الموضوع: Octavia a5 - jetta - opel vectra

المشاركة الأصلية كتبت بواسطة ahablass

ياباشا لأ طولت ايه بس , انا مش عارف اشكرك ازاي على اهتمامك و ردك المحترم الوافى من كل الجهات


طبعا المقارنة اللى حضرتك ذاكرها موفية لجميع استفساراتى و تقريبا موجهانى الى نفس الاختيار اللى فى دماغى و ميال ليه و هو الاوكتافيا

بس فيه شوية نقط احب اعرفها (معلش لو هتقل على حضرتك)

1- بالنسبة لسحب الوكتافيا فى الاول تقيل لحد سرعة كام 40 زى الفيكترا و لا اكتر
من صفر ل 40 سحب الاوكتافيا افضل من الفيكترا من 40 لحد ما تقفل العداد الفيكترا افضل
2-وهل لو استخدمت الفتيس المنيوال (الستبترونيك) او نظام السبورت هايفرق و لا لأ و هل ليه اي تأثير على حالة الموتور
الفرق الى هتحسه هيكون سرعه استجابه العربيه لانها محضره نقله ..يعنى لو على التالت و ال rbm على 5000 ورفعت رجلك ..هتفضل على التالت ..فلما تدوس هتكون جاهزه ..انما لو على ال d اول ما ترفع رجلك هتاخد سادس من نفسها عشان تيرح الموتور و توفر فى البنزين ..ولما تكبس ..لسه هتسقط نلات بقى ..
3-بالنسبة لقوة الفرامل اضعف من الفيكترا لانهى درجة او بمعنى اخر مدى قوة الفرامل و مسافة توقفها و انا الى حد علمى انها فيها abs & ebd & asr (ده الاليجانس طبعا)
الفرق ملحوظ عند الضغط الكامل على دواسه الفرامل ...الفرق مش كبير لكن موجود و انا شايف ان فرامل الاوكتافيا مناسبه تماما ليها ..
4- مدة فوة التكييف لان ده من الاشياء الاساسية فى العربية حاليا مع ملاحظة انى كنت راكب عربية يابانى لمدة 10 سنين (تكيييف ثلاجة ما شاء الله)
تكييف الاوكتفيا لومظبوط ..هيعجبك بس طبعا مش سريع زى اليابانى ..لكنه حلو و ملوش تأثير على الموتور ..
5- مدة اختلاف الكماليات بين العربيتين مع التفصيل لو امكن
الفيكترا فيها كراسى كهرباء و ميمورى ..امكانيات كمبيوتر الرحلات فى الفيكترا اكتر بكتير من الاوكتافيا...الفيكترا فيها زينون فى العالى ...مرايات ضم كهرباء...سخانات كراسى...و 6 ايرباج و esp الى هو برنامج الاتزان الاليكترونى
الاوكتافيا تتفوق فقط فى وجود حساسات خلفيه
6- موضوع صاج الكبوت الضعيف انا ما اخدش بالى منه قبل كدا بس ملاحظتى للعربية ان عضمها كله تقيل و ابوابها تقيلة
فعلا صاجها كله تقيل جدا ما عدا الكبوت ..حط ايدك عليه و انت تعرف...
7- موضوع العفشة ناشفة ده بصراحة ان مش فاهمه يعنى اي يعنى ميزة ولا عيب و يعنى وانا قاعد فلى العربية بحس بكل المطبات و لا ايه
الاتنين عفشتهم متعبه ..وهتحس بالمطبات ..بس الكلام ده فى وسط البلد بس ..انما على الطريق ولا الهوااااااا وانا افضل عفشه الاوكتافيا ...
8- موضوع الثبات فى الملفات على السرعات العالية باين او ى ومع abs & ebd & asr مش عاملين فرق
لالالالا فرق الثبات مش كبير للدرجه دى ..ده حاجات بسيطه ...والانظمه الى حضرتك ذكرتها دى للفرامل مش للثبات ..
خلى بالك فرق الثبات ده فى ملفات قاسيه جدا جدا على سرعات فوق ال160 ..ومفيش ملف الفيكترا تاخده و الاوكتافيا لا ...بس الفرق ان الفيكترا هتكون اكثر رسوخا فى الملف ...الفرق مش مستاهل..
9-حضرتك كنت بتقول علشان تخليها تسحب كويس عايزة مسايسة ممكن توضيح اكثر
عزم موتور الاوكتافيا بيطلع عند 3800 rbm و ده معناه ان اقصى اداء ليه مش لما تكبس على الاخر ...
فافضل سحب للعربيه بيكون فى منطقه ال rbm دى ..
من الاخر عاوز تجرى بيها دوس الدواسه كللللها ما عدا اخر "تكه" فى الدواسه ..لان التكه دى بتخليها تنزل لاقصى نقله ممكنه و صوتها بيعلى اوووى و بتقفل rbm بدون سحب مناسب ...
انما لو عملت زى ما بقولك هتطير بيك ...

معلش انا الي اسف على الاطالة بس حابب اعرف كل حاجة علشان ابقا درست الموضوع من كل حوانبه والله المستعان

سؤال اخير بالنسبة للاوكتافيا فيه منها وكيل وفيه منها خليجى بمواصفات اكتر و سعر اقل شوية

ايه رايك فى الموضوع ده الخليجى احسن ولا الوكيل
وهل فيه امكانية ان عربية خليجى ندخلها تبع ضمان الوكيل (لو فلى رسوم مثلا بتدفع)

و شكرا :b4_388:

الاوكتافيا الى معانا خليجى و مفيش مشاكل ..هى بس ارتفاعها اقل من الوكيل و بتحك فى المطبات ...
بس انصحك بالوكيل لان التوكيلات مبقاش ليهم امان ..وخير مثال على ذلك توكيل فولكس و كيا ...
اى استفسارات انا تحت امرك يا باشا و اسف للاطاله و يارب اكون قدرت افيدك ...

