شكرا "تويوتا" و باشمهندس وائل

**Samir Elshahawy** · 18-08-2010 06:19 PM

الاخوة الكرام ...

كل عام و حضراتكم بخير و صحة و سلامة ...

اليوم كان موعد صيانة ال 50000 كم للياريس في توكيل أبورواش في الساعة العاشرة حسب الموعد الذي حصلت عليه منذ أسبوع

و بالفعل توجهت باكرا الي مركز الخدمة ووصلت قبل الموعد بحوالي نصف ساعة و أبلغت مهندس الاستقبال بملاحظاتي و لكن ....

كان هناك زحام نظرا لضييق الوقت و قصر فترة العمل حيث يغلق المركز أبوابه في الثانية و النصف و بدأ بعض العملاء في الضغط و أتباع أساليب الفهلوة لأدخال سياراتهم أولا حتي و أن وصلوا متاخرين أو لم يكن لهم موعد مسبق

و أثناء حديث تليفوني مع صديقي الحديث من المنتدي الرائع هذا الباشمهندس / وائل عبد الرازق أخبرني بأن أتوجه الي م/ أحمد فرج رئيس قسم الاستقبال و كل ماطلبته هو أن احظي بحقي و دوري و فعلا تم أدخال سيارتي في اول فرصة و أخذت منهم عناية و أهتمام في فحص ما أبديته لهم من ملاحظات رغم كل الضغوط التي يعانون منه

بصراحة توكيل تويوتا - أبورواش يتميزون بأنهم يبدون اهتماما بكل العملاء و يحرصون علي أرضائهم قدر المستطاع المشكلة الوحيدة كما ذكرت سابقا هي مشكلة الوقت نتيجة الضغط عليهم

حقيقي أود ان أشكر المهندس / وائل الذي أتصل بي بعد ذلك أثناء عودتي للأطمئنان علي و علي ماقام به التوكيل معي

كما أود ان أشكر كل من :
- م/ أحمد فرج (رئيس قسم الاستقبال) بتويوتا
- م/ محمد عبد القادر

مع خالص تحياتي
م/ سمير الشهاوي

**Dr Zezo** · 18-08-2010 06:24 PM

و حضرتك طيب

مبروك يا فندم علي الصيانة

و الحمد لله ان حضرتك قدرت تخلص في ميعادك في ظل الضغط الهائل المتوقع علي مراكز الصيانة في رمضان

بس يا تري حضرتك غيرت ايه في صيانة ال 50 الف

**Samir Elshahawy** · 18-08-2010 06:42 PM

المشاركة الأصلية كتبت بواسطة dr zezo

و حضرتك طيب

مبروك يا فندم علي الصيانة

و الحمد لله ان حضرتك قدرت تخلص في ميعادك في ظل الضغط الهائل المتوقع علي مراكز الصيانة في رمضان

بس يا تري حضرتك غيرت ايه في صيانة ال 50 الف

شكرا لرد حضرتك

كل اللي أتعمل في صيانة ال 50000 كم هو الاتي :
- تغيير الزيت (موبيل 1)
- تغيير فلتر الزيت
- كشف علي الطنابير و التيل
- تربيط عفشة و الكشف علي المساعدين
- تبديل الاطارات و ترصيص
- كشف علي الفتيس (نتيجة شكوي من تقل و صوت خبطة في حركة الفتيس)
- الكشف علي التكييف
- تنظيف فلتر الهوا

أداء العربية طبعا أتحسن جدا بعد الصيانة و حاسس انها فاقت و كانت عايزة تجري طول الطريق بس كنت ملجمها علشان الرادارات و الزحمة اللي علي الطريق

مع خالص تحياتي
م/ سمير الشهاوي

**Richman** · 18-08-2010 07:50 PM

مبرووووك ع الصيانة و عقبال ال 100,000 كم

**Hisham1** · 19-08-2010 05:40 AM

الف مبروك على الصيانة وربنا يباركلك في عربيتك وعقبال صيانة ال 100000

**OilMan** · 19-08-2010 10:29 AM

اود ان اشكر حبيبى وصديقى الحديث مهندس سمير باشا مع انى لسه فى التليفون امس منبه عليه عدم استعمال الالقاب اثناء محادثتنا التليفونية لانى لا احبز ذلك فى المعاملة بين الاصدقاء
اجمل حاجة انى الموضوع تم بالصدفة البحتة يعنى هو بيكلمنى بيسالنى ان كنت سوف احضر يوم الجمعه ام لا فسالته انت فين دلوقتى وابلغنى انه بالتوكيل فى ابو رواش وتم ما حدث وذلك نظرا لطيبة قلب سمير باشا ونيته الصافية
واخيرا حمد الله على السلامة وعقبال الصيانة اللى جاية وانا فى خدمتك فى اى وقت وفى خدمة منتدى تويوتا
واتوجه بالشكر من هنا لحبيبى وصديقى مهندس احمد فرج (رئيس قسم الاستقبال ) على ما اتخذه مع مهندس سمير
عقبالى كده ما يوجب معايا بس انا باروح التجمع وبرده حبايبى هناك وزى الفل