الموضوع: افطــــار رمضان الرابــع لنايل موتورز (رمضان 1431) (أغسطس 2010)

المشاركة الأصلية كتبت بواسطة engahmedsamy

كدا داه كنت هاخلي صاحبي يكتبللك العربية واتيي

مفيش تعليق ينطبق عليكم انتم الجوز غير جوز شيوخ منصر بيقسموا الغلة

اه قبل ما انسي شكر خاص للسيدة الفاضلة والدة اخونا شنوري ووالدة اخونا احمد سعد\ وزوجته وكل البنات بدون تفاصيل
المدام شكرت فيهم جدا وكانت مبسوطة اوي ومش مصدقة ان فيه ناس ممكن تتجمع عن طريق النت ويبقوا كويسين بالطريقة دي
وكان صعبان عليها اوي واحدة جاية من اسكندرية لوحدها وهتركب قطار 10 ونص وباباها هايقابلها في المحطة
يا تري وصلت بالسلامة ولا لا يا ريت تطمنا عليها

فين الصور يا جدعان يعني ولا جيت ولا هشوف صور!!!!!!!!!!!!!!!!!!!!!

المشاركة الأصلية كتبت بواسطة shnory

اسفين جدا يا باشا
لازم نخلص علي واحد منكم

بص هو احمد سامي الدكتره انا معاشره وعارفه كويس ومرحب اوي انا بفكره اني اخلص عليه
انت لسه معرفكش
وطالما معرفكش تبقي غريب
واسمك علي اسم صاحبي يعني منتحل اسمه
يبقي نخلص عليك انت كمان
وبكده مش حيحصل الخلط ده تاني ما بين احمد سامي الدكتره او احمد سامي الهندسه
اي خدمه

شنو...

حط جتة اللى تخلص عليه فى التلاجة و كلمنى آجى الم الأعضاء ... اهو نعمل سبوبة بدل المقابلة اللى ما طلعناش منها بمليم واحد ... غير السجاير بتاعتك و البلح ياعم .. ناصح يا مان ... هه هه هه

المشاركة الأصلية كتبت بواسطة Akram

كان حضوركم اطلالة جميلة وخللي المنتدي ياخد شكل تاني جميل طبعاً ,

بس ايه موضوع الكنافة دي , انا مشفتش حاجة من دي ...

نعم؟؟؟؟؟؟؟؟؟

انتو كمان كنتو عوزين تشوفوا الكنافة

مش كفاية طبق الحلويات بتاع احمد تي في اللي يادوب لقيناه فاضي مرمي فلباسكيت وقعدنا نقتفي اثره

المشاركة الأصلية كتبت بواسطة ghada_zaky

ايه ده ؟؟؟ هو انا كنت فى مقابلة تانية ولا ايه !!!!!!!!!!!!!!!!!!!!!!
انا بسمع عن كنافة وحلويات وحاجات ساقعة !!!!!!!!!!!!!!!!!
انا مشفتش اى حاجة من ديه ليييييييييييييييييييييييي ييييييييييههههههههههههههه هههههههههههههههههههههههه
ايموشين واحد ماسك ساطور وعنيه بتطلع ناررررررررر

الطبق دا طلع بعد منتي مشيتي يا دودي

المشاركة الأصلية كتبت بواسطة ghazy12

بجد كان يوم رائع و جميل جدا جدا جداا, و اجمل ما فيه من حضروه

نيجي بقى للمفيد... الكنـــــــــــــافه بتاعة والدة شنوري (يعني اسكندراني اصلي)

الكنافه دي كانت عندي في العربيه, و المغرب اذن علينا في الشارع
و جبنا مياه و فطرنا, و والدة شنوري قالتلي كل كنافه يا محمد...؟؟

قلتها بلاش, اكييد الأعضاء هناك هيبقى نفسهم يذوقوها (شمعه تحترق من اجل الآخرين)

يعني انا السبب في وصول الكنافه دي ليكوا بسلام... فين حقي؟؟؟

اي حد كل من الكنافه دي, مسؤل امام الله انه يديني نسبتي... و الموضوع بسيط

25 جنيه على كل قطعة كنافه (للسيدات و الآنسات)
15 جنيه على كل قطعة كنافه (للرجال و الشباب)

هتسألوني يا كابتن غازي (كابتن لطيف سابقاً), اشمعني البنات اغلى؟؟

لأنهم المستفيد الرئيسي و الأول, بل و الأكثر استفاده من موضوع الكنافه دي
لانها كانت عندهم اصلا, و الرجاله الغلابه (اللي هو احنا) ما شوفناش منها
إلا رفايع كده, و مش كتيييييير.... طيبين والله :))

اتاري لما طنط ادتلي الطبق وفتحته لقيت بصمات اصابع كانت تعبث بداخل الطبق

وعلي فكرة دكتور cairo 2005

حضرتك مكلتش بس كنت المستفيد الاول

طلع لحسابك اربع قطع للمدام والبنات ربنا يخليهملك