الموضوع: الى كل اصحاب النوبيرا

عشره على عشره

المشاركة الأصلية كتبت بواسطة samirayad

عشره على عشره

شكرا للرد يا هندسه .بس احب اوضح لحضرتك انى مهندس شغال فى مجال المقاولات الحره وبصراحه اللى خلانى افكر فى الاوبل هو طبيعة العمل الصعبه وان مافيش وقت كل شويه اقعد جنب الصنياعيه ولكن صدمت طبعا من الاوبل بسبب العطلة فى الصيانه كل شويه غير ان صيانتها مكلفه وبتتعمل عند ناس معينين مع العلم انى لسه فى بداية مشوار المقاولات ومش حمل مصاريف كل شويه.
عموما لو تكرمت حضرتك تقولى مزايا وعيوب العربيه دى وهل تتحمل العمل الشاق ؟

ايه يا جماعه محدش راكب نوبيرا خالص يشاركنا الرأى ؟!!!
اخوكم مزنووووووووق

المشاركة الأصلية كتبت بواسطة محمد الشامي

انا مش معايا نوبيرا
بس تقييمي الشخصي ليها وعن تجربه انها عربيه فوق الممتازه وسعرها حلو وصيانتها سهله وقطع غيارها متوفره وبأسعار حلوه جدا
وكمان عربيه ملهاش اعطال شائعه , وبالاضافه لكل ده فهي شيك وفخمه وثابته على الطريق وموتورها قوي ومناسب جدا لحجمها

اخى الكريم. شكرا للرد. بس على حد علمى ان معايير الامان فيها قليله شويه من حيث الصاج والتصادم ,هل موجود بها تصفيح للابواب مثل الاوبل ولا هى مجرد علبه صاج وخلاص

انا معايا نوبيرا وبرده مهندس معمارى وبنزل مواقع كتير ولف وطبعا سفر رحلات صيد كل تقريبا اسبوع
العربية تقيمها بالنسبة ليا 10-10 من حيث التكلفة فى الصيانة ووسعها وتحملها وسهولة صيانتها
بصراحة مش عارف الناس مش بتحبها اوى ليه
وبصراحة حبتها اكتر من المنتدى لان كان ساعات بيحصل فيها حاجات لكن العباقرة اللى هنا خلوا الواحد يعرف كل كل حاجة فيها
اتوكل على الله هاتحس بفرق كبير
بس طبعا خلى بالك انت كنت راكب اوبل المانى هاتنزل من المانى لكورى
شوف اى واحد صاحبك معاه نوبيرا سليمة واركبها وشوف انت شعورك اى

المشاركة الأصلية كتبت بواسطة haiman

انا معايا نوبيرا وبرده مهندس معمارى وبنزل مواقع كتير ولف وطبعا سفر رحلات صيد كل تقريبا اسبوع
العربية تقيمها بالنسبة ليا 10-10 من حيث التكلفة فى الصيانة ووسعها وتحملها وسهولة صيانتها
بصراحة مش عارف الناس مش بتحبها اوى ليه
وبصراحة حبتها اكتر من المنتدى لان كان ساعات بيحصل فيها حاجات لكن العباقرة اللى هنا خلوا الواحد يعرف كل كل حاجة فيها
اتوكل على الله هاتحس بفرق كبير
بس طبعا خلى بالك انت كنت راكب اوبل المانى هاتنزل من المانى لكورى
شوف اى واحد صاحبك معاه نوبيرا سليمة واركبها وشوف انت شعورك اى

شكرا لحضرتك,انا قدامى عربيه موديل 2006 صيانه فى التوكيل على حد كلام صاحبها بصراحة العربيه ممتازه وسليمه وكلها فابريكه ماعدا الاكصدام الخلفى هو طالب فيها 56000 وعامله حوالى 70000 كم وانا فعلا جربتها تكييف ممتاز سحب قوى عفشه سليمه فهل ده سعرها فعلا ولا اكلم معاه فى اقل من كده؟

والله انا مش اقدر افيدك فى السعر اوى
لكن ماشاء الله هى لو صيانتها فى التوكيل والله تبقى كويسة لانى الى فترة بسيطة كنت فى التوكيل علطول الى الان السيور بغيرها فى التوكيل لكن اى عفشة او حاجة تانية بغيرها بره التوكيل
اتوكل على الله وشوف ورق الصيانة كويس بالتواريخ وكمان اكشف على العربية كويس وبدام انت شايف انها سحبها كويس وانت مستريح يبقى باقى انك تكشف اخر حاجة عليها واتوكل على الله
لكن السعر اخوانى يقولولك بالضبط ممكن تبقى كام
ونصيحة منى مش هاتندم انك جيبت نوبيرا واكيد انت ركبت وشوفت وسعها وانت سايق
وفى موضوع كمان فى المنتدى اسعار قطع الغيار الخاصة بها
ادخل وانت هاتصدم لو قارنت بينها وبين الاوبل