الموضوع: حادثة نيو اكسنت بالصور تفتكرو حد عاش من اللي قدام؟!!

علي الاكتر اتخبطت من ورا شمال والجنب اليمين من الواضح انه اتفرم مع عجله عربيه نقل
تحليل الكابينه الداخليه اعتقد انه الحمد لله الناس اللي جوه طلعو سلام تماما لانه لا يوجد تشوه في الكابينه الداخليه للركاب يعني التابلوه سليم الباب بس هو اللي متدمر
البطه كلها متركزه في الامام والخلف

انا بقى تحليلى خيالى شوية
بس حاسس ان ده اللى حصل
انت حد لبس فيك من ورة خلى العربية تعوم و لبست انت من قدام فى شىء معدنى بس على الارجح بسن او حاد(جنب مقطورة او الحاجات الحديد اللى جنب الطريق ) و من ستر ربنا انك دحلت بالعربية بجنبها اكنك بتحك فيه بس الحكةطبعا اكنها قشرت الصاج من على الرفرف و الباب

المشاركة الأصلية كتبت بواسطة lovermohamed

الخبطة الاولانية كانت من قدام في عجلة مقطورة وهي بتلف مفاجئ من u تيرن على سرعة 110كم س

بس الله ينور

يبقي اكيد بعد اما خبط في عجلة المقطورة العربية لفت منك بالعرض و اللي جاي وراك لبس في الجنب الشمال


بس حمدالله علي سلامتك و كويس ان محدش حصله حاجة

المشاركة الأصلية كتبت بواسطة lovermohamed

كنت ماشي في الحارة الشمال على طريق القاهرة - اسكندرية الصحراوي وبعد قرية الاسد ب 2 كيلو وعند الدوران اللي قدام شركة انابيب البترول كان فيه مقطوره ماشية في الحارة اللي في النص فاديتله كام قلاب نور وكنت ساعتها على 110 كم فعديت الديل بتاعة وفجأه كسر الدركسيون شمال وعاوز يلف الملف اللي مكنش شايفه وفجأه شافه بس من غير مايبص في المراية.
فكل اللي ربنا الهمني بيه اني كسرت الدركسيون على آخر الشمال علشان اقلل من المساحه اللي في اليمين اللي حتخبط في كاوتش واكصدام المقطورة لغاية محسيت ان الفرده الشمال عندي خبطت في الجزيره وفي الثانيه التانية حصل الاصطدام وساعتها صممت ان مايغماش عليا وشفت الازاز الامامي وهو بيتكسر وبعد الاصطدام على السرعه دي العربية لفت وعدت الجزيرة للاتجاه المقابل ولسوء الحظ والحمد لله برده كان فيه عربية ربع نقل بتهدي علشان تاخد الملف والسواق بتاعها فوجئ بيا بطير عليه من الاتجاه التاني من فوق الجزيره وصدمته بالجنب الشمال ورايا في وش عربيته (اللي اتدمر) فحدفني على الحاره اللي كنت فيها ووقفت العربية مكانها.

لا حول ولا قوة الا بالله والحمد لله على كل حال.

بس كنت عاوز اسالك يا محمد هو سواق النقل مكنش مدى اشارة خالص ولا بايده حتى.
هو انت لما وصلت لديل المقطورة وفهمت انه بيدور على ملف وداخله معلقتش ايديك على الكلاكس ولا حاولت تحرق تطلع منه.

والحمد لله ان ربنا الهمك انك تقلل من المساحة اللى تفادى بيها اكبر مساحة فى اليمين.فيه ناس كتير فى اوقات زى ديه مخها بيتوقف.

هو انت بتقدر ازاى تتحكم فى مخك وتصمم انك ميغماش عليك من هول الصدمة والموقف اللى انت فيه.

معلش يا محمد الاسئلة كتيرة بس عاوز افهم وده طبعا لو قادر تتكلم اكتر عن الحادثة.

الف حمد الله على سلامتك و فداك مليون عربيه

المشاركة الأصلية كتبت بواسطة emo_ayman

لا حول ولا قوة الا بالله والحمد لله على كل حال.

