اقتباس المشاركة الأصلية كتبت بواسطة eng_ahmedryad مشاهدة المشاركة
السبب الرئيسي لأنقطاع الكهرباء:

استخدام المازوت بدل من الغاز الطبيعي كوقود للمحطات وتصدير الغاز الطبيعي لـ ............

مع استخدام المازوت يتم توليد طاقة كهربية بأقل من قدرة المحطة لأن قدرة المحطة عند العمل بالغاز الطبيعي أعلى ( زي ماتحط في عربيتك بنزين 80 بدل 92 )

استخدام المازوت يولد طاقة حرارية أعلى مما يؤثر بالتتابع على قدرة المحطة خصوصا مع الأرتفاع الطبيعي لدرجات الحرارة

مع انخفاض القدرة المولدة من المحطات وأرتفاع الأستهلاك تكون المحطة مهددة بالتلف فيكون قطع الكهرباء أولى من تلف المحطة

وكل عام وأنتم بخير
كلامك نسبيا صح يا هندسة , بس لو شغلوا المحطات كلها بالغاز الطبيعى برضه النور هيقطع

اللى عملته وزارة الكهرباء يسمى حجة البليد مسح التختة لان الاحمال اكبر بكتيير من قدرة المحطات باكملها حتى لو اشتغلت بالغاز هو لما يشغلها بالغاز هياخد كفاءة اعلى و بالتالى انتاج كيلو وات اعلى نسبيا بس مش دى برضه النواة اللى هتسند الزير

ثانيا موضوع تلف المحطات ده مش حقيقى اوى لان المحطات بالفعل مصممة انها تشتغل بالمازوت او الغاز يعنى زى التاكسى بيشغلوها بنزين و غاز لكن عمرك شوفت تاكسى بيمون سولار ؟؟؟

العملية هى لما تشتغل بالمازوت هتحتاج صيانة اسرع

اخيرا البترول و الكهرباء بينهم مشاكل مادية من فترة طويلة دى مش بتدفع تمن الكهرباء المستهلكة و دى مش بتدفع تمن الوقود المورد بيلعبوا مع بعض نظام لوى الدراع

و بصراحة مش علشان الكهرباء مش قادرة تسد العجز تمسح اخطاءها فى البترول

و رمضان كريم