استفسار من وحوش المنتدى + واحشنى و الله

**Mo Saleh** · 21-08-2010 04:10 PM

السلام عليكم
كل سنة و انتو طيبين
واحشنى و الله أنا بقالى فترة مش بخل بسبب الشغل و الخطوبة و التجهيز و الحاجات دى و الحمد لله على كل حال
و الحمد لله أنا جبنا عربية جديدة جيتز أوتوماتيك و الحمدلله عربية زى الفل
و الكورسا اللى عندنا لسه موجودة
القصة بأه انى بفكر أبيع مع انى بحب العربية دى أوى
هى العربية تجيب كام ف السوق ؟؟ هى موديل 2000 - 1000 سى سى
و التكييف بايظ محتاج كومبريسور
و لو عاوز أجيب كومبريسور أجيبو منيين و يعمل كام
يا ريت تفيدونى ف أسرع وقت ممكن
و 1000 شكر ليكو يا شباب
و ايه مفيش مقابلات قريب صحيح ؟؟
يا ريت تظبطو واحدة على العيد كده و كل سنة و انتو طيبين تانى

**Mo Saleh** · 21-08-2010 05:21 PM

فين الناس
ولا رد كده

**N.a.j.d** · 21-08-2010 06:29 PM

منور ياباشا وكل سنه وانتا طيب والف مبروك على الخطوبه
المهم ياباشا مدام حضرتك مرتاح ف العربيه ليه عايز تبيع نصيحه بلاش تبيع

**Mo Saleh** · 21-08-2010 06:35 PM

محدش بيركبها كتير
و خايف تمنها يقل

**smsm_nabawy** · 21-08-2010 08:31 PM

أنا عايز أشتري العربية دي يا فندم اليومين دول ،، و بسأل على سعرها
عاملة 35 ألف

و فيما فوق ،، ملأتش حد مزود عن 39

و اللي كاتب 40 بيقول السعر قابل للتفاوض ،،

بس الناس اللي معليين دول كاتبين ان فيها أمكانيت كالاتي

سنتر ، باور ، أزاز كهربا ، تكيف "شغال" ، حالة ممتازة ، و فبريكة جوة"على الأقل" و في ناس برة

وفي اللي ضابف جنوط سبور و فتحة سقف على المواصفات دي ،، و ده اللي لاحظته كاتب 40 و السعر قابل للتفاوض

بس نصيحة العربية كويسة متبعيهاش ،، طالما مش فاتحة بقها ، و طالما بعد الشر مش محتاج قرشين اليومين دول ،، طبعاً اللي فهمته ان حضرتك حالياً في وقت تجهيزات خطوبة و خلافة
عشان كده احب أقول لحضرتك ،، ألف مبروك ، و اتم الله على خير ان شاء الرحمن

و لو كده بقى ،، قللنا ايه مواصفات العربية ،، و أنا ممكن أشفلك التمن اللي على الأقل موجود في السوق ،، و انت زود عليه 3 الاف او الفين كده من عندك و أتكل على الله

عشان الفصال و الحاجات دي

و ربنا يتمم بيعها على خير

**tananybasha** · 22-08-2010 12:05 AM

انا من رأيى لو اصيله و مش محتاج فلوسها
خليها
هتزعل عليها

**ameros** · 22-08-2010 11:59 AM

متبعش هتندم عليها

**smsm_nabawy** · 22-08-2010 05:17 PM

المشاركة الأصلية كتبت بواسطة mohamed_abboud

شكرا يا باشا على ردك و اهتمامك
و العربية اللى عندى كماليتها تكييف محتاج تصليح

و سنتر و باور و كاسيت سونى سى دى + usb + سماعتين بيونير
و رشة بعض الأجزاء نضافة و عشان الترخيص و الله قفشوا علي فى المرور و فابريكة جوة
الموتور 1000 سى سى استهلاك بنزين رائع بجد
العفشة جيدة
العربية سحبها كويس جدا ما شاء الله و ثباتها عالى جدا بالنسبة لحجمها
و العربية عاملة دلوقتى 125000 و انا كنت شاريها من سنة تقريبا عاملة 107000
بس كده لو كنت نسيت حاجة هبقى أكمل

بص يا فندم ،، هي حكاية التكييف دي حتقلل من السعر ،، و كمان حكاية الرخصة ، و الكام رشة اللي برة ،،

بس ان شاء الله ربنا يسهل ،، أطلب فيها 40 ألف و مترضاش ب أقل من 38 ألف و أنصحك ان ده يكون بعد عناء من مجادلة المشتري ، مع العلم ممكن العربية حد يقلك فيها أقل من كده شوية و ده بسبب الحاجات اللي فيها ،، بس برضة أنا لو منك طالما مش مزنوق في فلوس عندي مبعهاش أحسن من لما أبيعها بأقل 38 ألف،،

تعرف والله ، انت لو جاري في الأسكندرية ،، كنت جيت أشترتها منك ،، بس للأسف

أنت في الجـــــــــــــيــــــــ ــــــزة

و دي سفر و صيام و بتاع

ربنا يوفقك و ييسرلك بيعها ان شاء الله

الموضوع: استفسار من وحوش المنتدى + واحشنى و الله

LinkBack

أدوات الموضوع

عرض

-

-

-

-

المواضيع المتشابهه

استفسار من وحوش كيا

ممكن مساعدة ضروري من وحوش القسم وجزاكم الله خير

واحشنى كلكم.... واحشنى موووووووووت

واحشنى مووووووووووووت

استفسار من وحوش الميجان

الكلمات الدلالية لهذا الموضوع

المفضلات

المفضلات

ضوابط المشاركة