المشاركة الأصلية كتبت بواسطة ahablass

ياباشا ربنا يخليك


استفسار ان اللى كنت عارفه انا الasr هو عبارة عن حجتين esp & asr و هما ليهم علاقة بالثبات مش الفرامل والله اعلم

يعنى الاوكتافيا ما بتقفلش عدادها انا اسمع من الناس كلها انها على الطريق وحش و بتجيب بيها ال 200 و انتا مستريح

طبعا موضوع ال rpm ده مش هاقدر افهمه اوى الا لما اسوق العربية بالفكر ده و اجربها

الاوكتافيا الأليجانس فيها مرايات ضم - تعتيم - سخانات كراسى -مش فاكر 6 ولا 8 ايرباج - حساسات مطر و باركينج- بس فعلا الزينون واطى (هو فيه منه اساسا فيه العالى و الواطى ولا كل الموجود ليها واطى) و الكراسى مش كهرباء

بانسبة لكمبيوتر الرحلات حاسس ان اللى فيها كافى

طيب بانسبة لقطع غيارها اسعارها اخبارها ايه و صيانتها و مراكز الصيانة

موضوع الكبوت هل ضعيف لدرجة لو حد سند عليه يطبق و لا ايه

و بالنسبة للخليجى مش ممكن تدخل ضمان و كيل

و بعدين هل تكييف العربيات الخليجى احسن من الوكيل

و ممكن تقولى عربيت حضرتك كانت انهى خليجى او فيها كماليات ايه مختلفة عن الوكيل

الasr ده مانع الدوران الانفلاتى للعجلات ..يعنى عشان متفركش ..
ده الى فيها ..ينفع يكون فى asr بدون esp لكن مينفعش esp بدون asr ..والاوكتافيا فيها asr فقط
عموما ثبات الاوكتافيا بعد ده كله ..ثبات وهمى و مش هتحس بأى نقطه عجز فيه مهما كانت السرعه ...
بالمناسبه معايا مش بتعدى 195
الكماليات الى حضرتك بتقولها دى اعتقد مش كلها فى الخليجى ...مفيش اصلا منها مرايات ضم حسب معلوماتى و الخليجى كله 2 ايرباج ...الوكيل بصراحه معنديش معلومات كتير عنه
كمبيوتر الرحلات الى فيها فعلا كافى ...بس الفيكترا فيها حاجتين مهمين ...مش عارف اشرحهم ههههه
قطع الغيار بتاعها اقل من الفيكترا بكتييير و شايفها مناسبه لفئتها ...بس معنديش معلومات عنها بكام بالظبط ...
الكبوت اه ضعيف لو حد "تقل" عليه هيطبق ...
انا مش عاوز اقولك ان عندى الكبوت فيه جزء كده بقى مرعوش بسبب الهوا !!
الخليجى معرفش بتدخل ضمان ولا لا ..بس مستحيل الوكيل يدخلها ضمان لانه بيقول انها غير مطابقه للمواصفات
تكييف الخليجى زى الوكيل بالظبط مفيش فرق ...
كماليات عربيتى المخلتفه عن الوكيل بصراحه معرفش ...انا لما جيت اجيب مسألتش على الوكيل اصلا

هوا في الماني خليجي

المشاركة الأصلية كتبت بواسطة ahablass

معلش ياباشا متقل عليك شويتين تلاتة

تحت امرك يا باشا ...
السرعه القصوى بتختلف حسب ظروف كتير جدا ...اساسا الكتالوج بيقول 184
الى جاب 200 ممكن يكون الهوا كان فى نفس اتجاه العربيه ..او فى منزل ..او موتور عربيته متفتح اكتر ..ظروف كتير ..
عموما انا جربتها 195 دى من فتره طويله ..ممكن توكن دلوقتى تجيب اكتر ..بس هى مبقتش عربيه اصلا..
موضوع الفيشه معنديش فكره و اعتقد انه مش صح

المرايات الضم انا بصراحه شفتها فى الفانتازيا ...عمرى ما شفتها فى اوكتافيا ..بس عموما الخليجى موصفاته كتييييير

حاضر هعترف بس بلاش ضرب الحاجتين دول ..ان فى 2 كمبيوتر ..بيحسب عدد الكم ..ومتوسط السرعه ..واستهلكت كام لتر بنزين بالظبط و متوسط الاستهلاك ..ده بتتحكم فيه ..يعنى بتقدر تصفره ..فمثلا انا لو طالع مشوار من المحله للقاهره ..هقدر اعرف خدت كام لتر بالظبط ..
الحاجه التانيه انك تقدر تعرف تنك البنزين فيه كام لتر بالظبط ..ودى كشفتلى مشكله فى عداد البنزين و غيرت العوامه فى الضمان

الكبوت زى ما قلتلك ضعيف ..بس الحق يتقال الحتتين دول صغيرين جدا ..لكن العيب موجود ..وعاوز اقولك ان ده ليه جانب ايجابى من ناحيه الامان و زى ما انت شايف فى الصوره الكبوت عمل شكل هرم ..بدل ما يدخل فى بعضه و يدخل فى الازاز ...

بيقول انها غير مطابقه للمواصفات عشان عفشتها غير مجهزه للطرق المصريه !!! اعتقد دى عشان يبيع ..لان احنا كان معانا قبل دى واحده وكيل ..الفرق كان ان الوكيل اعلى من الخليجى 3 سم ...

اى استفسارات انا تحت امرك يا باشا ...والله انا سعيد بمعرفتك و النقاش معاك

هوا الازاز الامامي اتكسر ؟ يا خالد