طرق مصر من اكتر الطرق اللى مليئه بشىء اسمه مطبات الهواء او بمعنى اصح الطرق الغير مستويه والاجزاء العاليه والمنخفضه فى الطريق ده غير النقر !!!!!
من اكتر الحاجات اللى بركز عليها عند ركوب اى سياره هى النقطه دى تحديدا وطبعا تصميم عفشه العربيه ليها الفضل الاكبر فى النقطه دى
الغريب بقا انى مش لاقى سبب واضح للموضوع ده او تفسير !
يعنى اهل العربيه اللى تعليقها ناشف مش بتتنطط زى العربيه اللى تعليقها مريح ولا العكس هو الصواب!!
لان احيانا بلاقى العكس عربيه تعليقها انعم ومع ذلك اثبت فى مطبات الهواء من عربيه عفشتها انشف!!
الغريب ان عربيه ممكن تلاقيها ثابته جدا على الملفات ولكن فى مطبات الهواء بتنطط جامد جدا لدرجه تخلى العربيه بكاملها ترتفع عدة سنتيمترات عن الارض وده خطر جدا جدا وممكن يؤدى لفقد السيطره على العربيه وحوادث كتير قوى حدثت بسبب الموضوع ده !!
وعلى فكره دايما اكثر العربيات اللى بتعجبنى فى النقطه دى هى العربيات الالمانى بصفه عامه البيمر بصفه خاصه !
وياريت حد يتكلم عن ال damping فى ال suspension اعتقد ليها تاثير مباشر فى الموضوع ده
وياريت كل واحد يتكلم عن تجاربه فى الموضوع ده فى سيارته او اى سياره اخرى جربها وايه افضل عربيه فى الموضوع ده
مع العلم ان الموضوع ده له علاقه مباشره بالراحه فى السفر اثناء الرحلات الطويله!
تحياتى