أرسل أصلا بواسطة mhkash
والله موضوع جميل جدا و بقالى 4 ساعات عمال اقرا فيه من اول صفحه
انا مكنتش اتصور انى اشوف الحاجات دى تانى - اشكركم كلكم و اشكر كاتبة الموضوع و طالما كده انا كان نفسي فى حاجه - فاكرين فى السبعينات كان فيه شوية اتوبيسات النقل العام و طبعا مبقتش موجوده خالص دلوقتى

كان فيه اتوبيس مرسيدس احمر زى خط 16 بتاع العجوزه - وانا مش عارف الخط ده لسه موجود ولا انتهى - اعتقد انه انتهى و حطوا بدالو حاجه من بتوع الخطوط الطوالى - يعنى 900 فما فوق

وكان فيه برضه اتوبيس اسمه كارتر - وده كان مقلب من المقالب الامريكانى اللى احنا اخدناها فى السبعينات - لما طلع اتوبيس فاشل - زى المكيف اللى برضه طلع مقلب امريكانى و كان بيسبب ازمه مروريه الى وقت قريب

وطبعا السوبر جيت اول ما طلع فى السبعينات بعد البولمان الاصفر - السوبر جيت ده كان فيه خطين بالعدد - واحد اخضر بيروح بورسعيد و التانى الاحمر بتاع اسكندريه

سامحونى معلش كله اتوبيسات - فلو حد عندو الصور دى ياريت يرفعها

وكتر الف خيركم
هو انا عشان مشترك جديد فى المنتدى تقوموا تتجاهلونى كده ؟
لالالالالالالالالالالالال ا ماتقولش كده يا راجل يا طيب
ماتعرفش برضو الناس برضو عندها ايه ولا مشغوله في ايه !!
ممكن محدش يكون عنده طلبك فبيستنى وميشاركش لحد ما يشوف الباقيين اللي عنده حيرد مش أكتر يعني ولا تجاهل ولا حاجه..
وفي الأخير أهل بيك في منتداك وبين اخوانك .. تقبل مودتي أخوك محمد السيد