الموضوع: أروح الشغل ولا لأ ؟؟

المشاركة الأصلية كتبت بواسطة kamalsalem

Ladies and gentlemen, I will write in English because I'm too sleepy to look for the right buttons in arabic, and i would like to sleep soon, and I type really fast in English.

Anyhow, I work for a multinational, not only that, I was part of the team who designed and actually implemented the NEW passports in Egypt,

What happens when u apply for a visa to Israel? this is an answer for the dear friend who said that you won't be able to go to the gulf countries anymore, when u apply for Israel, they TAKE ur original passport, and give you a temp. passport only for israel, and once you get back, you get your original passport back, if you don't believe me, just go to the Tahreer complex and ask.

If I were asked to go to Israel I would really consider doing it, it is a very developed country, the only drawback, is what are you going there to do? are you using ur intellectual power to help the state of Israel? in that case it's up to you to choose to do it or not.

going to national security of egypt or the intelligence agency won't do u any good because simply they already know, and if u apply for a visa you get a free visit to Abdeen square lol

choose for yourself, you can go to israel, do whatever you have to do, and come back, and no one will ever know except you, and by the way tel aviv is perfectly safe to do business, it is not an area of conflict.

I'm not a spy, i'm just saying don't close an open door until u've heard both sides of the story. and here's my side...
thanks.

حضرتك قلت: do whatever you have to do, and come back, and no one will ever know except you

وفين ربنا يا استاذي الفاضل؟

المشاركة الأصلية كتبت بواسطة maserati

السلام عليكم و رحمة الله و بركاته

أنا بقول رأيى فى الموضوع ده من وجهة نظرى الشخصية و بتكلم بعقلية واحد نويت انى أسيب مصر و مفكرش أرجع تانى خالص الا للضرورة القصوى و أنا - مع شديد احترامى لكل اللى أخوانى الأفاضل اللى بيحبوا مصر - من المشاكل و اليأس و القرف اللى شوفته هنا بتمنى أنى أسيب مصر و أنسى انى كنت فى يوم من الأيام مصرى أو كانت تربطنى بمصر علاقة و خاصة انى كونى مصرى أو ليبى أو سودانى أو جنوب أفريقى , مش دى اللى هتدخلنى الجنة .

أنا ماقصدتش أن الشغل فى اسرائيل هو اللى هيحسن ال cv للأخ الفاضل اللى جاله عمل فى اسرائيل , أنا قصدت أن عمله فى شركة multinational , هو اللى هيحسن ال cv بتاعه .

حاجة تانية , أن ايه كان هيبقى القرار لو كان فيه فرصة عمل فى ألمانيا مثلا فى شركة بتاع ناس يهود و صهاينة و معاديين للاسلام كمان, هما مش فى اسرائيل , هما فى ألمانيا .

طاب , لو حبيت انك تسافر تكمل دراستك بره أو عشان تاخد ماجستير ولا دكتوراة و ببساطة لقيت المشرف عليك اسرائيلى يهودى ؟؟؟
أو لقيت الteam اللى هتشتغل معاه بره فيه ناس يهود و ده أمر وااااااااااااااااااارد جدااااااااااااااااااا؟؟؟

على فكرة , المواقف اللى انا بقولها دى , كلها مواقف حقيقية مش من نسج خيالى خالص .

حاجة أخيرة , حكاية الزواج من اسرائيلية و معاها جنسية تانية و الكلام ده - مع شديد احترامى - لا ينطلى على أى واحد مسافر بره و عارف هو رايح ليه و ايه المغريات اللى ممكن تقابله و ايه العروض اللى ممكن تقع أودامه و الكلام ده كله, و على فكرة الحاجات دى مابتحصلش جوه اسرائيل أد مابتحصل بره و بالدات فى أوروبا و مش للمصريين بس , لكن لكل العرب و المطلوب ببساطة أن أى واحد مسافر دولة اجنبية , أنه يحطاط كويس و يتصرف بحكمة فى حياته و خلاص .

صحيح , لو كان أخونا الفاضل متزوج , كان هيبقى فيه مشكلة فى أن أسرته توافقه على السفر معاه الى اسرائيل .

