Octavia a5 - jetta - opel vectra

**ahablass** · 18-08-2010 01:39 PM

المشاركة الأصلية كتبت بواسطة KHALED AYMAN

الفيكترا اثبت ...وتكنولوجى اعلى ...وتكييف اقوى ..بس بياثر على السحب اكتر من الاوكتافيا ..
بص عشان مطولش عليك بلاش فيكترا ..عربيه كويسه جدا و كسياره افضل من الاوكتافيا لكن التوكيل موديها فى داهيه ...
لو عاوزنى اطول عليك قولى ..بس لو فتحت فى الكلام مش هسكت هههههههههه
ولو عندك استفسارات معينه قولى و ان شاء الله اقدر افيدك

شكرا على الرد و ياباشا لأ طول براحتك حتى علشان استفيد اكتر من خبرتك

- انا من زمان عجبانى الأوكتافيا كشكل خارجى و داخلى و فخامة (مشكلتها معايا موتورها تقيل عليها اوى)
و فى نفس الوقت عجبنى شكل الفيكترا الخارجى

بس بعد ماجبت لاختى الاسترا و سو قتها عجبنى ثبات الاوبل و اداءه (بس مشكلتها وكيلها و قطع غيارها النار غير ان فى ناس قاللولى والله اعلم ان موتورها بالفتيس الاوتوماتيك تقيل برده عليها )

اما الجيتا شكلها الخارجى بس اللى عجبنى (عفشتها منخفضة و صالونها لا يقارن بفخامة الاوكتافيا و ده راي الشخصى)

انا خلاص دماغى تعبت من كتر التفكير و الحيرة

**ahablass** · 18-08-2010 02:31 PM

انا واخد بالى من حاجة

1- نسبة التصويت للجيتا عالية شويتين
2- نسبة التصويت للفيكترا و الاوكتافيا متقاربين

مع العلم ان مفيش ولا واحد من اللى عملوا تصويت للجيتا شارك فى الموضوع او ابدي رأيه فيها او حتى ابدى اعتراضه على العربيتين التانيين ..................؟؟؟؟؟؟؟؟؟؟؟؟!!!!!!!! !!!

**ahablass** · 18-08-2010 02:47 PM

ملاحظة اخيرة عدد المشاهدات تقريبا 260 و المشاركات 11 قيهم 4 أو خمس مشاركات ان اللى عاملهم (صاحب الموضوع)

