ذكريات تهم مواليد السبعينات

**aif** · 14-10-2008 03:39 PM

المشاركة الأصلية كتبت بواسطة adhamsabry51

الأعلان ده كان بتاع كولونيا اسمها اولد سبايس

انا لسة باستعملها لغاية اليوم ...... مش قادر ابطلها ... كل ما اشم ريحتها ارجع لورا ... يجي عشرتاشر الف سنة

**waled369** · 14-10-2008 03:42 PM

فاكرين اعلان (جرافينا) تخلص من حمامك القديم

**waled369** · 14-10-2008 03:44 PM

كمان اعلانات (انظر حولك) بتاع تنظيم الاسرة و اعلانات المرحوم يونس شلبي عن السلوكيات المعتادة للشعب اللي كان بيقول فيها ( دي زبالة يا جاهل )

**aif** · 14-10-2008 03:45 PM

المشاركة الأصلية كتبت بواسطة waled369

طيب حد فيكم بقى فاكر أحداث الأمن المركزي اللي كانت أيام وزير الداخلية أحمد رشدي و حادث محاولة اغتيال النيوي اسماعيل و حسن أبو باشا و اغتيال رفعت المحجوب (شفتوا البلاوي اللي أنا فاكرها تدخل المعتقل) و حد فاكر القلم (الصفعة) الشهيرة على خد اسم النبي حارسه و صاينه (زكي بدر) و اللي طرقع له كانت طلعت رسلان عضو مجلس الشعب عن حزب الوفد .
يا خبر اسود دا كل اللي في ذاكرتي زفت و قطران كفاية كده .
يلا يا علا مش كنتي عايزة حاجة نهرب بها من قرف الحياة الحالية آهو ده اللي عندي .

انا ايام الامن المركزي كنت مجند في الجيش .....
حد فاكر مين كان رئيس الوزراء ووزير الداخلية ايامها ؟؟؟؟

**adhamsabry51** · 14-10-2008 05:30 PM

قصص المكتبة الخضراء

وكان في كمان كارتون الة الزمن بتاع فوري و "يا محاسن الصدف"

**homme49** · 14-10-2008 10:31 PM

المشاركة الأصلية كتبت بواسطة aif

انا لسة باستعملها لغاية اليوم ...... مش قادر ابطلها ... كل ما اشم ريحتها ارجع لورا ... يجي عشرتاشر الف سنة

فعلا هى كانت بارفان جميل جدا و جذاب ، تصور أننى إستحضرت ريحتها فى ذاكرتى بمجرد ما قرأت تعليقك .
كما أننى لاحظت أيضا أن ذاكرة الإنسان تتعلق بالروائح بدرجة شديدة
العام الماضى دخل علينا فى العمل زميل يضع بارفان أراميس 900 فحاولت أتذكر إسم البارفان حيث أننى كنت أستعمله فى عام 1982 و سألته عن نوع البارفان فأخبرنى بأنه لا يعرف عنه شئ و أنه هدية له من زوجته فأخبرته بأننى أخمن بأنها أراميس 900 و قام و سأل زوجته على التليفون عن نوع البرفان فأخبرته بأنه فعلا أراميس 900 و كم سعدت بذلك حيث أننى كنت أعتقد أننى فى إحدى مراحل الزهايمر من كثرة النسيان .

**OlaOsman** · 14-10-2008 10:35 PM

المشاركة الأصلية كتبت بواسطة waled369

طيب حد فيكم بقى فاكر أحداث الأمن المركزي اللي كانت أيام وزير الداخلية أحمد رشدي و حادث محاولة اغتيال النيوي اسماعيل و حسن أبو باشا و اغتيال رفعت المحجوب (شفتوا البلاوي اللي أنا فاكرها تدخل المعتقل) و حد فاكر القلم (الصفعة) الشهيرة على خد اسم النبي حارسه و صاينه (زكي بدر) و اللي طرقع له كانت طلعت رسلان عضو مجلس الشعب عن حزب الوفد .
يا خبر اسود دا كل اللي في ذاكرتي زفت و قطران كفاية كده .
يلا يا علا مش كنتي عايزة حاجة نهرب بها من قرف الحياة الحالية آهو ده اللي عندي .

آه صحيح.. أنت ليه فاكر كل الكوارث دي؟ :D

**homme49** · 14-10-2008 10:46 PM

المشاركة الأصلية كتبت بواسطة waled369

طيب حد فيكم بقى فاكر أحداث الأمن المركزي اللي كانت أيام وزير الداخلية أحمد رشدي و حادث محاولة اغتيال النيوي اسماعيل و حسن أبو باشا و اغتيال رفعت المحجوب (شفتوا البلاوي اللي أنا فاكرها تدخل المعتقل) و حد فاكر القلم (الصفعة) الشهيرة على خد اسم النبي حارسه و صاينه (زكي بدر) و اللي طرقع له كانت طلعت رسلان عضو مجلس الشعب عن حزب الوفد .
يا خبر اسود دا كل اللي في ذاكرتي زفت و قطران كفاية كده .
يلا يا علا مش كنتي عايزة حاجة نهرب بها من قرف الحياة الحالية آهو ده اللي عندي .

أحداث الأمن المركزى فى فترة تولى أحمد رشدى وزارة الداخلية فى عام 1986
لا يمكن أنساها حيث أننى تعرضت لهجوم من عساكر الأمن المركزى على سيارتى فى شارع الأزهرو أنا عائد للمنزل بعد أن أعلن حظر التجول فى الراديو و أنقذنى منهم أهل حى الباطنية بشهامة أولاد البلد و أرشدونى عن كيفية الهروب فى شوارع الباطنية الضيقة
و فى اليوم التالى أثناء رفع حظر التجول نزلنا للشارع لنشترى إحتياجات المنزل و تأجير كام شريط فيديو لتمضية الوقت داخل المنزل و شاهدنا الدبابات فى ميادين مصر الجديدة و كان معى إبنى الصغير وقتها و كان دائم الطلب على اللعب خاصة الدبابات و لم أكن قد إشتريتها له بعد .
و لاحظت أنه بعد أن شاهد الدبابة بحجمها الضخم فى الشارع لم يكرر طلبه فى الحصول على لعبة دبابة .
فى اليوم التالىذهبنا لقسم البوليس للحصول على تصاريح بالتنقل فى أثناء حظر التجول لإحتياجات العمل وكم كان هذا التصريح فرصة ذهبية للإستمتاع بقيادة السبارة فى شوارع القاهرة الخالية .