نوبيرا ولانوس وتجربه بنزين 80 ورأي اهل الخبره

السلام عليكم

انا معايا دايو لانوس ومعه واحد صحبي نوبيرا قررنا نخوض تجربه البنزين ال80 بعد تفكير عميق

المهم
النتيجه عندي وعنده ان مفيش اي مشاكل حصلت لحد الان وداخلين علي الف كم الا بعد التسقيف واحنا مشغلين التكيف

انا عايز رأي اهل الخبره

دلوقتي انا وصاحبي حطينا 80 من غير ما نغير في فيشه الاوكتان ودي كانت النتيجه زي ما قولتلكم فوق

السؤال نمشي زي ما احنا ولا نجرب نغير في فيشه الاوكتان

ولو هنغير يا ريت لو فيها غلاسه لينك الموضوع للنوبيرا والانوس الي فيه فيشه الاوكتان :majd(4):
علشان دورت ومش عارف اوصل للموضوعين


مع العلم اني عربيتي لانوس 2 كامله مانوال وعربيت صاحبي نوبيرا 2 كامله مانوال


لكم جزيل الشكرا وكل التقدير:satelite:

طالما قررت خوض تجربه البنزين 80 يبقا الافضل انك تغيير فيشه الاوكتان , عالاقل عشان ميحصلش تسقيف وكمان عشان تحس ان العربيه سحبها معقول مش ضعيفه

ده لينك الموضوع , وهتلاقيه اصلا بيتكلم عن اللانوس ومع مرور المشاركات هتلاقي البعض بيتكلم عن الفيشه في النوبيرا والاوضاع المختلفه لظبطها
http://www.nilemotors.net/Nile/151996-a.html


ملحوظه : بالنسبه للانوس وعن تجربه, فيشه الاوكتان بتفرق جدا في اداء العربيه (بالنسبه لتجربتي وضع 95) , لكن في زميل فاضل قال ان الظبطه بتاعت الـ 80 فيالنوبيرا خلت عربيته بتاكل بنزين شويه , لكن في المقابل اداء عربيته بقا احسن

من رايي خلي النوبيرا زي ماهي بدون تغير فيشه الاكتين لانها هتاكل بنزين جامد منه وده عن تجربه لو هيعرف يسايس العربيه بالطلعه عشان متسقف بيكون احسن وكمان النوبيرا فيها حاسس للتسقيف هيظبط العمليه شويه معاه بس لوتعباه خليه يغيرها ويجرب مش هيخسر شي وده رايي بالنوبيرا بالنسبه للانوس اخونا محمد قال رأيه لاني ماجربتها باللانوس بصراحه

اقتباس:

---

المشاركة الأصلية كتبت بواسطة محمد الشامي

طالما قررت خوض تجربه البنزين 80 يبقا الافضل انك تغيير فيشه الاوكتان , عالاقل عشان ميحصلش تسقيف وكمان عشان تحس ان العربيه سحبها معقول مش ضعيفه

ده لينك الموضوع , وهتلاقيه اصلا بيتكلم عن اللانوس ومع مرور المشاركات هتلاقي البعض بيتكلم عن الفيشه في النوبيرا والاوضاع المختلفه لظبطها
http://www.nilemotors.net/nile/151996-a.html


ملحوظه : بالنسبه للانوس وعن تجربه, فيشه الاوكتان بتفرق جدا في اداء العربيه (بالنسبه لتجربتي وضع 95) , لكن في زميل فاضل قال ان الظبطه بتاعت الـ 80 فيالنوبيرا خلت عربيته بتاكل بنزين شويه , لكن في المقابل اداء عربيته بقا احسن

---

+111111

بالنسبه لموضوع البنزين فده حصل مع واحد بس فده مش مقياس ماعتقدش ان كل النوبيرا كده
انا عامل فيشة الاوكتان مخليها 80 و استهلاك البنزين عندي جوه البلد مع التكييف مابيقلش عن 180 و في الطوالي مع التكييف مابيقلش عن 240 كلم في الصفيحة
محدش ينق بقى
اما الاداء و السحب زي 90 بالظبط
وفعلا الفيشه في النوبيرا بتظبط التسقيفه اللى بتحصل نادرا من غيرها لان العربيه فيها حساس تسقيف

