الموضوع: تقييمي عن السيارة 523i بعد مسيرة 1000 كيلو.

أنا النهاردة يا جماعة عامل تقييم يا رب ينول إعجابكم عن عربيتي BMW 523I موديل 2001 ماشية 125000 كيلو متر. وفي بعض الملاحظات هكتبها بلون مختلف لمن يهتم ويقدر يساعد فيها..بسم الله :

* المواصفات :
___________

1- العربية لونها رمادي ميتاليك .. صحيح مش من الألوان الحلوة في الفئة دي.بس شغال يعني.

2- موتور 2500 سي سي DUAL VANOS مزود بـعدد 6 سلندرات بقوة 170 حصان وعزم دوران 245 نيوتن...ونسبة الإنضغاط 1:10:5 يحقق تسارع من 0-100 في 8 ثواني.

3- نظام القيادة بالدفع الخلفي RWD.

4- ناقل الحركة أوتوماتيك STEPTRONIC مكون من 5 سرعات مع النظام الرياضي D-S. سلس جدا وسريع الإستجابة.

5- السرعة القصوي المجتازة حتي الآن 220 كيلو متر وكان لسة فيها تاني ولكن الطريق لا يسمح.

6- خزان الوقود سعة 70 لتر.


* عوامل الأمان :
____________

1- نظام تعليق قوي مكون من 8 مقصات و ستيبلايزر.

2- فرامل ABS.مع SERVO ASSISTED.

3- نظام ASC مانع الإنزلاق.

4- عدد 8 AIRBAGS.

5- عدد 5 أحزمة أمان .

6- وزن السيارة فارغة 1605 كيلو جرام.

7- فصل البنزين عن المحرك في حالة الحوادث لا قدر الله.


* الكماليات :
__________

1- عدد 4 زجاج كهربة مع وحدات رفع لجميع الأبواب.

2- فتحة سقف كهربة بها أيضا وحدة رفع.

3- سنتر لوك مع ريموت كنترول يمكن عن طريقه فتح وغلق السيارة وفتح وغلق النوافذ وكذلك فتحة السقف.وفتح وغلق صندوق الأمتعة.

4- فتح صندوق الأمتعة من الداخل.

5- أبانوس في الأبواب والطابلوه و عجلة القيادة والفتيس.

6- السيارة من الداخل كلها جلد طبيعي ( الطابلوه - الأبواب - الكراسي - الطارة - الفتيس - فرامل اليد )

7- عجلة القيادة قابلة للتعديل في جهات متعددة.

8- عجلة القيادة متعددة الوظائف.

9- مثبت سرعة مع إمكانية زيادة وخفض السرعة من عجلة القيادة.

10- تكييف إلكتروني DUAL ZONE مع منفذ تكييف في الخلف. مع dual filter .

11- حامل أكواب أمامي و خلفي.

12- مسند يد أمامي قابل للحركة للأمام والخلف ومسند كبير خلفي في منتصف الكنبة.

13- راديو / كاسيت / CD CHANGER لعدد 6 إسطوانات AUDIO.

14- عدد 10 سماعات.

15- شاشة عرض كمبيوتر كاملة في لوحة العدادت تعرض الآتي :

- إستهلاك البنزين
- STOPWATCH لقياس التسارع.
- التاريخ.
- المسافة المتبقية للبنزين المتبقي.
- وحدة CHECK CONTROL وعن طريقها يتم معرفة أي عطل مهما كان في السيارة.
- كمبيوتر رحلات يحدد زمن الوصول والمسافة المقطوعة.
- مقياس LIMIT للسرعة مع صوت إنذار بعد تخطي السرعة المظبوط عليها الـ LIMIT.
- مواعيد تغيير الزيت والفلتر..
- عرض حالة السيارة CAR STATUS يوضح إذا كان أحد الأبواب مفتوح أو النور منسي مثلا أو في لمبة محروقة ...إلخ..

16- كرسي السائق وكرسي الراكب الأمامي كهربة بالكامل حتي مساند الرأس. مع ميموري تخزين للكراسي والمرايات لـ 3 أوضاع مختلفة.

