الrpm ده طبيعى و لا لأ ؟

**Dr_Essam** · 17-08-2010 06:04 PM

الحمد لله العربية بقالها معايا 6 شهور و مافيش مشكلة .. لكن فى حاجة واحدة شاكك فيها و عايز أتاكد اذا كان فيها مشكلة و لا لأ و هى ال rpm ...
أنا هاقولكم على اللى بيحصل عندى و ياريت تردوا عليا و تقولولى ده طبيعى و لا لأ ..

* عند بدء التشغيل يرتفع الى 2 ثم يهبط الى 1 لمدة 30 ثانية ثم الى اقل من 1 (تقريبا عند 0.75) و يفضل ثابت على كده طول ما انا واقف حتى مع تشغيل التكييف .

* لما بأكون ماشى على التالت و الrpm على 2.5 مثلا .. لما بأجى أدوس دبرياج و فرامل علشان أقف الأقى الrpm بيعلى شوية لحد 3 ثم ينزل بسرعة لحد 1.5 و يفضل لمدة 3 الى 4 ثوانى (فى الفترة دى العربية بتكون وقفت خالص) ثم ينزل لتحت الواحد (عند 0.75)...... لكن الموضوع ده مابيحصلش على طول .... بيحصل أكتر لما باكون كابس بنزين و جيت أقف فجأة ..

أنا سألت ناس معاهم أفيو و عربيات تانية و قالولى أن ده عادى ..
لكن انا شكاك شوية و عايز أطمن منكم هل ده طبيعى و لا هى دى المشكلة اللى بيقولوا عليها بتاعة الrpm فى الأفيو ...

أرجو الأفادة ... و أسف للاطالة عليكم ...
و كل سنة و انتم طيبين

**solycar** · 17-08-2010 07:11 PM

طبيعى

محمد ممدوح مرة كان شرح ليه بيحصل كدة بس مش فاكر بصراحة

**HANTER** · 18-08-2010 03:35 PM

طبعا دى مشكلة الافيو العامة واللة مش عرفين يحلوها لغاية دلوقتى وهى تنرفز جدا انا رحت مركز صيانة طنطا غير فيشة tps راحت ورجعت تانى بعد فترة ومش عارف اعمل اية

**HADDAD** · 18-08-2010 04:04 PM

المشاركة الأصلية كتبت بواسطة hanter

طبعا دى مشكلة الافيو العامة واللة مش عرفين يحلوها لغاية دلوقتى وهى تنرفز جدا انا رحت مركز صيانة طنطا غير فيشة tps راحت ورجعت تانى بعد فترة ومش عارف اعمل اية

واحد صاحبى كان عندوا نفس المشكلة
قلتلة يروح يشتكى فى المكتب الاقليمى لجنرال موتورز مصر
راح اشتكى اتصلوا بية بعد كدا و اخدوا منة العربية ساعة و كل حاجة بقت زى الفل من ساعتها

**Richman** · 18-08-2010 04:40 PM

دة الطبيعي طبعا

**Dr_Essam** · 20-08-2010 04:26 PM

انا اتلخبت خالص
فى ناس قالت أن ده طبيعى و ناس قالت لأ ...

يا ريت حد يقولنا القول الفصل فى هذا الموضوع .. علشان لو الRPM اللى عندى فيه مشكلة هاروحلهم التوكيل بس لازم أكون واثق من المشكلة 100*100 علشان ماحدش يشتغلنى فى التوكيل و يقولى أن كل شىء طبيعى و أن انت اللى متهيالك ...(حضراتكم عارفين المهندسين اللى فى منصور كويس)

**tamertito88** · 21-08-2010 09:21 PM

افيو 2010 كوري (لا كوري ولا مصري نافع )

انا رحت التوكيل و كان اار بي بيعلى لحاد 4 rpm مرة قالولي المش عارف ايه كده كن مش نضيف و نضفاناه
رجعت تاني , ورحتلهم قالولي التي بي اس و صلحناها , و لو حصلت معاك تاني تعالى و هنغيرلك التي بي اس

مش عارف احب الافيو ولا اكرهها , عموما بفضل عربيتي القديمة (هوندا سيفيك 1984 عنها )