ربنا يباركلك يا صديقي في عربيتك وفي فيشه الاوكتان بتاعتك :-)) انا مش بنق ولا حاجه

بس حكايه العربيه بتاكل بنزين دي انا طبعا مقصدش انها قاعده عامه لان اللي حصل مع الزميل اكيد ليه ظروفه وممكن يكون السبب حاجه تانيه خالص , لكن انا حبيت اوضح الجانب السلبي الوحيد في الموضوع عشان لو الاخ الكريم اللي سأل موصلش لغايه اخر الموضوع وهو بيقرأه

اللي انا عرفته من اخونا هنا بالمنتدي انه لما بتطبظ فيشه الاكتين علي وضع معين وتستخدمه ده بيكون اقصي اداء للسياره وده بحتاج حبه استهلاك زايد حبه في البنزين يعني لو انت مظبط العربيه علي بنزين 80 وبتحط 80 ده بيظبط العربيه علي اقصي اداء ومع ذلك بيكون في حبه استهلاك ملحوظ شويه فلو في حد من الزملاء عنده تفسير تاني ياريت ينورنا بيه

كل بنزين و ليه ظبط فالفيشة بتاعت الاوكتان دى بتتغير و كمان فى بعض العربيات بتظبط كهربا تانى
لكن لو هتمشى 80 احسنلك انت تغير فلتر البنزين و تغيرة على فترة متساوية
و هتلاقيها معاك بقت احسن ان شاء الله

اقتباس:

---

المشاركة الأصلية كتبت بواسطة محمد الشامي

ربنا يباركلك في فيشه الاوكتان بتاعتك :-)) انا مش بنق ولا حاجه

---

:shine[1]::shine[1]::shine[1]::shine[1]::shine[1]::shine[1]::shine[1]:

اقتباس:

---

المشاركة الأصلية كتبت بواسطة m.zaher

+111111

بالنسبه لموضوع البنزين فده حصل مع واحد بس فده مش مقياس ماعتقدش ان كل النوبيرا كده
انا عامل فيشة الاوكتان مخليها 80 و استهلاك البنزين عندي جوه البلد مع التكييف مابيقلش عن 180 و في الطوالي مع التكييف مابيقلش عن 240 كلم في الصفيحة
محدش ينق بقى
اما الاداء و السحب زي 90 بالظبط
وفعلا الفيشه في النوبيرا بتظبط التسقيفه اللى بتحصل نادرا من غيرها لان العربيه فيها حساس تسقيف

---

أنا عملت مشوار طنطا الأسماعيليه (رايح جاى ) ببنزين 80 وأستهلكت فيه بحوالى 36 ج بنزين

منهم شوية مشاوير خفيفه داخل مدينتى بالغربيه

يعنى حوالى 420 كم تقريبا ويمكن أكتر ( بالتكييف وعلى عدد لفات 4000 تقريبا )

يعنى بنزين 80 مع النوبيرا

أكثر من رائع

شكرا لكل الناس المحترمين الي شاركوا بالرد لهم كل الشكر والاحترام

انا عايز بس موضوع للنوبيرا يشرح فيه الفيشه زي موضوع الانوس الي حطه الاخ محمد الشامي

وليا سؤال لاخ محمد الشامي حضرتك كاتب بين قوسين تجربتي مع ال95 انا مش فاهم ايه هيه التجربه لو ممكن توضيح؟

+999999
80 ممتاز جدا

اعتقد ان الفكرة مش حلوة سواء للانوس او النوبيرا لان اللى انت بوفره دلوقتى هدفعه تصليح بعد شوية وسحب العربية بيقل والله اعلى واعلم

اقتباس:

---

المشاركة الأصلية كتبت بواسطة ramylanos

انا عايز بس موضوع للنوبيرا يشرح فيه الفيشه زي موضوع الانوس الي حطه الاخ محمد الشامي
وليا سؤال لاخ محمد الشامي حضرتك كاتب بين قوسين تجربتي مع ال95 انا مش فاهم ايه هيه التجربه لو ممكن توضيح؟

---

بالنسبه لموضوع الفيشه في النوبيرا فهتلاقيه موجود داخل صفحات ومشاركات موضوع اللانوس