فيين الشباب الجامد صايمين ولا ايه

**N.a.j.d** · 18-08-2010 05:10 PM

االاوبل بشكل عام مش حتاخد صوت اوي عشان توكيلها الوحش

**ahablass** · 19-08-2010 01:36 AM

طيب و ايه الحل فى الموضوع ده

يعنى بتلاقى عربيات تحفة و تحب تركبها بس توكيلها سيء

و عربيات نص نص بس توكيل شاطر و عارف يسوق لنفسه و لعربيته

**KHALED AYMAN** · 20-08-2010 01:57 AM

شوف يا باشا ...
معلش كلامى ممكن يبقى طويل شويه ..اعذرنى ..
نتكلم فى الاول عن الفيكترا ...
نبدأ من برا ...صاج قوى جدا كعاده الالمانى ...شكل شايفه احلى شكل فى فئتها ...
من جوا افخم تابلوه فيهم من وجهه نظرى و افضل خامات بس الفرق فى الخامات و التقفيل بينها و بين الاوكتافيا مش كبير ..
التابلوه الوصول للزراير فيه سهل ..بس التعامل مع كمبيوتر العربيه معقد شويه ..(معلوماته كتير جدا لدرجه انه بيقولك درجه حراره سائل التبريد ..وفولت البطاريه ..وفى كام لتر بنزين فى العربيه بالظبط ...والسراعه كام بالظبط ومعدل ضخ البنزين ..واستلاهك الوقود ..ومتوسط السرعه و متوسط الاستهلاك ...ومعلومات تانيه كتيييييييير جدا جدا جدا ...الحاجات الاساسيه سهله ..زى درجه الحراره و الساعه و التاريخ والبنزين يمشيك كام كم ..دول سهلين الباقى معقد شويه ..بس مجرد ما تفهمه خلاص..)
الصالون واسع ما شاء الله و الكراسى مريحه جدا خصوصا الكنبه الخلفيه ...لكن الاوكتافيا اوسع ..بس مش اريح (انا بتكلم عل راحه قعده الكرسى مش الراحه فى المشى)
الكماليات الفيكتار اكتر و التكنولوجى عاليه جدا جدا جدا جدا ....حاجه زى المرسيدس و البى ام ...
ندخل بقى على الاداء ....
السحب :
طلعه الفيكترا تقيله جدا ...يعنى لحد سرعه 40 كده تتخنق "لو بتشد مع حد" انما لو ماشى طبيعى مفيش مشاكل ...بعد ال 40 ..تنفخ الاوكتافيا نفخ ...وغير الاوكتافيا عربيات كتير ..مش هقول انوعها عشان محدش يزعل ...
الثبات ...
ثبات اقل ما يقال عنه انه "خرافى" ...ملفات ..غرز واسعه او ضيقه ...على اى سرعه ..داخل مفرمل او مش مفرمل ..مفيش اى مشاكل نهائى ...
وثباتها عموما زى الاوكتافيا ..بس الفيكترا نقطه تفوقها الملحوظه ..فى المفات ...خلى بالك كلامى ده على سرعات فوق ال 160
المشكله الى عندى و الله اعلم ان كانت فرديه ولا لا ..عندى مشكله فى الباور و هى ان الدركسيون اى حاجه فى الارض تحركه يمين و شمال ...لو كبست بنزين يتحرك ..لو فرملت يتحرك ...كده يعنى و ده بيسبب لى مشكله لو خدت مطب هوا على سرعه عاليه فى ملف ...لازم امسك التاره كويس ...لو مسكتها كويس مفيش مشاكل ..لو سبتها العربيه بتعوم حاجه بسيطه ..برده كلامى فوق ال 160
الفرامل ...اقوى من الاوكتافيا ...
العفشه ...
بص الالمانى عموما ياخد المطب وميتهزش بعده ..يعنى ينزل النقره و يطلع و خلاص كده ...
عشان كده بنقول عليه ناشف ..
اليابانى بينزل و يطلع و يريح ...يعنى يتهزر خفيف كده لانه ناعم ...
الفيكترا بقى ..بتنزل النقره و تطلع بنشوفيه ..وتتهز كمان بنشوفيه ...(العفشه الاماميه ..الخلفيه مريحه جدا و ناعمه جدا)
فالعفشه الاماميه متعبه شويه و تميل الى الشقلبه فى المطبات ههههه
التكييف جباررررررررر انا كنت فى القاهره يوم التلات ...عملت الحراره 16 و شغلت التكييف على 7 ..بعد ربع ساعه عملت التكييف على 2 ..بعد نص ساعه ..رفعت الحراره ل 20 لانى فعلا سقعاااان ..
قطع الغيار ...
غير متوفره فى التوكيل ...صعب تلاقيها فى اى فرع ...وممكن متلاقيش خالص ...
برا التوكيل قليله و غاليه لانها اصلا غاليه فى التوكيل ..على سبيل المثال الفانوس الزينون فى التوكيل ب 7000 جنيه ...والمرايه العاديه ب 2300 جنيه
سعر اعاده البيع للفيكترا واقع ...
الفتيس الايزى ترونيك جربه و احكم بنفسك عشان ده مش بيعجب كل الناس ..عن نفسى معجب بيه جدا جدا جداااااااا
ده كده كان كلامى على الفيكترا ...

الاوكتافيا ..زى الفيكترا كده بالظبط بس ..
العفشه زى اى المانى ناشفه ...وصوتها عالى شويه
تكييفها كويس بس مش زى الفيكترا ...
سحبها مش تقيل ولا حاجه ...بس هى مش بتجرى لما تكبس للاخر ...عاوزه "مسايسه" ..وبرده بتعلم على عربيات كتيييييييير و بردو مش هقول انوعها عشان محدش يزعل...
قطع غيارها اكثر توافرا فى التوكيل ...وبرا مش كتير اوى ..بس موجوده ...مش صعبه يعنى

ملخص الكلام عيوب الفيكترا:
1- توكيل زباله
2-عفشه اماميه متعبه
3-قطع غيار غااااااليه و مش كتير ...
4-سحب ضعيف تحت سرعه 40
5-هوايات الكتييف ضعيفه و الريشه الى تحت خاااااالص بتتكسر بسهوله ...
6-اماكن التخزين فى الصالون قليله جدا ..على عكس الاوكتافيا

عيوب الاوكتافيا مقارنه بالفيكترا:
1-سحب اقل من الفيكترا ..فوق سرعه 40
2-تكييف اقل
3-كبوت العربيه صاجه ضعيف اوى
4-تكنولوجى اقل و كماليات اقل
5-فرامل اضعف من الفيكترا بس مش زى ما انت متخيل ..لالا فراملها كويسه جدا و ممتازه بس الفيكترا اقوى ...
6-الفيكترا اثبت فى الملفات

