أخطائنا بالقياده

**msaleh_353** · 18-08-2010 12:51 PM

السلام عليكم ورحمة الله وبركاته

كل عام وأنتم بخير يا أجمل منتدي فيه موضوع في المنتدي بخصوص ضرورة الضغط علي دواسة الدبرياج قبل ادارة السيارة حتي لو العربيه في وضع المور وأنا علي الرغم من أني أمتلك سيارات وأقود من سنوات طويله كنت أول مره أعرف المعلومه دي وعليه تنبهت الي أن معظمنا تعلم القياده كده بالممارسه والمحاكاه وهو يظن أن قيادته تمام ومفيهاش أي أخطاء ومفيش حد بيسوق أحسن منه ...
لكن في الحقيقه أن القياده الاحترافيه التي من شأنها المحافظه علي مكونات السياره تختلف اختلافا تاما ففكرت لما لا نستفيد من خبرات أعضاء المنتدي خاصه المحترفين منهم لنتعرف علي أخطائنا بالقياده ....

يعني أنا عندي مثلا سؤال بخصوص اعطاء العربيه الغيار الأول وهي ماشيه لما بتهدي قوي وتقرب تقف بعطيها الأول بس ساعات بتاخده بسهوله وساعات بحس ان تروس الفتيس بتعض في بعضها فهل من المفروض ألا تعشق السيارة علي الأول طالما لم تقف ؟

**Hany A Fattah** · 18-08-2010 01:02 PM

وظيفة الغيار الاول هو تحريك السيارة من وضع الثبات الى الحركه
وبعد ذلك لا تحاول الرجوع اليه الا فى حاله الثبات التام

**Richman** · 18-08-2010 02:54 PM

انا لما العربية بتقف خالص او شبه واقفة بجيب الاول

**emad2100** · 18-08-2010 03:23 PM

على حد علمى ان الكلام ده صح وانا بيحصل معاياه كده لما بتكون العربية ماشية او شبه ماشية بطى واجى اخذ الغيار الاول بيكون فيه شبه عضة او احتكاك فى الفتيس فى حين ان الموضوع ده مش موجود لو رجعت للغيار الاول بعد توقف العربية والله اعلم

**Richman** · 18-08-2010 03:34 PM

يا ريت حد من الخبراء بفيدنا

**msaleh_353** · 18-08-2010 03:50 PM

المشكله ان العربيه ساعات تاخد النقله عادي وساعات الفتيس يعض كدة وبتبقي حاجه تضايق قوي المطلوب نعرف ايه الصح نسيب العربيه علي التاني ونوازنها بالدبرياج ولا نديها الأول حتي لو موقفتش ؟؟؟؟

**bakkarahmed** · 18-08-2010 06:28 PM

الاول مصمم للحركه من السكون ولكن لو عايز تدي الاول والعربيه ماشيه يستحسن انك ما تتعافاش عليه
بس الاهم لو الاول مارضاش يجي و هاتضطر تدي التاني بلاش العربيه تسقف منك علشان التسقيف بيجيب اجل العربيه (ونستني برده راي باقي الزملاء)