الموضوع: الوساطه والمحسوبيه

قبل رمضان باسبوع واقف اما موقف عبود في امن الله يعني واقف علي جنب ومفيش مشاكل
عربيه ونش من بتوع الشرطه
كان فيها ملازم اول كان امين شرطه
عدي جنب مني وراح راجع عجلتين وقالي الرخص
انا فكرت انه علشان انا واقف صف تاني وقولت ها اقوله انا ماشي وخلاص
لقيت الافندي بيقولي ارفع الزجاج ونزله كده
انا طبعا مركب فاميه اول درجه فاتح يعني مش باين انه فاميه وده علشان التكييف
قالي انا ها سحب الرخص علشان الفاميه
اجيبه يمين شمال دماغه والف جزمه قديمه انه لازم يسحب الرخصه
انا كل مشكلتي مش في المخالفه انا فكرت في اعاده الفحص والبهدله اللي الكل عارفها
المهم اخد الرخصه ومشي
انا ليا اخويا بيشتغل في جهه سيا ديه
والله كلمته قالي استني ربع ساعه وها اكلمك تاني
المهم قالي هات ورقه وقلم واكتب
اداني اسم مدير مكتب رئيس الاداره العامه للمرور
وتليفونه
قالي لف بقي علي الضابط ده لحد ماتلاقيه
طبعا هنا بقي العذاب كله واكد عليا اني لازم الاقيه لان الرخصه لو اتسلمت ها استني لحد ما تروح الاداره اللي انا تبعها
اقعدت الف علي الباشا واسئل عليه الامناء من معهد ناصر للخلفاوي لشارع شبرا وكل ماسئل عليه يقولو دا لسه ماشي ساعه عمال الف عليه في الشوارع ابن ال
المهم لقيته عند الدوران
اول ماشافني قالي خير ايه اللي جابك تاني جاوبت طبعا وانا كلي غرور
قولت له انا بعتني العميد فلان
قالي لا ما اعرفوش
قولت له طب هو عايزك علي التليفون ورحت طالبه
لكم ان تتخيلو منظره وهو بيكلمه كان عامل زي الطفل اللي مرعوب من مدرسه
لاني حسب ما عرفت ان الامناء اللي بيترقو ظباط بيبقي الامر جديد عليهم ولسه واخدين علي النظام القديم من معامله الظابط للا مين
تعليمات سيادتك يا فندم اوامر سيادتك يا فندم
وراح مسلمني الرخصه وهو زي ال ولا بلاش
وانا ماشي بيسالني انت بتعرف سياده العميد منين
قولت له اصله جارنا
بس بصراحه في فرق بينه وبين خريج الاكاديميه
لان عند المنيل نفس الموقف حصل معايا علشان الفاميه
وكان ملازم اول
قالي بردو ارفع الزجاج ونزله
وبعد كده قالي ابقي شيله وخلاص
انما التاني عقد النقص كانت قتلاه
لاني لما رحت ليه لاقيت حواليه سواقين ميكروباص لامم رخصهم وعمالين يتحايلو عليه
فعلا البلد دي بلد الكوسه بجداره