حكاية أن فيه فرص وهمية هتضيع منه فى الدول العربية و الخليج , فالدول دى عندها سقف للفرص اللى بتتاح للمصريين مهما بلغت شهادتهم و خبراتهم و الدول دى أغلبها - بلاش كلها - بتتعامل بمبدأ العبودية مع المصريين و كل المصريين اللى راحوا هناك كانوا عارفين و شايفين كل الكلام ده كويس أوى , بس المرتب الكبير - مقارنة برواتب مصر - هو اللى كان بيخلينا نستحمل المرمطة و قلة القيمة هناك و على فكرة , قلة القيمة هناك مش معناها ان انا اللى لازم أتهزأ عشان تتقل قيمتى ,لأ خالص, لكن لما اكون انا مصرى و فيه واحد مصرى اتهان أودامى- سواء بالظلم ولا بالحق - و انا ماقدرتش اعمله حاجة , أبقى كأنى اتهزأت بالظبط, أنا قضيت فى السعودية 3 سنين و فترة اقامتى فى السعودية هى اللى خلتنى أقدم و أسعى بايديى و سنانى فى هجرة كندا , أنا على أد ماتعاملت مع سعوديين كتييييييييييييير محترمين , الا أنى شوفت سعوديين خلونى أكره انى مصرى و الكلمة دى مايفهمهاش اللى عاش فى السعودية و ده على فكرة مش عشان هما ناس ظالمين و وحشين , لأ , ده لأن الحكومة بتاعتنا هى اللى هاينانا و مش عامللنا قيمة و مش لازم الحكومة بتاعتنا تطلع فى التليفزيون تشتمنا عشان ده يبان , لكن لو كنتوا شوفتوا المصريين الغلابة اللى راجعين من رحلة الحج بالباخرةو هما نايمين بالأسبوع على رصيف ميناء ضبا السعودى فى عز البرد فى موسم الحج بتاع سنة1429 و فيه ناس ماتت أودام عينى من البرد و ده انا شوفته بعينى بحكم عملى طبيب فى وزارة الصحة السعودية فى منطقة تبوك , عشان الحكومة المصريه و السفارة المصرية مش مكلفة خاطرها حتى تعمل صوان ولا فراشة عشان تحمى الناس دول من البرد لحد ماتيجى العبارة و تشيلهم , كنتوا فعلا كرهتوا الجنسية المصرية , فى نفس السنة دى المصريين من الغلب اللى كانوا فيه , بقوا بيتصلوا بالهلال الأحمر السعودى عشان لما عربية الاسعاف تروحلهم و الباب الورانى يتفتح , تلاقى حجافل المصريين يتخانقوا عشان ينطوا جوه العربية عشان تنقلهم للمستشفى لأنهم عارفين أن المستشفى دفا و اللى يروح هناك مش هيموت و لما المصريين دول زهقوا من الوضع ااغير آدمى اللى هما فيه , عملوا مظاهرة و قفلوا الشوارع بتاع مدينة ضبا و بالتالى عطلوا حركة المرور , ماهما هيعملوا ايه , ماهما نايمين فى الصقيع بقالهم أسبوع , قامت الأهالى السعوديين و قوات الأمن نزلوا فيهم ضرب بالعصى و العقال بتاع السعوديين و داسوهم بالعربيات و المصابين منهم , حطوا السلاسل فى رجليه - بصراحة يشكروا , ماحطوش حاجة فى ايده - و جابوهولى المستشفى مكبل بالسلاسل عشان أكشف عليه من الاصابات اللى فيه بصفتى طبيب الجراحة المصرى اللى فى المستشفى , الكلام ده محدش حكهولى , أنا و الله العظيم شوفته بعينى الاتنين .

بعد كووووووووووووووول ده , ماينفعش نتغنى بأننا أحسن بلد فى الدنيا و أن الخلق وقفوا ينظرون كيف أبنى قواعد المجد وحدى و الكلام ده , اللى منكن شاف ده بيتعمل فينا كمصريين , لازم هيكره أنه اتولد و لقى نفسه مصرى .

أنا لو كنت مكان الأخ الفاضل اللى جاله عمل فى اسرائيل و رفضه , كنت هسافر اسرائيل و هشتغل فترة الشغل المطلوبة منى و بعد كده هخطط و أنا فى اسرائيل انى أنط على أوروبا ولا امريكا و لا كندا , آخد جنسية البلد اللى هروحها دى و انسى اسرائيل خالص .

على رأى واحد طبيب فلسطينى زميلى - الله يمسيه بالخير -كان معايا فى تبوك فى السعودية , لما سألته على اسرائيل قاللى بلسانه ( اسرائيل فيها ميزة واحدة بس , أن هناك , لا احد فوق القانون ) !!!!!!!!!!!!!!!!!!!!!!!!!!!!


شكرا و آسف جدا للاطالة

مازيراتى كواتروبورتيه

أستاذي الفاضل انا حاسس بكل كلمة انت قلتها لاني انا كمان اشتغلت فى الدول الخليجية اربع سنين ونصف، ويا عزيزي انا كلامي ليك بينطلق من منظور ديني وليس مصري وقصدي ان مش معنى ان بلدي زفت يبقى ابيع ديني لأن مشكلتنا مع الكيان الصهيوني انه بيستحل اعراض المسلمين ودمائهم، فحتى لو ساعدتك كنت ماليزي او انجليزي مسلم برضه مينفعش تخدم السفاحين دول.

هاجر زي ما انت عايز وانسى مصر زي ما انت عايز بس متبعش دينك وبيع الدين هنا هو اعانة الصهاينة باي شكل من الاشكال حتى لو بكلمة.

اما انك تقول ان بره حتلاقي يهود، ده كلام صحيح جدا لكن يوجد فرق كبير بين اني اقابل يهودي خارج اسرائيل واني اروح بلدهم اساعدهم، احنا مش اعداء اليهود لانهم زيهم زي المسيحيين، احنا اعداي السرطان الصهيوني المجرم. وطبعا ممكن ندخل في حوارات حلوزنية مش حنخلص منها لكن الخلاصة ان الدين اهم من مصر والدين بيقول مترحش اسرائيل!!

ولك مني كل التحية لاني والله حاسس بالمرار اللي انت حاسس بيه واكتر وشفت نفس اللي انت شفته.