الموضوع: CeratoKoup او Mazda3 2010

المشاركة الأصلية كتبت بواسطة ceratokoup

هتكلم عن الخليجى الي كنت هجبها قبل ما افكر في المازدا

1- الكوبية فيهـا فتحة سقف
2- i-pod ...usb..i-phone ports
3- fog lights
4- light system
5- كشكل افضل من المازدا
6- تكيف touche


لكن الي شفتة ان كل دى رفاهيات مش اساسيات ... عشان كدة رجعت عن قراري ...

يا باشا انت شايف ان الحاجات ديه مهمه اوى لدرجه انك تضحى بحاجه كويسه ياعنى انت مالكو مال التكييف التاتش مش ليك ان التكييف يشتغل و يكيفك و انت راكب العربيه ... فوج لايت ممكن يتحرق يتكسر يحصله اى حاجه و مش بالاهميه القصوه ياعنى
شكل اعتقد ان الشكل ديه ازاوق و طبعا الكوبيه روعه بس المازدا اروع و شكلها خرافه تحس انها جايه من الفضاء بس معتقدش ان ده يخليك تضحى بعربيه حلوه الحلو بس فتحه السقف هيا الى نفسى فيها بس هنعمل ايه بقى

طيب لو حضرتك تسمحلي أنا ليَّ رأي

المشاركة الأصلية كتبت بواسطة CeratoKoup

هتكلم عن الخليجى الي كنت هجبها قبل ما افكر في المازدا

1- الكوبية فيهـا فتحة سقف
هل ديه حاجة اساسية بالنسبة لحضرتك, احنا بقي عندنا الجو يا إما حر قوي مع رطوبة (لازم تكيف) ياما في الشتاء برد وبنقفل معظم الشبابيك وفتحة السقف. أنا بأحس إنها تنفع الدول اللي جواها معتدل أو في اسكندرية مثلا.
2- i-pod ...USB..i-Phone Ports
احنا غالبا مالناش في الIpod والUSB بتاع الKia عامل مشاكل في الCerato . حضرتك ممكن نجيب modulator ب70 جنيه وممكن بـريموت يتم تثبته في الدركسيون ويسمحلك بـIpod و flash وصوت ستريو ومش هيحمل على كهربة العربية غير حاجة بسيطة جدا.
3- Fog Lights
عندي ومستخدمتهاش ولا مرة. لو بتسافر بدري وقلقان من الشابورة هات لمض اقوى سِنة. بس الFog lights مش هتشيل الشابورة. وممكن تركيبها بعدين في التوكيل.
4- Light System
أنا معرفش ده إيه الصراحة
5- كشكل افضل من المازدا
الاتنين مميزين بس معاك الKoup أجمد
6- تكيف Touche
ده حلو عشان أنا كتير باسقع فـاحط المروحة على واحد. اتحر فـارجعوا على اتنين. بس اكتشفت إني أحسن اثبت المروحة و التحكم في بكرة الحرارة. لو حضرتك بتمشي مسافات طويلة أو بتقعد كتير في العربية هتقدر الOption ده. وده صعب جدا يركب بعدين.

لكن الي شفتة ان كل دى رفاهيات مش اساسيات ... عشان كدة رجعت عن قراري ...

أنا الصراحة شيف إن الKoup ديه ركوبة شبابي وشيك و عايزة دماغ معينة.
الMazda 3 شيك وعملية بـلمسة شبابية وديه اقرب سنة للعربية العادية.
الاتنين جودة ممتازة وعربية هايلة. الKoup عايزة دماغ مختلفة شوية. الMazda اقرب للعربية الطبيعية ال1600 اللي مفيش اختلاف عليها.
الجيل ده من العربية الكوري بقي في جودة الياباني. أنا قريت قبل كده إن زمان كانت العربية (الصناعة عامةً) الياباني ديه تعتبر زبالة والناس في أوروبا وامريكا كانوا بيبعدوا عنها. وبعدين اليابان عملت نهضة وبقيت تبيع منتجها باسعار منافسة عشان تاخد جزء من السوق, وبقيت من اقوى الصناعات وبقي المستهلك يدور على كلمة "Made in Japan" حاليا كوريا في المرحلة ديه وبتقدم منتج كويس جدا بسعر منافس عشان تقدر تحصل وبعدين تكسب الياباني. صحيح الخبرة ليها وزن, وبرده فضل الأوروبي أوروبي والامريكي امريكي بس بقي جنبهم اليابني ( اللي هيفضل ياباني ) وهيحصلهم الكوري.

