الموضوع: البطارية و سنينها

القصة بالتفاصيل الدقيقه
نازل الصبح و عديت على بتاع البطاريات لقيته جاب البطارية الجديده و الحمد لله
ركب
دور
قيس
نور
عالى
واطى
قيس
كله زى الفل
رحت الشغل و بعدين طلعت على شغلى فى المهندسين
نزلت اطلع العربية من الجراج
دور
هوب
تعيش انت
ادى زقه
دارت و الحمد لله
كان فاضل على الفطار 45 دقيقه
عديت عليه لاقيته قافل
ماشى
روحت البيت و فطرت و نزلت صليت التراويح فى الجامع اللى عندنا و خدت ابنى معايا
و دور العربية دارت بس و هى بتودع
عديت عليه
ايه يا عم هانى
قاللى تعيش انت الجديده
قلتله مليش فيها
قاللى انا كلمتك
طلع واحده جديده
ركب
دور
قيس
و قفت معاه 5 دقايق و العربية دايره
فجأة لقيتها بطلت
قلت لأحمد ابنى انت جيت ناحيتها
قاللى شغلت التكييف
قلت يبقى بطلت عادى
دور مفيش ماتت
الراجل كان بيضرب دماغه فى الحيطه
لأجل البخت واحد واخد بطارية الصبح رجعله بيها ميته
و انا باشوف البطاريات اللى عنده لقيت واحده 66 امبير هانكوك كورى
بس شكلها محترم قووووووى
قلتله و دى نظامها ايه
قاللى اغلى 90 جنيه
قلتله ركب و مش هادفع غير لما اجرب
قاللى ماشى
على ما ركب كلمت واحد بتاع بطاريات معرفه
قاللى ابعد عن الكلورايد اللى نازله زباله
قلتله على الهانكوك قاللى تحفه بس هات ال 66 امبير احسن حاجة
والحمد لله على قد كده
فرق الحساب 235 جنيه
و طار فى السكه 3 بطاريات منهم 2 جداد و البطارية بتاعت الراجل اللى كنت واخدها منه سلف لغاية ما يشوف البطارية هيعمل فيها ايه
يعنى 4 بطاريات فى يومين
و الحمد لله رب العالمين