ان شاء الله عندي فحص و تجديد لرخصة العربية ( نصر 127 ) يوم 14 سبتمبر اللي جاي و علشان كده ناوي اظبط العربية من بره انا بصراحة مش عاوز افتح فيها جامد لانها الحمدلله مش محتاجة شغل كتير يعني انا ممكن اسيب العربية كده لان شكلها مقبول مش وحش بس علشان مهندس الفحص ما يغلسش معايا عاوز اظبطها ....
-شغل السمكرة : العربية من بره فيها كام حكة علي عدد 2 خبطة بسيطة خالص تتعمل علي البارد و حتة بارومة صغيرة في عضم الباب اللي ورا و كام حتة عاوزة تتصنفر علشان الصدا ( حتتين في سقف العربية و حتة تحت كاوتش الزجاج الخلفي و حتة في الصدر ) ...
-الدوكو : المشكلة الدوكو القديم انه مفرقع كتير في كذا حتة .... فمش عارف حينفع تترش نضافة من بره بس ولا لازم تتجاب علي الصاج ....
فياريت تقولولي علي متوسط التكلفة تبقي اد ايه علشان ابقي اعمل حسابي و اعرف اتكلم مع الصنايعية في التكلفة