممكن تساعدوني وتقوليلي مين في الحرفيين بيبيعهم وبكام ؟؟؟

**Sehsss** · 19-06-2012 03:02 PM

قدر الله وما شاء فعل، وفيه واحد تقريبا في الحرفيين اسمه محمد جابر.. واستنى برضه الأعضاء يفيدوك أكثر

**HAITHAM1985** · 19-06-2012 03:40 PM

عليك وعلى بورسعييييييييييد وقدر الله وما شاء فعل ........ والله لا يعيدها تانى

تحياتى

**mohsunny2009** · 19-06-2012 03:52 PM

قدر الله و ماشاء فعل وان شاء الله العربيه ترجع احسن من الاول
خليك فى الحرفيين هتلاقى اللى انت عايزه ان شاء الله
فى واحد هناك اسمه الحاج سيد اسعاره معقوله فى شارع متفرع من جمال عبد الناصر وسعرهم تقريبا من 1000- 1200 للبابين
بس اللون مش عارف امكانيه وجوده على العموم لو مالقيتش نفس اللون هات لون ابيض و خلى بتاع الدوكو يسحق اللون القديم و هيبقى نفس لون المعجون مش هايبان

**Bishoy.Girgis** · 19-06-2012 04:48 PM

معلش يا باشا المهم انك بخير و انتظر رأي الاعضاء في احسن اماكن الحرفيين لشراء كل مستلزمات العربية

**_hema** · 19-06-2012 05:36 PM

الحمد لله انك بخير

وفداك اى حاجه

وهذا من لطف الله عليك

انا راى ان شغلى اى سمكرى مش هيبقا زى التوكيل هوا بيبقا غالى حبيتين بس بيرجع كل حاجه لآصلها ولو الشغل معجبكش بتقدر ترجعلهم وانت مطمئن

انا ببقى ميال شويه لشغل للتوكيل عشان بيقا اضمن وانا جربت التوكيل لما عربيه نقل خبطتنى من ورا شمال فوق غطا تنك البنزين واللى يشفها ساعتها يتخض واما عملتها فى التكويل كانش مافيش حاجه حصلت

**Dr'AhmZZong** · 20-06-2012 12:13 AM

المشاركة الأصلية كتبت بواسطة حماده المصري

اه على الحرفيين واستهبال الحرفيين

حاول تشوف الحاج سوسو ف الاول في المريوطيه

انا كنت في الحرفيين اليومين الي فاتوا محمد جابر قطع غيار اصلي ومش اصلي بس كله جديد مفيش استيراد

التجار منهم لله بيستهبلوا لو الاكصدام ب 900 جديد يقولك 800 اسنيراد ودي مشكله الحرفيين بيستهبلوا جامد في قطع الغيار انت لازم تاخدلك لفه كبيره في شارع الاستيراد ده وتبدا بقى تفاصل بغباء وتعيش حياتك معاهم

الف سلامه عليك ياباشا الحمد لله انها جت في الصاج فعلا البني ادم لو راح منه ضفر بفلوس الدنيا كلها وانا برضو لسه عامل حادثه زييك ربنا يصبرنا كلنا

+999999