شاهين 1600 2008

**Alawamry** · 07-03-2008 06:51 PM

باركولي حجزت شاهين 1600 وعايز اعرف الاشياء التي تسلم مع العربيه وما يجب مراجعته وهل تنصحوني بالتأمين عليها ام لا وما هو مبلغ التأمين

**فادى** · 07-03-2008 10:34 PM

مبروك على العربية الجديدة و ربنا يباركلك فيها.
بص يا سيدى انا معايا شاهين 1600 نفس عربيتك بالضبط بس موديل 2006, و لما اشتريت العربية كان معاها الأتى :
- كتالوج فيه مواصفات السيارة و مواعيد الصيانة و دليل الاستخدام.
- كتالوج منفصل للكاسيت.
- كوريك و مفتاح عجل و مفك و مفتاح صغير.
- علبة تحط فيها الكاسيت لأنه وشه بيتشال.
العربية سريعة جدا و محركها قوى جدا, و تكيفها لا بأس به رغم انو الكمبرسور صغير و هتعتاد بعد شوية ازاى تبعد الهواء عن "ركبتك" و توجهه اليك بشكل صحيح لان الهوايات تحت, الباور مريح و العربية عفشتها رائعة و ثباتها مقنع جدا خاصة فى المنحنيات, متنساش انو العربية دى 96 حصان على وزن خفيف جدا 960 كيلو و دفع خلفى, يعنى العربية شبه رياضية. و الانجيكشن ملوش أى مشاكل بشهادة معظم الميكانيكية و العربية بقالها معايا دلوقتى حوالى 42ألف من غير أى مشكلة.
دى تجربه أنا كتبتها عن الشاهين ممكن تفيدك :
http://www.nilemotors.net/Nile/showthread.php?t=5655

**فادى** · 07-03-2008 10:42 PM

بالنسبة للمراجعة أو مشاكل التصنيع فأنا سمعت من الكثير نصيحة بتغيير المساعدين الأماميين , بالنسبة للعربية عندى أنا مغيرتش أى حاجة, لأن المساعدين عندى كويسين جدا و مش محتاجين للتغيير, أعتقد انو مشكلة مساعدين الشاهين انتهت عند نصر, و محصلش عندى أى مشكلة تصنيع الا الكلاكس الى كان صوته ضعيف شويه و رحت غيرته تبع الضمان, و مفيش أى مشكلة تانية ظهرت معايا.
و طبعا أنصحك بالتأمين عليها ضمانا للمستقبل و خصوصا انو التأمين مش هيكلفك كتير, بصراحة أنا مش فاكر المبلغ بالضبط بس مكانش مبلغ كبير.

الموضوع: شاهين 1600 2008

LinkBack

أدوات الموضوع

عرض

المواضيع المتشابهه

ارجو المقارنة بين شاهين 1600 و فيرنا 1600

شاهين 1993 1600 cc

شاهين 1600

شاهين 1600 انجيكشن 27 الف

شاهين 1600

الكلمات الدلالية لهذا الموضوع

المفضلات

المفضلات

ضوابط المشاركة