الموضوع: متابعة وصول علبة الدركسيون الخاصة بالساجا(للي هيغير العلبة يدخل)

المشاركة الأصلية كتبت بواسطة elkhouli

أ. أيمن رمضان خلص والعيد ومفيش حس ولا خبر وشكل لعلب لجديدة مطولة .....

ربنا يستر

انا هكلمهم بكره -ان شاء الله- , بس هى المفروض فى دفعات قطع غيار وصلت بالفعل اليومين دول ... بكره هشوف كان من ضمنهم قطـع غيـار الساجـا ولا لسـه على وصـول

وياريـت تبعتلـى رقم حضرتك عشـان ابلغك اول ما عرف

تحيــــــــــــــاتـــى

انا كلمت ا/عبد الباسط , وبلغنى انها -ان شاء الله- قدامهـا اسبوع وراح يتم الاتصـال بكل اللى حاجزين معاه لتحديد موعد الصيانـه ... برجاء لكل من عندهم حجز ... تاكيد حجزهم مع ا/عبد الباسط .. او ابلاغى عالخاص

تحيــــــــــــاتـــى

فعلا انا كلموني امبارح بس مش علشان علبة الدركسيون لان انا حددت الاسبوع الجاي علشان اروحلهم بس مفتكرش هيركبو التعديل

المشاركة الأصلية كتبت بواسطة aliben

السلام عليكم، انا والدة علي، إسمي آية محمد بهجت عصفور
انا معايا عربية ساجا أوتو أحمر ، للأسف رقم الشاسيه والموتور في الرخصة في العربية في توكيل أبو رواش، ومش فاكراهم بس ممكن أجيبهم بكرة ان شاء الله.. اشترتيها من شهرين بالظبط، ، وكنت هاعمل صيانة الـ1000 قبل العيد ورحت حجزت اعطوني ميعاد بعد العيد. أنا شغلي في التحرير وساكنة في الجيزة فلم أذهب بها أبداً أي مشوار طويل، وثالث أيام العيد ذهبت بها إلى كارفور أول الطريق الصحراوي ، وأنا راجعة فجأة سخنت وبطلت مني، فتحتها لقيت المياة الخضراء منطورة على الموتور كله ومافيهاش نقطة مية واحدة مش عارفة اللي حصل، كلمت الصيانة وخلوني كلمت الونش أخذها يوم الإثنين، م/ محمد عبد الهادي اللي استلمها، رحت النهاردة علشان أشوف إيه الأخبار قالولي غيروا الرادياتير لأنه فيه عيب وبعدين جربوا العربية، لما رجع المهندس المروحة فضلت شغالة 20 دقيقة بعد ما ركن ومشيت والمروحة مابتفصلش، المهندس قالي هاتدخل الورشة تاني وبعدين كلومني قالولي جوان وش السلندر هايتغير كمان!!!!!!! معقول كل دة ولسه في أول 1000 دة طبيعي؟؟؟
يا باش مهندس لو سمحتم حد يرد عليا أن بجيب عربية زيرو علشان أريح نفسي منها على الأقل 3- 4 سنين
مش من الأول تعمل معايا كدة!! أنا ولادي مدرستهم على الطريق الصحراوي ومحتاجة عربية تسعفني مش معقول أتعرض لدة وولادي معايا الواحد بيجيب عربية زيرو وكويسة علشان ماتبهدلش، عربيتي الأولى أول مرة والله العظيم مهندس يمد إيه فيها كانت بعد 5 سنوات وبعتها عاملة 40 ألف كيلو بس في 7 سنين أنا استهلاكي مش جامد بس ماعنديش استعداد للبهدلة؟؟ أرجو من المهندس آمر يرد عليا انا كلمته ومردش ويقوللي ايه العمل؟؟؟؟ انا مش عاوزة مشاكل؟؟؟

أولاً وعليكم السلام ورحمة الله وبركاته وتعازي الحارة في الفصل اللي حصل مع حضرتك وان شاء الله بسيطة

ثانياً طالما مفيش نقطة ميه وده زي مبتقولي عيب من الرادياتير يعني العيب من عندهم ولكن من النقط المهمة جداً ان طول مالواحد سايق عينه تبقى على مؤشر الحرارة بالذات وتقريباً اللي حصل ان حضرتك مخدتي بالك منه للأسف لغاية لما العربية بطلت والنتيجة حسب كلامهم هو وجوب تغيير جوان وش السلندر (لأنه تأثر بالحرارة ولو مغيروش هتلاقي العربية تخلط ميه على الزيت وتسخن تاني وممكن تغير وش السلندر نفسه لو تأثير الحرارة تسبب في انثناؤه (يقفع يعني)
الموضوع لحد دلوقتي مش كبير وحضرتك اطمني خالص بإذن الله سهلة, انا عارف انها مؤلمة جداً لما عربيتي تبقى جديدة ويحصل فيها كده بس ده وارد وإلا مكان الضمان يبقى ليه لازمة

معلش ممكن بس عشان احنا لسه طالعين من العيد أو ممكن المهنس أمر ميكنش جنب التليفون , عموماً ممكن حضرتك تكلمي الاستاذ أيمن وهو انسان محترم جداً و وبيقف معانا كلنا هنا في أي مشكلة
عموماً ياريت حضرتك تطمنينا بآخر التطورات وان شاء الله عربيتك تتصلح في أقرب وقت

يا فندم العفو انا تحت أمرك

بالنسبة للعيب فعلاً لو في عيب في الرادياتير يعمل كده ده لو حتى الرادياتير بس اتخرم والميه نزلت الموتور هيسخن لأن مفيش ميه تبرد الموتور

لو زي مالمهندس قالك تبقى سهلة بإذن الله ومتقليش طالما عيب صناعة لازم الحاجة البايظة تتغير ده حقك والتوكيل مش هيدفع من جيبه حاجة التغيير بيبقى على حساب الشركة الأم متقلقيش ان شاء الله خير