خبر هام لكل ملاك الساجا لانها بدات تنقط قطع غيار

**amr1973** · 22-08-2010 01:01 AM

بسم الله الرحمن الرحيم

النهاردة كنت فى التوكيل و سالت على تيل الفرامل لاقيتة ب 600 جنية و ده طبعا رقم خزعبلاوى جدا المهم بعد الفطار كنت فى مصر الجديدة و قولت اسال فى محل المدينة مش فاكر المدينة و لامكة المهم مش المحل اللى جمب السجان لا اللى بعدة و انت رايح روكسى و سالتة على قطع غيار الساجا رد و قال انه طالب طلبية ان شاء الله جاية بعد العيد الطلبية عبارة عن فوانيس امامية و خلفية و مرايات جمب و مساعدين و سالتة على التيل رد و قال ان التيل موجود الماليزى بالفعل و طلبت انى اشوفة لاقيتة مختوم انة ماليزى بالفعل و اسمة يوكوموتو و كانت المفاجاة فى السعر لاقيتة ب 120 جنية و لما سالتة على نضافتة رد و قال انه نضيف جدا و فى واحد اشتراه منه و شكر فية طبعا الكلام كلام الراجل ممكن يكون صح و ممكن لا انما طبعا التجربة هيا اللى هاتفرق و خاصة انى عرفت ان ضمان الطنابير 20000 كم فقط فاتمنى ان لو حد غير التيل دة برة التوكيل يقول تجربتة و انا ان شاء الله اول لما اكون محتاج تيل هاجربة لان فرق السعر ضخم جدا
و ان شاء الله هتابع معاكو عن اى قطعه غيار للساجا تنزل و هاحط كل المعلومات عنها من حيث الماركة و بلد الصنع ب و ايعو السعر و كمان مكان البيع و المحل و لو فية رقم تليفون
اتمن انى اكون قدرت افيدكم و كل عام و انتم بخير

**sleepyhammer** · 22-08-2010 01:13 AM

الف شكر يا باشا
الله يطمنك عقبال ما تغرق المحلات قطع غيار كده وتبقى رخيصة يارب
والله عربية محترمة و محتاجة اهتمام اكتر

**zezoabdo** · 22-08-2010 02:29 AM

يا جماعه حد يقولي الساجا والا الفيرنا 1600

**M.almaghraby** · 22-08-2010 03:13 AM

ساجا طبعا افضل من فيرنا

مبروك للملاك :))

**spiderloking** · 22-08-2010 03:30 AM

المشاركة الأصلية كتبت بواسطة zezoabdo

يا جماعه حد يقولي الساجا والا الفيرنا 1600

اكيد ساجا و مش محتاجه كلام مع احترامي للهايونداي بس بجد اللي ركب الساجا نزل قال بلا فيرنا بلا لانوس بلا لوجان كمان و بجد عربيه محترمه جدا

و يا رب زي ما بيقول الاستاذ صاحب الموضوع تكون فعلا رخصت قطع الغيار شويه و يا رب تنتشر اكتر و اكتر و تملي البلد كلها و انا اتوقع كدا بنسبه 90 % لأن فعلا العربيه بجد حلوه جدا

**ykdl** · 22-08-2010 05:48 AM

الحمد لله
افف شكر ليــــــــــــك يا باشا
يا رب قطع الغيار تكتر كمان وكمان والعربية تنتشر
لانها بجد عربية محترمة جدا وتستاهل تمنها واكتر

**ashouhdy** · 22-08-2010 06:07 AM

الحق اشترى طقمين من ابو120 قبل مايغلى

**vsaga** · 22-08-2010 02:31 PM

يارب ياريت يجيب فعلا وترخص قطع الغيار ومتابعين معاك ياريس

**mo7hamedemad** · 22-08-2010 02:46 PM

اولا كل سنة وانت طيب يا استاذ عمرو فينك ياراجل مش شيفينك لية انا اتصلت بيك قبل كدة بس كان جرس ومحدش بيرد عشان موضوع ال mp3 الى كنت قولتلك علية من ساعة لما جبتة

تاكيدا لاكلامك انا متابع مع محل النادى فى الحرفين وفعلا اكدلى ان فى دفعة نزلالة قريبا ساجا وجين تو

وبعد اذن كل الناس بس تتصل ب التليفون دة وتسالة عن قطع غيار الساجا عشان التجار يحسوا ان العربية انتشرت ومطلوب ليها قطع غيار
هانى النادى
ت : 0226634688
م: 0166992045

الموضوع: خبر هام لكل ملاك الساجا لانها بدات تنقط قطع غيار

LinkBack

أدوات الموضوع

عرض

-

-

-

-

-

المواضيع المتشابهه

انا انتوى شراء سيارة بروتون ساجا اتوماتيك ارجوكم ملاك الساجا افيدونى)

iام لكل ملاك الساجا قطع الغيار وصلت خارج التوكيل

اسعار قطع غيار الساجا ومقارنتها باللوجان.....

قطع غيار الساجا

سؤال من ملاك الساجا وملاك بروتون القدامى

الكلمات الدلالية لهذا الموضوع

المفضلات

المفضلات

ضوابط المشاركة