الموضوع: افطــــار رمضان الرابــع لنايل موتورز (رمضان 1431) (أغسطس 2010)

اجمل شى فى منتدى نايل موتورز بجد واللى بيميزه عن باقى المنتديات الاخرى , انه بيجمعنا دايما , ويحس على الترابط بين اعضائه

وفعلا الواحد سعيد جداااا باليوم الرائع ده ,وسعيد اكتر بالتعرف على كل الشخصيات المحترمة اللى كانت مشرفة الحضور

ومبروك يا كيمو عليك نايل موتورز وانت تستاهل كل خير , وربنا يعينك على اللى جى واحنا معاك واخواتك جنبك وربنا يوفقك للخير دايما

وطبعا اعضاء مسابقة فورميلا كان منورين الحضور وفعلا يستاهلوا التكريم , وربنا يوفقهم

انا مش عاوز انسى حد فى الكلام , بس بصراحة كنت سعيد جدا بكل الناس اللى قابلتهم واتعرفت عليهم

طبعا شنورى حبيب قلبى , اللى كان منورنا هو والحاجة والدته وربنا يعطيها الصحة والخير دايما , واحنا قصرنا يا شنورى معاكم كان نفسنا نفضل للاخر معاكم ونحتفل بالحاجة وبوجودها فى القاهرة , لكن غصب عنى عشان كان عندى ارتباط مفاجئ وحكيتلك عليه ومكنش ينفع اسيبه , وكان ظرف طارق ,وباذن الله ملحوقة , ونشوفكم قريب فى اسكندرية او فى القاهرة تانى عشان نقوم بالواجب معاكم

طبعا كنت سعيد بمقابلة حبيبى احمد سعد الراجل المحترم والطبيب حبيب قلبى ,والغالى عندى , وربنا يديم المحبة بينا يا احمد باشا , وحنتظرك يا باشا زى ما وعدتنى تنورنى باذن الله

وايضا كان ليه الشرف فى مقابلة دكتور شريف , اللى قعدنا مع بعض بعد الفطار وكان بحكيلى على غزواته مع العربيات وحكاياته كانت ممتعة بجد وكنت سعيد بالقعدة معاك يا دكتور واتشرفت بمعرفت جدااا , وانت انسان غاية فى الاحترام

واتعرفت على وليد عادل انسان جدع جدا وابن بلد ,وكان اول مرة اشوفه بردوا , ولما شوفته اكنى كنت اعرفه من زمان , وسعدت بمعرفتى بيك يا وليد جدا ومع بعض دايما فى قسم نيسان

ايضا اتشرفت بمعرفة دكتور احمد عبد الغنى , الانسان المحترم والهادئ جدا , ووقفت معاه 5 دقايق بس حسيت فيهم بهدؤئه وطيبته ,ولينا لقاء تانى يا دكتور مع بعض باذن الله

وايضا غازى باشا حبيبى اللى مقدرش استغنى عنه اخويا ,وصديقى , اللى بجد بكنله كل احترام , سعيد انى شوفتك فى اليوم ده يا باشا

وخالد طلعت كنت اسمع عنه , وكل الناس بتشكر فيه , بس لما شوفته , لقيت انه فعلا زى ما قالوا الناس واكتر بكتير , انسان محترم جدا جدا جدا , وذوق جدا , واخيرا شوفتك واتعرفت عليك يا خالد باشا , وباذن الله نشوفك فى اقرب وقت باذن الله , وحيكون بينا اتصال ضرورى

وكمان علاء باشا الشناوى, ياه اول ما شوفته اخدته بالحضن , من طيبته تحس انه اخوك فعلا , وانك تعرفه من زمان جدااااااااااااا , اخيرا ياعلاء باشا شوفتك وياريت نشوفك تانى عشان كان الوقت قصير جدا ومش لحقنا نقعد مع بعض

واحمد باشا سامى , الانسان المحترم خفيف الروح , حبيبى يا بوحميد , حبعتلك الصور بتاعت مقابلت كيا على الخاص زى ما وعدتك , وكمان ياريت تشرفنا مقابلة نيسان الجاية عشان نظبطك فيها , وتنورنا

دكتور محمود صلاح , اانا اسف يا دكتور ملحقتش اتعرف على حضرتك كتير لانى كنت مستعجل بس بصراحة , نفسى نشوفك فى يوم تانى , لانك انسان محترم جدا, وده واضح وباين فى شخصيتك اللى بتدل على انك انسان طيب جداااا ,

واحمد علاء الدين , اخيرا شوفتك وشوفت طيبة قلبك , وباذن الله نتقابل تانى ونتشرف بيك فى مقابلة نيسان ,لاننا مع بعض , ونتشرف بيك دايما يا بوحميد

وبحرى باشا نورت القاهرة بجد , والواحد لما بيوشوفك يا دكتور بيحس براحة نفسية , وبهدوء نفسى لما تملكه من طيبة وحب ,وتدين , وان شاء الله نشوفك على خير دايما يا دكتور

وطبعا حبيبى ابو ليلى كان منورنا بحضوره , والواحد بيكون سعيد بيك كل ما بيشوفك ويقعد معاك , بحس انى قاعد مع اخويا الكبيبر , بطيبتك الكبيرة ,وذوقك ,وتسلم ايدك على تعبك دايما معانا,
ووشك حلو على الاهلى دايما هههههههههههه

اتمنى انى مكنش نسيت حد , الواحد نفسه يشوفكم تانى وتالت ورابع

تسلم ايدك على اليوم الجميل ده يا كريم والرائع فى تنسيقه ,
واسيبكم مع الصور وقت تكريم فريق هندسة المطرية , لان هى دى الصور اللى لحقت اصورها , والباقى مع كريم