مبارك يتدخل لمنع تسيير المقطورات

**fido377** · 16-08-2010 11:07 AM

المشاركة الأصلية كتبت بواسطة fakoussa

كل حاجة لازم تصدر بتعليمات من سيادة الرئيس و له الشكر . اما باقى الحلاليف اللى شغالين من وزراء و محافظين اغلبهم متخلفين و نايمين فى العسل

اظن ان مفيش شكر على واجب والمشكله الرئيسيه ان فيه ناس كتير ماسكه مناصب ومش فاهمه المتطلبات الوظيفيه بتاعتهم ايه وهما قاعدين في السبوبه الي اسمها مصلحه حكوميه وركز على كلمه مصلحه

الحل الوحيد علشان البلد حاله ينعدل هوه ديكتاتوريه القوانين يعني من الاخر القانون يطبق على الكل بلا استثناءات

**ahmed76** · 16-08-2010 11:15 AM

المشاركة الأصلية كتبت بواسطة fido377

معظم دول العالم منعت المقطورات من زمان... وبجد القرار ده اتأخر كتير جدا ولما الحكومه من سنتين اخدت قرار بمنع المقطورات وحصل اضرابات من السواقين واصحاب النقل قررت تديهم مهله بس للاسف الناس طنشت على امل ان لما المهله تنتهي يحصل اضراب جديد ويتمد المهله تاني...
بالنسبه لتأثر منع المقطورات على حركه الشحن ده كلام فاضي علشان التريلا ممكن تسحب كونتينر 40 قدم بس المشكله مكنتش في المقطورات بس لازم يكون فيه تشديد على النقل في السرعه وكمان في الحارات الي بيمشوا عليها مينفعش نقل يمشي في الحاره الشمال لازم يكون فيه تشديد في القانون على انه مصرح ليهم يمشوا بس في الحاره اليمين حته لو هيمشوا طوابير ورا بعض مش تلاقي عربيه نقل بمقطوره ماشيه بتعمل غرز من الشمال لليمين دية كارثه

+111111111111111

**amr100** · 16-08-2010 03:05 PM

يا ريت يتفذ القرار

**sherif_84** · 16-08-2010 08:59 PM

أنا مع الرئيس فى قراره لان حوادث المقطورة زادت جدا فى الفترة الأخيرة بصورة مخيفة أخرها من فترة قصيرة حادثة كبيرة على الدائرى قرب بهتيم مقطورة فكت و دخلت فى 6 سيارات الحمد لله ان الرئيس تدخل وسكت الناس اللى كانت متشعلقة فى المهلة .

**Abo_Lina** · 17-08-2010 01:36 AM

أحسن يستاهلوا و عقبال الميكروباص

**M.Osman** · 17-08-2010 01:38 AM

المشاركة الأصلية كتبت بواسطة Tyler_Durden

أحسن يستاهلوا و عقبال الميكروباص

و احنا هنستنى الريس كمان في الميكروباص ؟؟؟

**Hegazio** · 17-08-2010 10:56 AM

يا ريس يا حامي ارواحنا
يارب خد ارواحنا و ريحنا

**abogogo** · 18-08-2010 12:57 PM

المشاركة الأصلية كتبت بواسطة fakoussa

كل حاجة لازم تصدر بتعليمات من سيادة الرئيس و له الشكر . اما باقى الحلاليف اللى شغالين من وزراء و محافظين اغلبهم متخلفين و نايمين فى العسل

اولا الحلاليف اللى انت بتقول عليهم شغالين وزراء ومحافظين ونايمين في العسل ماهما اللى جايبهم الريس وهو اللى معينهم على الرغم ان في ناس افضل منهم بكتير وفاهمين وقلبهم على البلد وطبعا دول استحالة يمسكو منصب عشان مش من مصلحة النظام وبعدين تدخلات الريس وتعليماته في الازمات تلميع له مش اكتر ولا اقل وبعدين في دولة محترمة في الدنيا الريس يفتتح فيها وصلة طريق ؟؟؟!!! لاء وبتكلفة 900 مليون جنيه منهم 2 مليون تأمين موكب وتنظيف خط سير الموكب
شوفوا فيه دول شغالة فيها المقطورات دون اي مشاكل عشان النظام هناك صح والقانون بيمشي على الكبير قبل الصغير ده غير سلوكيات الناس نتيجة العدل الاجتماعي .... اتفرج واتحصر على مصر ام الدنيا

YouTube - Roadtrains Australia promo clip

YouTube - Down Under Road Train Truckers

YouTube - Miocevich Transport Solutions