عايز رد قاطع في الموضوع ده

**shooda2020** · 21-08-2010 02:53 PM

يا جماعه انا محتار جدا
انا معايا عربيه انجيكشن فيرنا 2009 1600 كنت سمعت من ناس هنا في المنتدي ان تسخين العربيه قبل الطلوع غلط يادوبك تستني عليها دقيقه بالكتير
انا اصلا مش بطلع بالعربيه غير لما مؤشر الحراره يبدأ يطلع فانا عايز اعرف يا جماعه انهي الصح
يادوبك استني دقيقه مش لازم استني المؤشر ولا استني المؤشر لما يبدأ يطلع
شكرا للرد

**aYaBooY** · 21-08-2010 03:29 PM

لا الافضل انك تسخن العربية قبل ما تحط حمل الحركة على الموتور
الناس بتقول ان تسخين العربية مبقاش اجباري زي العربيات القديمة يعني لو كنت ركبت عربية زي الفيات 1300 او الـ 124 او 125 و العريات بتاعت الفترة ديه كنت هاتعرف انه كان صعب جدا انك تحرك العربية من مكانها قبل ما الموتور يسخن بعكس العربيات دلوقتي تقدر تدور و تتحرك على طول
بس الافضل انك تسيب العربية تسخن براحتها و عموما فترة التسخين بتكون في حدود 10 دقائق او اقل مش دايما مشكلة

**zenger** · 21-08-2010 04:52 PM

يا جماعة المواتير الانجيكشن او الحقن هى هى مش بتاعت تسخين
انت يا باشا تدور العربية و تنزل عقبال ما تمسح العربية من التراب تركب و تمشى على طول لا اكتر ولا اقل انت مش راكب سيات يعنى

**ahmed_moeaz** · 21-08-2010 05:01 PM

استنى لما المؤشر يتحرك .

**karimfahmy99** · 21-08-2010 05:19 PM

يا اخوانى الافاضل

عملية تسخين الموتور ما هى الا انك بتدى فرصة لدورة الزيت انها تمشى تانى فى اجزاء السيارة العلوية وش التاكيهات بالخصوص لانك بعد 8 ساعات ركن الزيت كلة بينزل الكارتيرة . المهم 30 ثانية او دقيقة كفاية مع ملاحظة عدم دوس اكسيراتير تسيبها براحتها عاوز ازيد من دقيقة ماشى بس اقل من 30 هو الغلط