رأيى الشخصى لو هتجيب ..هات اوكتافيا ...
الفرق فى الاداء مش كبير ...
بس نقاط تفوق الاوكتافيا مفيده اكتر من نقاط تفوق الفيكترا ....
وارجع و اقول ..لو التوكيل بتاع الفيكترا كويس ..كان زمانى بقولك هات فيكترا
انا اسف لو كنت طولت عليك ...
لو كنت نست حاجه انا اسف ..لو عندك استفسار أأمر و انا تحت امرك

**N.a.j.d** · 20-08-2010 02:23 PM

تماام يا خالد باشا ومعروف ف الاوبل انه تقلها بياثر على سحبها ف اول بدايه الانطلاق وبعدها بيبقى الوضع عادي

**tarekmomo** · 20-08-2010 09:30 PM

الجيتا عربية حلوة بس اسعار قطع غيارها نااار

**ahablass** · 21-08-2010 01:29 AM

المشاركة الأصلية كتبت بواسطة KHALED AYMAN

شوف يا باشا ...
معلش كلامى ممكن يبقى طويل شويه ..اعذرنى ..
نتكلم فى الاول عن الفيكترا ...
نبدأ من برا ...صاج قوى جدا كعاده الالمانى ...شكل شايفه احلى شكل فى فئتها ...

رأيى الشخصى لو هتجيب ..هات اوكتافيا ...
الفرق فى الاداء مش كبير ...
بس نقاط تفوق الاوكتافيا مفيده اكتر من نقاط تفوق الفيكترا ....
وارجع و اقول ..لو التوكيل بتاع الفيكترا كويس ..كان زمانى بقولك هات فيكترا
انا اسف لو كنت طولت عليك ...
لو كنت نست حاجه انا اسف ..لو عندك استفسار أأمر و انا تحت امرك

ياباشا لأ طولت ايه بس , انا مش عارف اشكرك ازاي على اهتمامك و ردك المحترم الوافى من كل الجهات

طبعا المقارنة اللى حضرتك ذاكرها موفية لجميع استفساراتى و تقريبا موجهانى الى نفس الاختيار اللى فى دماغى و ميال ليه و هو الاوكتافيا

بس فيه شوية نقط احب اعرفها (معلش لو هتقل على حضرتك)

1- بالنسبة لسحب الوكتافيا فى الاول تقيل لحد سرعة كام 40 زى الفيكترا و لا اكتر

2-وهل لو استخدمت الفتيس المنيوال (الستبترونيك) او نظام السبورت هايفرق و لا لأ و هل ليه اي تأثير على حالة الموتور

3-بالنسبة لقوة الفرامل اضعف من الفيكترا لانهى درجة او بمعنى اخر مدى قوة الفرامل و مسافة توقفها و انا الى حد علمى انها فيها ABS & EBD & ASR (ده الاليجانس طبعا)

4- مدة فوة التكييف لان ده من الاشياء الاساسية فى العربية حاليا مع ملاحظة انى كنت راكب عربية يابانى لمدة 10 سنين (تكيييف ثلاجة ما شاء الله)

5- مدة اختلاف الكماليات بين العربيتين مع التفصيل لو امكن

6- موضوع صاج الكبوت الضعيف انا ما اخدش بالى منه قبل كدا بس ملاحظتى للعربية ان عضمها كله تقيل و ابوابها تقيلة

7- موضوع العفشة ناشفة ده بصراحة ان مش فاهمه يعنى اي يعنى ميزة ولا عيب و يعنى وانا قاعد فلى العربية بحس بكل المطبات و لا ايه

8- موضوع الثبات فى الملفات على السرعات العالية باين او ى ومع ABS & EBD & ASR مش عاملين فرق

9-حضرتك كنت بتقول علشان تخليها تسحب كويس عايزة مسايسة ممكن توضيح اكثر

معلش انا الي اسف على الاطالة بس حابب اعرف كل حاجة علشان ابقا درست الموضوع من كل حوانبه والله المستعان

سؤال اخير بالنسبة للاوكتافيا فيه منها وكيل وفيه منها خليجى بمواصفات اكتر و سعر اقل شوية

ايه رايك فى الموضوع ده الخليجى احسن ولا الوكيل
وهل فيه امكانية ان عربية خليجى ندخلها تبع ضمان الوكيل (لو فلى رسوم مثلا بتدفع)

و شكرا