الموضوع: مشكلة محدش عارف يحلها

يا ريت اعرف من اهل الخبرة ايه السبب وحد محترم يحل المشكلة دى

قبل أى شىء ....لاداعى من هذه العباره اللى مش ظريفه.......لأن الجميع بلا أستثناء محترمون ...وطبعا أنت أولهم.......وياريت تترك المجال للجميع للأجتهاد......فقد يصيب أحد الآراء وطبعا متهيألى أنك تقصد واحد قوى فنيا وخانك التعبير...............

المشاركة الأصلية كتبت بواسطة dark_angel_02478

عندى العربية فى الصيف بس بتعمل معايا موقف زبالة اوى
مثلا اكون مسافر مشوار طويل فى الصيف بيكون الجو حر الاقى العربية بتتخنق منى اجى ادوس بنزين الاقى العربية بتتخنق اكتر لازم اوقف العربية تبرد شوية وبعدين امشى مع العلم ان عداد الحرارة طبيعى جدا وبرده غيرت بوجيهات اكتر من مرة NGK 3 شمعه وفى الشتا مبتعملهاش نهائى
يا ريت اعرف من اهل الخبرة ايه السبب وحد محترم يحل المشكلة دى

العربية دايو لانوس 1600 - 2 كامة

_ حسأل سؤال الأول قبل ما أقول رأيى .......

_ لما العربيه بتكون مخنوقه معاك فى الأجواء الحاره بتحس بصوت شبه الرحايه أو الخشانه كده قادم من غرفة المحرك.......وبتحس أن دواسة الدبرياش خفت معاك شويه............

ظبط الدواسه .......وأدعيلى

وبرضه بأتأسف للاستاذ سمير لانى مقصدش اهانة لاى حد انا قصدى تدلونى على ميكانيكى كويس يحل المشكلة دى
اسف تانى مرة يا استاذ سمير

....يا أخى ولا يهمك ما أنا عارف قصدك.....بس حبييت أنبه علشان محدش من أخونا يزعل......دا كفايه علينا أن أنت شرقاوى (الكرم كله )

بس تقريبا المشكلة ظهرت بعد لما غيرت الرشاشات

...الصراحه أنا مش مقتنع بأن الرشاشات هى السبب.......لأن أنت بتقول الأمور ميه ميه فى الشتاء أو فى الجو العادى

ظبط الدواسه .......وأدعيلى

معلش على هذا التعليق....لأننى أفتكرتك بتقول الدواسه عاليه.....ولما قريت تانى لقيتك كاتب عاديه

ياريت تبين الحته دى.....مش الدبرياش فى الموديل ده بيشتغل برضه بنظام الزيت (أى زيت للدبرياش والفرامل فى نفس تنك زيت الفرامل ) .....مش وايرعادى