والمقصود بتجربتي مع الـ 95 , اقصد بيها الأحساس بالفرق في الأداء بطريقه ملحوظه جدا بعد تظبيط فيشه الاوكتين على وضع بنزين 95

شوية تعليم بقى للعبد لله اللي هو جاهل اصلاً

1- ايه هي فيشة الاوكتين؟ موجودة ف اي عربية جديدة نسبياً؟
2- هو مش ال80 ده بيهين الرشاشات؟ حمايا معاه كيا شوما وهو من اشد مؤيدي ال80 لكن العربية قطعت منه وهو ماشي واضطر يحط 90

اقتباس:

---

المشاركة الأصلية كتبت بواسطة kamalsalem

1- ايه هي فيشة الاوكتين؟ موجودة ف اي عربية جديدة نسبياً؟

---

فيشه الاوكتين هي فيشه موجوده في اللانوس وظيفتها انها بتعرف الكنترول نوع البنزين الموجود والمستخدم في العربيه بحيث ان الكنترول يظبط اشاره الكهرباء لتناسب طبيعه حرق البنزين الموجود , وكلما كانت ظبطه الفيشه على اوكتين اعلى مع وضع بنزين عالى بيكون الاداء جبار مقارنه بالاداء العادي , لكن لو تم ظبط الفيشه على اوكتين عالى مع وضع بنزين 80 مثلا العربيه هتسقف مع القرص عليها

والفيشه دي مفيده للحصول على افضل النتائج حسب رغبه كل شخص

شخص يحب التوفير المادي ومش مهم الاداء , يظبط الفيشه على اوكتين 80 , ويحط بنزين 80 , والعربيه هتمشي معاه كويس , لكن سحبها هيكون ضعيف جدا

شخص يحب الأداء ومش مهم التوفير , يظبط الفيشه على اوكتين 95 ويحط بنزين 92 (او اعلى ان وجد) والعربيه سحبها هيكون فوق الممتاز على كل الغيارات ونسبه التسارع وتجميع الغيارات بتزيد

تلخصياً للكلام , فيشه الاوكتين بتخليك تستغل البنزين الموجود في تانك عربيتك بالشكل الامثل مهما كان رقمه الاوكتيني بالطريقه اللي تناسب احتياجاتك

و ده موضوع بيتناول الاوضاع المختلفه لظبط فيشه الاوكتين
http://www.nilemotors.net/Nile/151996-a.html

اقتباس:

---

المشاركة الأصلية كتبت بواسطة kamalsalem

2- هو مش ال80 ده بيهين الرشاشات؟

---

البنزين 80 بيخنق العربيه والرشاشات مع الوقت , وبيتعب المحركات الحديثه مع الوقت , والمفروض البنزين الـ 80 للعربيات القديمه والمحركات القديمه مش الجديده

وكمان حضرتك لو قريت عن موضوع نسبه انضغاط المحرك هتفهم اكتر
أنواع البنزين وعلاقتها بنسبة إنضغاط المحرك = Gasoline Octane number And Engine CR


وانا تحت امرك

انا بقى تجربتى مع ال95 تتلخص فى كلمتين
1: صوت محرك ناعم جدا وهادى جدا
2:عمر نقاء زيت المحرك طويل ولاحظ الفرق بين زيت عربيه ماشيه ببنزين80 وواحده ماشيه ب 92
بالمناسبه ال95 كان للتجربه لكن انا بستعمل 92 ومرتاح جدا فى التعامل مع العربيه بيه

اقتباس:

---

المشاركة الأصلية كتبت بواسطة kamalsalem

هو مش ال80 ده بيهين الرشاشات؟ حمايا معاه كيا شوما وهو من اشد مؤيدي ال80 لكن العربية قطعت منه وهو ماشي واضطر يحط 90

---

فعلا من اضرار البنزين ال 80 بيبوظ الرشاشات اسرع و ياريت بس ع الرشاشات كمان فلتر البنزين و كمان حساس الشكمان و كل دى حاجات بمبالغ مش رخيصة اللهم الا اذا كنت ناوى تستخدم العربية و بعدين تقلبها و تجيب حاجة تانية