بس كنت عاوز اسالك يا محمد هو سواق النقل مكنش مدى اشارة خالص ولا بايده حتى.
هو انت لما وصلت لديل المقطورة وفهمت انه بيدور على ملف وداخله معلقتش ايديك على الكلاكس ولا حاولت تحرق تطلع منه.

والحمد لله ان ربنا الهمك انك تقلل من المساحة اللى تفادى بيها اكبر مساحة فى اليمين.فيه ناس كتير فى اوقات زى ديه مخها بيتوقف.

هو انت بتقدر ازاى تتحكم فى مخك وتصمم انك ميغماش عليك من هول الصدمة والموقف اللى انت فيه.

معلش يا محمد الاسئلة كتيرة بس عاوز افهم وده طبعا لو قادر تتكلم اكتر عن الحادثة.

انا بردو حصلى زيه كده ..
معرفش عملت ايه فى نفسى عشان ميغماش عليا
بس هى زى ما تقول ...انا كنت عارف انى هموت وقلت مش هموت عميانى كده لازم اشوف الى بيحصلى ...(وقتها مكنش عندى اى تحكم فى العربيه ..قاعد بتفرج)
طبعا فى ناس مخها بيقف ...
وهو الحمد لله مخه اسعفه الى حد ما ...
ودى حاجات ملهاش علاقه بالذكاء ولا القوه ولا اى حاجه ...هى كده

المشاركة الأصلية كتبت بواسطة lovermohamed

كنت ماشي في الحارة الشمال على طريق القاهرة - اسكندرية الصحراوي وبعد قرية الاسد ب 2 كيلو وعند الدوران اللي قدام شركة انابيب البترول كان فيه مقطوره ماشية في الحارة اللي في النص فاديتله كام قلاب نور وكنت ساعتها على 110 كم فعديت الديل بتاعة وفجأه كسر الدركسيون شمال وعاوز يلف الملف اللي مكنش شايفه وفجأه شافه بس من غير مايبص في المراية.
فكل اللي ربنا الهمني بيه اني كسرت الدركسيون على آخر الشمال علشان اقلل من المساحه اللي في اليمين اللي حتخبط في كاوتش واكصدام المقطورة لغاية محسيت ان الفرده الشمال عندي خبطت في الجزيره وفي الثانيه التانية حصل الاصطدام وساعتها صممت ان مايغماش عليا وشفت الازاز الامامي وهو بيتكسر وبعد الاصطدام على السرعه دي العربية لفت وعدت الجزيرة للاتجاه المقابل ولسوء الحظ والحمد لله برده كان فيه عربية ربع نقل بتهدي علشان تاخد الملف والسواق بتاعها فوجئ بيا بطير عليه من الاتجاه التاني من فوق الجزيره وصدمته بالجنب الشمال ورايا في وش عربيته (اللي اتدمر) فحدفني على الحاره اللي كنت فيها ووقفت العربية مكانها.

يا عم الحمد لله انك محصلكش حاجة و اللي كانوا معك كويسين و في داهية العربية

و الراجل بتاع الربع نقل حصله حاجة ؟؟
و عملت ايه مع سواق المقطورة اللي حيودونا في داهية الله يسامحهم

انت اللي كان قاعد جانبك حصله حاجة ...العربية اتعجنت ياعم و لكن لله ما أخذ و لله ما أعطى و أحب اعرف منك هتعمل إيه بعد كده؟....الناس اللي معاك المهم تمام و مفيش خسائر في الارواح؟

حضرتك القدر عماك و كان ممكن تمسك فرامل في الثانية دي ...و العربية لسة زيرو و اكيد الفرملة كانت هاتساعدك
قدر الله و ماشاء فعل ....دي غلطة سواق و الغلطة مشتركة بينك و بين سواق المقطورة...و ساعة القدر يعمى البصر بس كان ممكن تمسك فراملكو العربية كانت هاتساعدك بس قدر

هل حضرتك مأمن على العربية؟
و ياترى هتنوي تصلحها فين
و ربنا يوفقك