مفاجـأه لكل البروتونــاويه القادمين , تخفيض أسعــار سيارات بروتون خلال شهر رمضــان

**epzomata** · 22-08-2010 10:30 PM

اية الاخبار يا جماعة الخير؟ مافيش أى جديد تانى و لا ايه؟
الأسعار كده و معاها الخصم بتاعنا ولا مافيش؟

**abo_mahmud** · 25-08-2010 04:34 AM

ياريت لو فيه جديد قول . وياريت الأستاذ أيمن يحط الخبر الجديد مرتين مرة فى هذا الموضوع ومرة فى موضوع الجديد أصل منتدى بروتون بدون زعل مش منظم خالص . وكمان أنا أساسا لوجناوى . وزوج أختى عاوز يشترى اليومين دول جاهز . ياريت أحسن مكان للشراء كاش . والسعر كام بالعرض للبرسونا الهاى لاين أتوماتيك كل الكماليات .
وشكرا ياأستاذ أيمن . وياريت الأستاذ مهاب يرد لو قرأ التعليقى .

**x512** · 25-08-2010 06:22 AM

المشاركة الأصلية كتبت بواسطة egypt0777

نفس سؤال الاعضاء

هو الخصم قبل الزياده ولا بعد الزياده

لو بعد الزياده افتكر ان ده افتكاسه لا ن حايبيع المخزون اللى عنده ( قبل تطبيق القرار) بنفس سعره عشان كده بيقلك او حتى نفاد الكميه اللى هى طبعا الاستوك القديم قب الزياده و بكده هو عمل حركة تنشيط مبيعات من الهوا

مظبوط....يعني شالو ألضو حطو شاهين

**x512** · 25-08-2010 06:26 AM

بس الواقع بقى إن الزيادة حصلت ومفيش مخزون تقريباً

يعني ايه مفيش مخزون...امال استاذ محسن صالح اما قولتلو عاوز برسونا رمادي قالي دي في المستودعات اللي في القريه الذكيه....مش المستودعات دي اللي هي مخازن برضو؟؟ و المخازن بتتعان فيها البضاعه علي متتباع؟؟ ولا ايه؟؟....ثم يعني هو عز العرب بيجيب 4 عربيات مثلا او 5 و يبيعهم اول باول علي انه معرض او تاجر صغيرر.!!!..كلام مش مقنع الصراحه

**powerofhelll** · 25-08-2010 06:27 AM

خبر حلو جدا جدا
رمضان كريم

**x512** · 25-08-2010 06:30 AM

طب لو فرضنا ان ده حقيقى طب ليه خلاها لحد نفاد الكمية

الكلمة ده معناها ان هو عنده مخزون و عاوز يخلصه والا كان عمل العرض لاخر شهر رمضان مش لحد نفاد الكميه --ا

صحيح...يعني نفاذ الكميه دي مش معناها ان في مخزونّ!! ولا هو اي كلام في اي اتجاه؟

**x512** · 25-08-2010 06:38 AM

ولكن شركة عز العرب قررت تحمل فرق الزيادة مؤقتاً ولفترة محدودة وبمناسبة رمضان والأسعار هتزيد بعد العرض.. اللي عايز يستفيد من العرض دي فرصة. اللي شاكك ممكن يستنى ويتأكد إن الأسعار هتزيد.

يعني ايه عز العرب هيتحمل ال 4 الزياده؟؟ يعني هو جاي علي نفسو...طيب جاي علي نفسو ليه؟؟ اكيد مش عشان يهادي الناس بمناسبه رمضان او محبه يعني...السبب المنطقي الوحيد انو عاوز يخلص المخزون بتاع 2010 قبل ما موديلات 2011 تنزل و هيبيع 2010 بسعرها الاصلي و بيوهم الناس انو كدا عاملهم الواجب و زياده...دا بزنس حضرتك يعني بيحسب من حيث المكسب و الخساره فقط انما مفيش حاجه اسمها "بمناسبه شهر رمضان الكريم" هتحمل ال 4 اللاف الزياده....يا ريت نقول كلام منطقي و معقول يقنع الناس لان الناس مش عبيطه و فاهمين

**yaseenmohamed** · 27-08-2010 12:16 AM

ده كلام صحيح والدليل علي كده روح أي معرض حتلاقي الاسعار هي الاسعار بعد الزياده يعني لغايه امبارح سألت علي الساجا الاوتو في أكتر من معرض في السويس 74000

**ITEgypt** · 28-08-2010 05:17 AM

السلام عليكم
أنا بإذن الله نويت أشترى بيرسونا 2010 بس لسه مجهزتش بالفلوس كامله فهل ينفع أحجز واستلم بعد رمضان؟
ياريت حد من المتأكدين أو من الشركة يرد على بسرعه وجزاكم الله خير

**x512** · 28-08-2010 06:17 AM

المشاركة الأصلية كتبت بواسطة itegypt

السلام عليكم
أنا بإذن الله نويت أشترى بيرسونا 2010 بس لسه مجهزتش بالفلوس كامله فهل ينفع أحجز واستلم بعد رمضان؟
ياريت حد من المتأكدين أو من الشركة يرد على بسرعه وجزاكم الله خير

اعتقد ينفع عادي....انا حاجز بقالي اكتر من شهر و لسه مرحتش ادفع بسبب شويه ظروف كدا...المهم تحافظ علي الوصل بتاع الحجز