الموضوع: قائمة سوداء باصحاب الورش والمراكز والمحلات في كافة مجالات السيارات

اسوأ سمكري بمحافظة بني سويف

كانت تجربة سيئه لاقصي الدرجات

عربية اخويا وهو مش فاضي فقلت له سيبهالي اعملك الشغل اللي فيها

وشائت الاقدار وذهبت للمدعو عصام ابو سريع بالشارع الجديد اللي علي ناصيته ابو علي بتاع قطع الغيار الاستيراد .. واللي فيه المايسترو بتاع لحام الفايبر ..

المهم ان شوية شغل في مقدمة السيارة يتعملوا علي البارد ولحام خفيف علشان صدر العربية ميتشوهش وياثر علي سعر العربية بس اللي حصل العكس تماما
شغل شاكوش بغباء وشغل زرجينة بدون حساب وعوج حرف الشاسيه من الامام وشغل سمكري ميكروباص الترامكو مش عربية ملاكي والنتيجه سيئه للغاية وندمت اشد الندم ومئدرتش اقول لاخي علي اللي حصل بعربيته الظاهر ان اللي فيها اتعمل بس للاسف اتعمل ازاي وما خفي كان اعظم

الخلاص كله كوم والسمكري كوم تاني محدش يروح لأي سمكري وخلاص لازم تسأل بجدية لان السمكري ممكن يعدملك العربية بشغله لما يكون زي عصام ابو سريع واولاده