نيسااااااان صنى موديل 2011

**raedegypt** · 15-09-2010 12:27 PM

انا لو منك اركب لانسر واطلع من الافلام دة والحكاوى دة وعربيه تقفيل بلادها انت بتشترى مرة واحدة ولا توجع قلبك فى قصص توكيلات وروح غير زيتك وصلح عربيتك من اى ورشه جنب بيتك وريح دماغك حرام ترمى 100 الف فى عربيه مصرى والله يعينك على التقفيل المصرى يارجل فانوس رمضان ابسط شيىء يجيبوة من الصين فما بالك عربيه وموجود بديل اعلى وافضل تقفيل بلدها اليابان ولو بتشترى قسط 10 الف ماتفرق معاك

**atefadel** · 15-09-2010 01:01 PM

يبدوا ان النيسان عملت عقدة لبعض الاشخاص في المنتدي
ولذلك نرجو لكل من يشعر بهذة العقدة تجاة النيسان الصني
التوجة
الى عيادة نيل موتورز
والدواء ببلاش من عندي

**Ahmed.TV** · 15-09-2010 01:49 PM

المشاركة الأصلية كتبت بواسطة raedegypt

انا لو منك اركب لانسر واطلع من الافلام دة

والحكاوى دة وعربيه تقفيل بلادها انت بتشترى مرة واحدة ولا توجع قلبك فى قصص توكيلات وروح غير زيتك وصلح عربيتك من اى ورشه جنب بيتك وريح دماغك حرام ترمى 100 الف فى عربيه مصرى والله يعينك على التقفيل المصرى يارجل فانوس رمضان ابسط شيىء يجيبوة من الصين فما بالك عربيه وموجود بديل اعلى وافضل تقفيل بلدها اليابان ولو بتشترى قسط 10 الف ماتفرق معاك

يا فندم طالما افهم
اللى بتقوله كله غلط
بحسابات البلد اللى انت فيها انت بتتكلم
حضرتك دايما بتقول لانسر
هى فين الانسر اللى فى مصر ب100 الف و1600 سى سى
ارجوك تهدا علينا شوية , يا تتكلم معانا بنطلق بلدنا هنا فى مصر والظروف الاجتماعية والمادية والتوكيلات والضمانات وكل شى
وبعدين فى واحد مش قادر يقسط ال10 الاف قبل ما تقولى انه يكمل
كل واحد وعارف ظروفه وامكانياته
وبعدين الراجل واحد قرار واللى بيدخل عندنا هنا فى القسم يسال على الصنى
لان لو متردد مع عربية اخرى حيدخل قسم المقارنة عشان يعرف اراء الناس فى كل الموديلات
ومعنى انه يدخل هنا انه محتاج لفهم واستفسار على الحاجة اللى بيسال عليها فسيب ملاك العربية يفيدوه
لان بردوا محدش فينا حيجبر حد على شراء الصنى او التيدا او اى موديل من موديلات نيسان
فاذا عندك اجابة للاستفسار من الاسئلة اللى بتطرح فاهلا بيك
او لو حتدخل تعارض بوجهة نظر مختلفة بردوا اهلا بيك ولكن بصورة عملية وباقناع وياريت من واقع ارض مصر عشان تبقا ماشى مع الظروف ومتفهما للوضع
فهى مش حرب والله
فاتمنى النظر بموضوعية اكثر اخى الكريم
وكفاية رمى كلام فى كل موضوع حد بيستفسر على الصنى , على الاقل اذا قولت كمان وجهة نظر مش بتدخل تانى تعلق عليها الا نادرا
فياريت نتناقش بالاسلوب اللى قولت لحضرتك عليه فى كلامى
ومرة تانية احنا فى مصر ولينا ظروف اجتماعية وسوق ووجهات نظر وحياة اقتصادية واراء مختلفة عايشين بيها عن اللى حضرتك عايش بيه فى السعودية
وكل سوق وليه حكمه
وانا مش بتكلم على قصة يابانى وكورى دلوقتى
انا بكلمك فى قصة الهدوء النفسى شوية

تقبل تحياتى

واهلا بيك معانا بموضوعية وحيادية فى الرأى