المشاركة الأصلية كتبت بواسطة CeratoKoup

لا يا باشا طبعا .. و الحمد لله و الخيرة فيما احتارة الله
حجزت المازدا خلاص ... و ربنا يكرمنى بأذن الله ... و الحمد لله جايبها عن اقتناع تام
و بحمد ربنا انى مجبتش الكوبية سبحان الله فعلا الاقتناع دة جة فاجئة بعد صلاة الاستخارة ... فعلا الاستخارة دة كنز لا يفنى ..... ناس كتير ممكن تزعل من الكلمة دى .... :) بس هنرجع و نقول لولا اختلاف الاراء لبــارت السلع ....

الف الف مبروك

و ان شاء الله تتمتع بيها

شوفت اني قلتلك انك تجيب مازدا

اهم حاجة انك مرتاح لاختيارك و الاستخارة طبعا بتخلص على كتيييييييير من القلق و التردد

المشاركة الأصلية كتبت بواسطة ceratokoup

لا يا باشا طبعا .. و الحمد لله و الخيرة فيما احتارة الله
حجزت المازدا خلاص ... و ربنا يكرمنى بأذن الله ... و الحمد لله جايبها عن اقتناع تام
و بحمد ربنا انى مجبتش الكوبية سبحان الله فعلا الاقتناع دة جة فاجئة بعد صلاة الاستخارة ... فعلا الاستخارة دة كنز لا يفنى ..... ناس كتير ممكن تزعل من الكلمة دى .... :) بس هنرجع و نقول لولا اختلاف الاراء لبــارت السلع ....

ألف مبروك وإن شاء الله تستلم على خير
ربنا يديك خيرها ويكفيك شرها
أنا عربيتى سودا بردو وجبتها علشان حكايه الفخامه دى بردو :)
بشتم فى نفسى أنى جبت اللون دا دلوقتى
عايز معامله خاصه
مبروك مره تانيه

كل ده اسمه كماليات ممكن تركبه من اي محل
دور علي الأساسيات واتوكل علي الله

اه الكورولا ابتدت تغير من اختها ههههههههههههههههههههههههه ههههههههههههههه ربنا يوفقك و انشاء الله تستلم على خير
و اخترت لون ايه و هتستلم امتى انشاء الله

المشاركة الأصلية كتبت بواسطة medoakef

انا ارجح مزدا 3 لان العربيه بختصار لما بركبها بحس اني راكب الماني ثباتها عالي جدا و محرك و اوبشن ممتازين و محدش عاب علي العربيه خالص من ساعت ما نزلت و خصوصا بعد ما خدها غبور و بقا ليها صيانه و قطع غيار في كل مكان
لكن رئيي الشخصي لو جديد شارك او تزود شويه و تجيب فنتزيا
لو لوزد بي ام 2005 او باسات 2007 او بي ام m3 1996 مثلا لو حضرتك عاشق سرعه
عموما غاره السياراتو جت فتره و بقا مفيش في الشارع غرها دلوقتي معنتش بشفها كتير مش عارف ليه! و علي فكره قبلت كذا سيراتو كوبيه 3000 و 4000 كيلو بيتباعو!!!

اه معرفش ليه اكتر عربيه بتباع و هيا زيرو بالورق الابيض بتاعها ده الانسر مكنش بيحصل كدا