الموضوع: CeratoKoup او Mazda3 2010

أهو أنا مش موافق على الكلمتين الى بالاحمر دول
مين قال الكيا مظهر وشكل
مين الى طلع الكلمتين دول الله يسامحه!
هو الناس بتلاقى الفلوس فى الشارع علشان تدفعها فى عربيه "شكل وشبابى ومظهر"
الكيا هى الاخرى لها نصيب من الجوده الى بتتفرق يمين و شمال على اليبانى بدون وجه حق دا
هى لو مش جوده كانت كلت المزدا 3 الى أحنا بصددها دى وكمان فوق البيعه السيفيك الى قطعتهم فى السوق الامريكيه
ولا هناك بردو الناس بتركب مظهر وشبابى وشكل ومفيش جوده
ولا أنا نسيت صحيح السيراتو الى برا غير السيراتو الى هنا
إنما المزدا الى هنا أحسن من الى برا
الصبر يا رب

الي بييدفع فلوسة في عربية 128 بيبقي لاقيها في الشارع ؟
او الي بيدفع فلوسة في عربية اسبــرانزا ؟
او الي بيدفع فلوسة في عربية هيونداى بيبقي لاقيها في الشارع الفلوس ؟

لازم النقاش يبقي اهدى من كدة حضرتك بتتكلم مع مهندس كمبيوتر
مش مع واحد جــاهل و كلامى موضح نفسة جدا

وهو لازم اتكلم بالكوري او اليابانى عشـان كلامى يبقي واضح ؟؟

قلت اكثر من مرة بالعربي انا مش ضد اي نوع ولا في صف اي نوع كل الموضوع انى طرحت حاجة معينة للنقاش مش اكتر ولا أقل من كدة عشــان اكون صريح انا اتحايزت في خامات الصالون بين العربيتين و حطيت صور عشان كدة اتكلمت عن الخامات دة القصد .. لكن اكتر من كدة لأ
لكن هنقول اصل مبيعات و مش مبيعات و شوف متشوفش اكنى بدافع عن ماركة او بهاجم يبقي اعتقد ان الرد دة مش موجه ليـا لانى مش متحياز مع اى ماركة اطلاقا ...

و اتمنى ان النقاش يبقي في اطار احسن من كدة دة كلام فاضي كلة منقاقشة انواع عربيات مش جائزة نوبيل للماركات يعنى !!
و ربنا هيصبرك بأذن الله :)
بالتوفيق



ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون ويرجى مراجعة قوانين المنتدى
مشرف 12 أ

المشاركة الأصلية كتبت بواسطة abdullahalbadr

ياباشا أنا إشتريت الإثنين ، السيراتو سيدان والمازدا 3 ، بصراحه المازدا تكنولوجيا أكتر ، وإمكانيات أكتر بكتييييييييير، وخصوصا لما تكون فول أوبشن ، المازدا فيها مثبت سرعه وأكسيلاتير فى الدريكسيون ، وكروز كنترول و زينزن لايت و سلايتيدينج رووف و الهورس باور أعلى من السيراتو ، وأخيرا يابانى ما إتحصش فيها مفك من بره اليابان خالص
على العموم أنا ده رأي ولك الإختيار ، روح لأي معرض وشوف المازدا وإنت تعرف الفرق

(وأخيرا يابانى ما إتحصش فيها مفك من بره اليابان خالص) ياجماعة انتوا لسة عايشين فى دور اليابانى .... هو انتم ما أخدتوش بالكم من اللى حصل فى ال تيوتا ولا إيه

وهنروح بعيد ليه عن تجربة شخصية : عديلى معاه نيسان صنى تقفيل اليابان مش اللى متجمعه فى مصر .... هى دى مش يابانى برضه ... التكييف مطلع عينه وكل شوية يبوظ ووصل انه غير الكمبيوتر بتاعه فى الآخر وغيره كتير

هتعمل زى الناس الى بتسمع حاجات فى العربيه وهى مش موجوده وكل دا لأن فى فكره مسيطره عليك

جايز فعلا تكون دى نقطة الاختلاف لانى هوضح لحضرتك حاجة صغيرة

العربيات الي ركبتهـا

1- Opel Vectra 2000 عربية ألمــانى و عاشت معايا لحد 2005
2- Toyota Corola 2005 عربيىة يابانى و عاشت معايا الحمد لله لحد 2010
3- من 2010 ComingSoon

فواضح جدا من العربيتين الي كانو معايا ان تجاربي مع العربيات في اطار محدود جدا و خصوصا انى ندمت انى جبت الكورولا و سيبت الاوبل فمش عاوز اندم تانى و فعلا زي ما قال الاستاذ احمد الواحد خايف يجيب حاجة و يندم بعد كدة لان زي موضحنا قبل كدة انا و انت الفلوس محدش بيلاقيها بالساهل ...

ياريت لو كان في TestDrive للكيا كوبية و علي فكرة العربية دى انا لما بشوفها ماشية بفضل اقول ما شاء الله طبعا من جمالها بس للاسف معرفش حد معاة العربية عشـان اجربهـا مجرد بمسع كلام عنها ...
الي جربتهـا Mazda3 و مشيت بالعربية علي طريق مصر اسكندرية و كانت ما شاء الله ...

علي العموم انا لحد الناهرضة معايا الفلوس ولسة ما اخدتش القرار
لانى فعلا محتاج اعرف حد معاة الكوبية لان عندى اسئلة كتير بخصوصها مش لاقى حد يجاوبنى عليها


ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون ويرجى مراجعة قوانين المنتدى
مشرف 12 أ

الاتنين عربيات محترمة جداً .....

الفرق بس في :

- الكوبيه شكلها مش عائلي ( أذواق ) .
- قطع غيار المازدا من اغلى قطع الغيار في مصر .
- توكيل المازدا مش حلو ( و دا عن تجربة ) .
- خامات المازدا افضل من السيراتو بحبة صغيرة .... لكن برده السيراتو خاماتها كويسة مش وحشة .
- امكانيات و كماليات السيراتو اكتر من المازدا .

لكن غير كدا .... الاتنين شكلهم كويس و عربيات محترمة ....

لو حضرتك بتحب تبيع و تغير .... يبقى السيراتو .....
لو حضرتك عاوز عربية معمرة ..... يبقى المازدا ......

بس انا ليا اقتراح : ليه حضرتك مفكرتش في السوبارو امبريزا ؟ من العربيات المحترمة جداً و سعرها في رنج المازدا و قطع غيارها مش غالية غلو المازدا , بالعكس تعتبر ارخص قطع غيار ياباني في مصر بعد النيسان ..... و توكيلها محترم و ناس محترمين في التعامل .... برده العربية دي تتحط ضمن فئة انك مش ناوي تبيعها الا بعد فين و فين , لانها فعلاً عربية اعتمادية و عن تجربة :)

و ربنا يبارك لك ان شاء الله في العربية الجديدة ... :)

YouTube - Civic Killer? Kia Forte Koup SX Road Test Video by Inside Line
مع مراعاة اختلاف المحرك