اسعار قطع غيار الساجا ومقارنتها باللوجان.....

**amrelzawawy** · 21-06-2011 10:56 PM

السلام عليكم ......النهارده استاذ مصطفى سعد ريحنى كتير بعد اخر الاخبار اللى قالها ان جوز الكبالن ب3500 مش الواحد وان علبه الدركسيون ب5500 مش 7 الاف ....صحيح مش رخاص بس على الاقل قريبين من عربيات تانيه كتير ....انا مش فاهم ليه التخبط ووجع البطن اللى حصل قبل كده هل كل الناس اللى قالت السبعات كانوا بيفتوا والا استاذ مصطفى اللى قاله مقلوش معلومه صحيحه مبقتشى عارف ....عموما برضه من مجهود استاذ مصظفى ونشكره عليه ده رد اصحاب الساجا باسعار قطع غيارهم والقريب جدا من اhttp://www.nilemotors.net/Nile/221716-a.htmlسعار اللوجان ...هناك حاجه ارخص من هنا والعكس ...ومماثلين فى علبه الدركسيون والكبالن ومع العلم ان مسئول الصيانه فى بروتون وعدهم بتخفيض الاسعار بعد ما قابلوه ......عموما اتمنى ان اخر الاسعار اللى قالها استاذ مصطفى تكون صحيحه عشان كلنا نهدى والامور تبقى طبيعيه ومعقوله انا حطيت اللينك للى عايز يقارن ....وشكرا

**amrelzawawy** · 21-06-2011 11:01 PM

http://www.nilemotors.net/Nile/221716-a.html
اللينك مكنشى شغال حطيته تانى

**ABOHAZEM_NEW** · 22-06-2011 12:06 AM

كان فى محاوله لتجميع أصحاب اللوجان ومقابله مسئولى التوكيل .. وبعد كده الموضوع نام
لعل المانع خير

**amrelzawawy** · 22-06-2011 12:11 AM

والله نفس السؤال زيى زيك

**roua2007** · 22-06-2011 01:22 AM

انا كمان نفسي نعمل وقفة علشان الاسعار علشان كده مينفعش

**ahmedbakr50** · 22-06-2011 02:45 AM

أنا شايف الأسعار متقاربة جدا

**eng.m7md.ali** · 22-06-2011 04:22 AM

انا مش عايز احبطكو يارجالة
للاسف ملاك البروتون اتجمعو لمقابلة مسئولين التوكيل والاتفاق كان بعد 3 اشهر النتيجة هتبقى ملحوطة سواء اسعار مصنعيات او اسعار قطع غيار او اهتمام بالعميل
بعد ال3 شهور للاسف الكلام اتبدل ومفيش حاجة اتنفذت بل بالعكس المصنعيات غليت
حاجة كمان انا بنصح اي حد يحتار مابين الساجا واللوجان انه يختار لوجان وش
ولا توكيل كويس ولا اسعار قطع غيار كويسة حتة تخيلو فتيس الساجا ب 50 الف جنيه ؟؟ يعني تمن العربية

**akerima** · 22-06-2011 10:20 AM

انا شايف ان كده الساجا فعلا عندهم مشكلة في تمن قطع الغيار لانها ماليزي والمفروض تبقي اقل من اللوجان اللي قطع غيارها اوروبي ومن المفروض ان الاروبي اغلي اكيد من الماليزي

**faresattar** · 22-06-2011 11:51 AM

التعامل مع التجار مينفعش بالمقابلات .. التاجر يعرف إن اللي تغلب بيه العب بيه .. وطول ما انت محتاجله هايبيع ويشتري فيك ومش هاتوصل معاه لحاجه ..

يبقى من الاخر الحل في نزول قطع غيار خارج التوكيل .. بضاعة التوكيل تقف .. يقوم ينزل الاسعار
يبقى ندعي ربنا إن المستوردين يشدوا حيلهم شويه ويرحمونا من التوكيل خالص ...

**eng.m7md.ali** · 22-06-2011 05:43 PM

هل متاكد ان التاجر ده ممكن يجيب قطع غيار اصلية زي اللي بتنزل في التوكيل ولا التوكيل محتكرها؟؟؟
انا من راي تتجمعو وتبعتو لرينو
اعتقد انها شركة محترمة عكس شركة بروتون للاسف مش بيهتمو بالعميل ولا الشكاوي