الموضوع: عاوز اقتح الموتور

انا كمان النهردة جبت 180 بصعوبة شديدة حاسس ان العربية مخنوقة

السلام عليكم ورحمة الله وبركاته

أنا ليه رأى جماعة فى الموضوع ده وعلى فكرة انا بقالى 8 سنوات بركب لانسر وكان معايا المكواة وبعدين البومة ولكم ان تتقبلوا هذا الرأى أو ترفضوه .

أولا : مافيش حاجه اسمها فتح الماتور ولكن هو كل فترة كبيرة مش صغيرة تحاول وانت سايق فى طريق فاضى أن تشد بالعربية فى الغيارات شوية يعنى توصل ال ار بى ام فى كل غيار لحد 5 ونصف مثلا وتعمل الموضوع مرة واحدة كل من 3 إلى 4 شهور مرة واحدة وده بيفوق الماتور .\

ثانيا : اللانسر اساسا ماتورها ضعيف مش قوى ولو فضلت تشد بيه علكول هاتاكل زيت وممكن بعد كده يخف .

ثالثا : الاستاذ اللى بيقول جاب 180 يحمد ربنا وعربيته بتقى كده زيرو السرعة القصوى للتوماتيك اساس 175 حسب تعليمات الشركة وانا بروةح التوكيل بقالى 8 سنوات وعارف كده كويس .

رابعا : فى حاجات كتير بتأثر على سحب العربية وهى كالاتى :

1- حسب الطريق لو ضد الهواء يعنى لو ضد سرعة الرياح العربية مش حتسحب كويس

2- الزجاج لو مفتوح ولو سنه صغيره العرابية مش هاتسحب كويس

3- لو العربية مشغل التكييف وفيها حمولة مش هاتسحب كويس

4- لازم تكزن البوجيهات جديدة نوعا ما علشان سحب العربية يكون جامد

5- ودى أهم حاجة والناس مابتخدش بالها من الموضوع ده فلتر الهواء لو مش نظيف العربية هيكون سحبها ردىء جدا جدا وهتاكل بنزين .

ده رأى يا جماعة وصدقونى اللى بيأرس على اللانسر بالذات بتاكل زيت وبعد فترة بيخف الماتور

ومن رأى أيضا ان السرعة المناسبة للسيارة 140 على الطرق السريعة لان أولا ده بيخلى الماتور عمره أطول ثانيا بعد ال140 ولو الطريق الاسفلت بتاعه مش كويس هتلاقى الدريكسيون يرأس معاك شمال ويمين حاجة بسيطة وده مش معناه ان العربية مش ثابته ولكن التحكم فيها بيكون صعب شوية ولاوم تمسك الدريكسيون بيدك الاثنين
وربنا يكيفيكو جميعا شر الحوادث .

حاجة أخيرة اللانسر عربية ممتازة ولكن الكمال لله وحده ففيها عيوب انا بعتبرها مقرفة ومنها مثلا :

1- عيوب فى الاتوماتيك انها ساعات تبطل أو ترعش عند المور n

2- صوت قطقطة غريب زى ما يكون حديد فى حديد فى الدريكسيون عندما تمر على أيفت مخبط أو مطبا تعيون القطط بالاخص وانت كاسر شمال وماحدش يقول لى ان معندوش الصوت ده لانى جربت أكثر من 50 سيارة وفيها نفس الموضوع وكتبت فى الموضوع ده كتير لحد ما لقيت الحل الامثل وكتبت عنه أيضا .

3- العزل فيها وحش جدا جدا جدا جدا جدا جدا جدا ومعلش التويوتا اللى بيقولوا عنها مش ثابته أحسن منها مليون مرة .

4- العربية بتاكل قواعد ماتور زى اللب

كفاية كده وده رأى اللى شايفه صح وهو كذلك وكل الاجترام للى له رأى اخر

بص الكتمه اللي حصلت في عربيه حضرتك بتحصل لكل العربيات 1600 cc وده عادي اولا انك تحط زيت موبيل اللي هو كل 5000 علشان الزيت دهخ بيبقى خفيف على الموتور ثانيا انك تشوف وش الموتور بيطلع زيت ولا لأ وخد بالك ان ده مهم جدا لو بيطلع تغير جوان وديه حاجه سهله ومش مكلفه ثالثا تحط بوجيهات ngk اتنين لأما تلاته شمعه وسيبك من اللي يقولك ده بيبوظ كلام مالوش اساس و تغير فلتر اللي في العربيه بفلتر جديد وتغير فلتر البنزين وتشتري منظف الأنجيكشن و ده بيتباع في كل حته و ضيفه مع تفويله بنزين صدقني هتلاقي العربيه طلقه وده عن تجربه كذا عربيه وسيبك من التوكيل لأن معظم التوكيلات اما بيلاقوا العربيه ماشيه يقولك تمام وزي الفل مع ان تكون فيها عيوب بالهبل ابقى جرب وهتلاقي فرق كبير وبص على الفيديو ده

http://www.youtube.com/watch?v=cvlnG...feature=search

متشكر جدا يااستاذ حماده على اهتمام حضرتك

أعتقد البوجيهات ngk ياباني وسعرها في حدود 50 جنيه للواحد شمعة