17- ستارة خلفية كهربة.

18-المرايات الجانبية كهربة مع AUTO FOLDING.

19- المرايات الجانبية ومراية الصالون ذاتية التعتيم.

20- تليفون نوكيا خاص بالسيارة مع كاركيت مع التحكم عن طريق الشاشة الموجودة في الطابلوه.

21- العربية فيها 11 لمبة في الصالون.( 3 في الأمام - 4 في الخلف - لمبة في أسفل كل باب ).

22- طفاية في كل باب وطفاية في الكنسول الأمامي.

23- عدة كاملة في صندوق الأمتعة من مفكلت و مفاتيح و كوريك و ستيبن.

24- 5 جنوط مقاس 16 أصلي.

25- إيريال مدمج في الزجاج.

26- فوانيس ضباب أمامية وخلفية.

27- تصفيح كامل أسفل السيارة.

28- عازل حراري لباد أسفل غطاء المحرك..

29- حليات من النيكل كروم في السيارة من الداخل والخارج والأعتاب.

30- سينسور بارك خلفي فعال جدا.


*ملاحظات عامة علي السيارة :
________________________

1- الصالون بتاع العربية مريح لأبعد حد ممكن من حيث الوسع وسهولة التحكم في وظايفها من جوة.

2- الكمبيوتر بتاعها حلو وشامل حاجات كتير.

3- توزيع منافذ هواء التكييف مدروس بعناية.

4- الخامات من جوة حدث ولا حرج فيما عدا حاجة واحدة إن فرش القوايم بيفك بعد فترة من الشمس وعاوز أصلحه.

5- التقفيل من جوة مش بطال بس طبعا واضح عليه الأيدي العاملة المصرية الزبالة.

6- صوت الموتور هادئ علي السرعات البطيئة و متوحش علي السرعات العالية.

7- العزل فوق الممتاز.

8- العفشة ناشفة ومعرفش ده طبيعي ولا لا.

9- في أصوات بسمعها من الصالون في الشوارع المكسرة بمعني إن في حاجة في الصالون عاوزة تتربط معرفش إيه هي.

10- أبعاد العربية رؤيتها كويسة علي الرغم من طولها وطبعا السينسور بيفرق.

11- ثبات العربية no comment .

12- الفرامل حلوة بس عاوزة تعود شوية.

13- النظام الصوتي نقي وجميل بس BASS قليل شوية مقارنة بالنظام الصوتي الجبار في الفانتازيا.

14- ساعات لما ألف الطارة يمين بتعمل صوت تزييق بسيط مع العلم إن زيت الباور مش بينقص ولمل سألت كذا واحد قال ده تراب في الفاصل اللي بين الطارة والطابلوه ويتعالج بمزيل الصدأ.

15- وسع الصالون مرضي جدا جدا جدا حتي للركاب في الخلف.رجلهم مش بتلمس ظهر الكرسي.

16- التكييف تلاجة بس بياخد وقت عشان يبرد كعادة الألماني.

17- مش هتكلم طبعا عن التسارع والمناورات.

18- السيرفيس بتاعها مكلف بعض الشئ لكن بيدوووووم كتير.

19- غيرت تيل الفرامل بالأصلي وبيصفر كتير مش عارف ليه.

20- إرتفاع العربية من علي الأرض ممتاز مش بتحك في أصعب المطبات.

21- صاج العربية قوي جدا.

22- في زرار في التكييف مكتوب عليها RESET معرفش ده بتاع إيه وبدوس عليه مش بيعمل حاجة.

- وأخيرا وليس آخرا الحمد لله رب العالمين علي فضل ونعم ربنا وربنا يسترها ويكفيها ويكفينا شر الطريق وشر الحاقدين. ويبارك فيها يا رب.

- ده كل اللي أنا فاكره حاليا عن العربية ويا ريت لو حد عنده أي ملاحظات أو نصايح يقولي علي طول. وأنا آسف جدا علي الإطالة و شكرا.

المشاركة الأصلية كتبت بواسطة adel1414

الف مبروووك عليك وربنا يعطيك خيرهاويكفيك شرها

آمين يا رب وألف شكر لحضرتك