السلام عليكم ورحمة الله وبركاته
ازيكم ياشباب إن شاء الله تكونو بخير
وكل سنة وانم بخير جميعا
طبعا زى ما باين من العنوان انى عايز اعرف سعر النص الامامى للفيكترا بى
عشان اناعايز اغير شوية حاجات فى العربية اولها الفيتيس عشان لمبة السيلكتور بتنور
وكشفت بالكمبيوتر قالى عايز يتغير والعطل كان مفيش اشارة خارجة للفيتيس تحدد عدد اللفات no output rpm signal
وسالت على الفيتيس قالى ب2500 بالتركيب فطبعا كنير (مع العلم لمبة السيليكتور مش منورة ع طول)
وفى نفس الوقت قلت طالما فيها مصاريف يبقى اغير مرة واحدة
انا الحمد لله العربية معايا زى الفل والتكييف تلاجة والحرارة مش بتعدى 91 والموتور فل الفل يعنى العربية تمام
لو تدلونى على حد يقولى هل الفيتيس كدة بيودع فعلا ولا المشكلة بسيطه يبقى جزاكم الله خير
بس بعيد عن عبدالله اوبل عشان رحت لهم 4 مرات بسبب الحوار دة وحسيت بعد اول مرة ان فيه تناكة
ومش عايزين يشتغلو فى العربية وكل واحد يبعتنى على التانى فانا مش رايح هناك تانى
عشان لو المشكلة بسيطة يبقى مفيش تغير حاجة انما لو فعلا الفيتيس باظ يبقى اشترى نص كامل اخد اللى محتاجه منه وابيع الباقى

معلش انا هتعبكم بس بجد انا محتار ومش عارف اعمل ايه
مع العلم ان المبلغ كله اللى هيتصرف فى حالة التغيير هيتاخد بالكامل من والدى لكن لو صيانة يبقى من معايا
وشكرا ليكم مقدما