أخطائنا بالقياده

**ahmedeg1** · 19-08-2010 02:50 AM

كل سنة و انتم طيبيين و رمضان كريم عليكم جميعا بص يا سيدى الغيار الأول فعلا هو معمول علشان تحرك العربية من وضع السكون الى وضع الحركة و ممكن تمشى عليه طالما انك فى وضع السرعة المسموح بيه و هوا من 0 الى 15 او 20 و طبعا لما بتكون فى اشارة زحمه موت مش بتقدر تجيب التانى علشان العربية كده هتسقف منك و تجهد الموتور يبقى ممكن تمشى بيه فى حدود السرعه المسموحه و لما تحس ان الغيار الاول بيجى العافيه متقرص عليه و دوس سنه فرامل مع الدبرياج و هتلاقى الغيار الأول بييجى بنعومه طالما السره فى حدود 10 الى 15 و متقلقش انك مشيت عليه كتير

**kimocyc** · 19-08-2010 03:00 AM

باشا لو عايز تجيب الأول في أي لحظة... ودي بعد حيرة كاملة وعن تجربة - والله اعلم - إن حضرتك تفضل ضاغط فرامل مع الدبرياج وبكده حتلاقي الأول عشق معاك تمام ... ( متشلش رجلك من الفرامل)

مثال: ماشي ع ال60 ولقيت مطب من المطبات الغريبة اللي بلدنا... ضغط فرامل اضطراري والعربية هديت مش وقفت وبعدين ضغط دبرياج وانا لسه ضاغط فرامل وعشقت الأول عادي جدا..

وبرده ننتظر رأي الخبراء

**msaleh_353** · 19-08-2010 02:33 PM

كل الردود جميله ومقنعه وده اللي كلنا بنعمله المطلوب حد من الخبراء يقولنا الصح أكيد المسأله ليها قواعد وده كان الغرض الأصلي من المشاركه معرفة الفرق بين اللي احنا اتعلمناه بالممارسه وبين اللي المفروض نعمله ...

**SkyBird** · 19-08-2010 08:03 PM

في الاوتوماتيك الموضوع اسهل
ممكن تجيب الاول طالما انت في سرعة الغيار الاول 0-20 ولو كنت اسرع من كده حاجه بسيطة مثلا لو كنت على سرعة 40 وجبت الاول عادي العربية هتاخد الاول بس الار بي ام هيرتفع ل 4 او 5 مثلا

وهكذا باقي الغيارات بالمثل

**msaleh_353** · 20-08-2010 02:16 AM

المشاركة الأصلية كتبت بواسطة skybird

في الاوتوماتيك الموضوع اسهل
ممكن تجيب الاول طالما انت في سرعة الغيار الاول 0-20 ولو كنت اسرع من كده حاجه بسيطة مثلا لو كنت على سرعة 40 وجبت الاول عادي العربية هتاخد الاول بس الار بي ام هيرتفع ل 4 او 5 مثلا

وهكذا باقي الغيارات بالمثل

مش عارف أنا فهمت كلام حضرتك غلط ولا ايه ؟
هو مش الأتوماتيك انت ملكش أي دور في تحديد الغيار والفتيس هو اللي بيحدد الغيار المناسب لسرعة العربية بدون أي تدخل منك ؟؟؟

**SkyBird** · 20-08-2010 08:13 PM

المشاركة الأصلية كتبت بواسطة msaleh_353

مش عارف أنا فهمت كلام حضرتك غلط ولا ايه ؟
هو مش الأتوماتيك انت ملكش أي دور في تحديد الغيار والفتيس هو اللي بيحدد الغيار المناسب لسرعة العربية بدون أي تدخل منك ؟؟؟

للاوتوماتيك فيه الاختيارين