الموضوع: الريان هل هو اسطورة اقتصاديه .. ام نصاب محترف ....!!؟

المشاركة الأصلية كتبت بواسطة hesham_tawfiq

طيب هل معنى كده نستسلم ونلف البلد فى كفنها ؟
معاك مفيش صف تانى بس ممكن البرادعى يكون افضل الوحشين وفى كل الاحوال افضل من اللى موجود حاليا والاحوال مظنش انها ممكن توصل لاسوء من اللى هى عليه والا هيكون فيه زلزال يضرب البلد من شرقها لغربها
لو البرادعى وحش هيبئى من حقك - لو اتنفذت مطالبه واتغير الدستور - انك متنتخبوش بعد دورتين رئاسيتين
فيه شخص انجليزى متعصب شويتين وبصراحه مش فاكر اسمه كان قال على موقع "انتم لاتستحقون الحريه لانكم لاتريدون دفع ثمنها" وبصرف النظر عن القائل و المكان اللى قال كلمته فيها انا شايف ان الحريه تستحق مش عشانى ولاعشان اللى موجودين دلوئتى انما عشان ولادى ميكبروش ويلعنونا اننا سبنا البلد توصل لاحط من الحضيض
للاسف هى بلدنا واحنا اللى مسؤولين عنها مش حد تانى ومش بأيدينا نرفض المسؤوليه دى يعنى مفيش غيرنا اللى هيعدلها

ايه ده هو انت لسة متعرفش
واتدفنت ومتعملهاش عزا كمان

ووالله زمان كنت بقول زيك كل شوية اقول لا يمكن تبقي الاحوال اسوا من كدة الاقيها بقت اسوا واسوا
والبرادعي زيه زي غيره كلهم مجهولين والله اعلم هيحصل ايه لو مسكوا
اما حكاية الفترتين دي فبيفكرني بواحد اعرفه بردو اول ما مسك قال هيقعد دورتين وبعد كدة شكرا يا خسارة نسي
والراجل الانجليزي طبعا عنده حق
بص
انا دلوقت ماشي بمبدا انا مسؤل عن نفسي وبس
اعمل اللى عليا واللى يحصل يحصل
ويم ما تخرب هاخد عيالي وارجع بلدنا حتي يقضي الله امرا كان مفعولا

المشاركة الأصلية كتبت بواسطة hossam_chixo

ياجماعة بعد اذنكو عاوزين واحد يكون عاش ايام الريان و يحكلنا بالظبط القصة و هل هو كويس ولا لأ و ممكن يكون فى امل انوة يرجع زى زمان ولا لأ و شكرا جدا ؟؟

المشاركة الأصلية كتبت بواسطة dr ahmed

ما بالفعل د محمد (كايرو 2005) قال أنه شهد أيامه بالفعل
و أخونا نابستر أيد كلامه بكلام السيد والده

انا وقتها كنت في الكلية وكنت مدمن سياسة واقتصاد ومتابع جدا خصوصوا زي ما قلت ان اختى كانت هتحد فلوسها من السفر في الريان وكان فيه واحد من قرايبي بيشتغل في الادارة الرئيسية عنده وهو اللى كان بيشجعني نحط فلوس اختى عنده

لكن الوالد الله يطيل عمره له نظرة ثاقبة رفض وقال لا الحكومة مش هاتسيبه في حاله وحطينا الفلوس في البنك

ومعظم اللى كتبته مما عاصرته فعلا

المشاركة الأصلية كتبت بواسطة medo_2060

الموضوع جميل وانا عرفت معلومات كتير اول مره اسمعها
وشكر خاص للاستاذ cairo2005 على كلامك المفصل
==========
بالنسبه لرأى فى الموضوع والرأى دا اتذكر هنا اكتر من مره ان الحكومه لما لقت انه بيهددهم قصته زى شغل المافيا بالضبط.

ربنا يخليك يا رب ومتشكر جدا على زوقك وكلنا بنتعلم وبنعرف من بعض
ورايك فعلا سليم

المشاركة الأصلية كتبت بواسطة hossam_chixo

طبعا شكرا جداااااااااااا يا استاذ cairo2005 انا بس كان قصدى ان حد راح حط فلوسة هناك و يحكلنا اية الى كان بيحصل بالتفصيل
انا بصراحة مش عارف مقتنع بالريان جداااااااااااا و حاسس انوة اتظلم

بص يا سيدي الناس اللى عملت ايداع عند الريان معظمهم في الحقيقة حصلوا على جزء كبير من اموالهم بالفعل قبل ما يتقبض عليه ما عدا المودعين في اخر سنة ليه بس ليه ؟
لان الناس اللى اودعت قبل القبض عليه بسنتين حصلوا على ارباح 50% (25 كل سنة)
وبعد القبض عليه حصلوا على نسبة حوالى 20% من اموالهم نقدي وجزء منها عيني يعني تقريبا اخدوا فلوسهم

المقلب شربه الناس اللى اودعت في اخر سنة لانهم ملحقوش ياخدوا حاجة واتلعملوا معاملة قريبة اوي من المودعين القدامي

واللى شربوا المقلب بجد الناس اللى كانت بتسيب الارباح بتاعتها وتضمها للي اودعوه من قبل