الموضوع: افطــــار رمضان الرابــع لنايل موتورز (رمضان 1431) (أغسطس 2010)

والله كان يوم أكتر من رائع

تجمع وحضور قوى للأعضاء فى وسط جو جميل جدا لأن المكان كان اكتر من هايل .

أجمل حاجه كانت موجودة هى حاله التقارب والاندماج الشديد بين الاعضاء وكنت تحس إنه تجمع عائلى وإن الناس دى كلها بتحب بعضها .

اليوم بدأ معايا بعد ما صليت الجمعه روحت غسلت العربيه عند كريم منير فى المحطه وكان حظى حلو إنى قابلته صدفه هو والاستاذ/ بيدو (ولى العهد) وكان حظى حلو إنه سلم عليا لأنه مش بيسلم على أى حد (حقه بقى إبن الرئيس) ومن غير تريتب لميعاد لأننا فشلنا فى تحديد ميعاد نتقابل فيه لكن الصدفه فعلا كانت خير من ألف ميعاد ،وعلى فكرة يا كريم أنا بشكرك على اللى اتعمل فى العربيه والعمال فعلا شطار وعندهم ضمير .

ربنا يباركلك والمشروع يكبر ويكبر ويكون سلسله فروع على مستوى الجمهوريه .

وتقابلت أنا وأخى وصديقى العزيز م/ أحمد علاء وبقوله جزاك الله كل خير على كل شئ وهو فعلا من أكثر الناس خلقا وأدبا وأنا والله سعيد بمعرفته وبصداقته .

وصلنا النادى وقابلت أعضاء محترمين كان نفس أشوفهم وأتعرف عليهم وناس تانيه كانوا واحشنى جدا .

وكانت مكالمه جميله ومبادرة طيبه من أ/أحمد ياقوت اللى كلمنا فى التليفون قبل الفطار وأنا سعيد جدا بمعرفتك وإن شاء الله أشوفك على خير فى مقابلات قادمه .

كان شرف كبير ليا إنى أتعرف بالدكتور/ محمود صلاح وهو فعلا بحق إنسان محترم جدا جدا وكان حضورة قوى جدا جدا بألعاب الاطفال وتميزة الواضح جدا فى التعامل مع الاطفال ووالله كان نفسى أخد منك درس يا دكتور فى فن معامله الاطفال وكان حظى وحش ان عمر ابنى مكنش معايا .

سعدت جدا بمقابله اخوانى واحبابى اللى شرفت بمعرفتهم فى مقابلات سابقه

دكتور احمد بحرى : المحترم جدا والذى يجبرك على حبه.
دكتور احمد عبد الغنى :الهادئ جدا صاحب الخلق العالى.
خالد بك طلعت : أبو دم خفيف وكان واحشنى جدا وعاوزين نتقابل يا خالد مش لازم فى المقابلات .
أحمد بك حسن : رفيقى فى السفر وبرضو كان واحشنى قوى وكنت مبسوط انه شوفته .
محسن بك ابو هاشم : الراجل المحترم جدا من مكاسب عضويتى بنايل موتورز .
محمد بك شنورى : صديقى العزيز الاسكندرانى الجدع هو والحاجة والدته الغاليه والله كنت مبسوط انى شوفتها مرة تانيه ومسوط جدا انى شوفتك فى القاهرة يا شنورى لكن مكنش فى نصيب انى اعمل
معاك الواجب لكن تتعوض ان شاء الله .


طبعا كانت فرص طيبه جدا إنى أتعرف واقابل اعضاء محترمين جدا جدا كان نفسى اشوفهم من زمان :-
الحاج احمد ابراهيم : فعلا شخصيه مميزة جدا وحضورك قوى جدا يا حاج ومبسوط جدا انى قابلتك وان شاء الله تجمعنا رحله لزيارة البيت الحرام ومسجد رسول الله صلى الله عليه وسلم .

أ/ محمد ممدوح : كانت فرصه طيبه جدا انى اقابلك وفعلا بحق انت شخصية محترمه ومهذبه جدا وسعيد بمعرفتك ولو سمحت تشوف دكتور علشان موضوع الصداع دة والف سلامه عليك .
أ/ أحمد سعيد شاركى : سعيد بمعرفتك وفرصه سعيدة جدا وكانت مناقشاتك عن العربيات مميزة ومثمرة .
أ/أبو عبد الله : شخصيه ظريفه جدا ومهذبه جدا ومبسوط انى قابلتك .
أ/ محمد محمد (أبو الوليد) : هادئ جدا ومحترم جدا وسيماهم فى وجوههم أخلاقك باينه عليك .
أ/أحمد مصطفى tv : فرصه سعيدة انى قابلتك وحظى وحش انى مقعدتش معاك لكن فرصه تانيه وتتعوض بإذن الله .
أ/ أكرم : تشرفت بمعرفتك والحديث معاك وربنا يباركلك فى اولادك ويعينك ويعيننا جمعيا على تربيه اولادنا .
أ/ أحمد كمال : فرصه سعيدة جدا انى قابلتك ومكنش فى فرصه نتكلم مع بعض لكم ما شاء الله حضور طاغى وشعبيه جارفه .
د/ أحمد سامى : تانى مرة أشوفك لكن برضو مفيش فرصه نتكلم مع بعض لكن خفه ظلك وروحك المرحه دايما بتعمل جو فى اى مكان بتكون موجود فيه .
طبعا فى أعضاء محترمين كتير قابلتهم واتعرفت عليهم لكن انا بعتذر عن الأسماء لأن الموضوع كان كبير وبعتزر عن عدم تذكرى كل الاسماء لكن فعلا كان يوم جميل ومميز كعادة مقابلات نايل موتورز دائما .

أخيرا
لازم أشكر صاحب الفضل بعد الله عز وجل فى هذا التجمع المميز
الكريم دائما المحترم المهذب كريم بك منير أبو بيدو

ربنا يباركلك يا كريم ويزيد من محبه الناس ليك ويوفقك دائما لما يحبه ويرضاة .

معذرة للاطاله
تقبلوا تحياتى .......