نمرة لواحد في المغسلة طلع قفاه بيقمر عيش !

**Abo_Lina** · 24-08-2010 09:06 PM

هو ربما معاه حق إنه يزعل لما الولد ساب عربيته و إشتغل في عربيتك ..

لكن عندي إحساس إن رد فعله كان هايكون مختلف تماما أو أقل حدة لو كانت عربيتك ١٢٨ مثلا ..و مش بعيد كان يعرض عليك إنك تخلص قبله .. (تحالف قوى الشعب البتاعة..)

كمان إنه يرش رشة جريئة على العمال كده يدل إن عنده نقص دفين بيحاول يعوضه بشوية الفلوس دول ..
أصل هو لو متعود كل ما يغسل يرش فلوس على العمال دايما زي ما عمل قدامك كان زمانه بقى زبون محبوب و مفضل و مع إحترامي كان ممكن يلطعوك أنت ..

بس أنت إتصرفت صح ..أنت مش طرف في الموضوع ..

**Deshahcoka** · 25-08-2010 05:01 AM

ربنا يخليكوا يا رجالة و الف شكر على الردود و الاراء كله زي الفل :)

**Ralliart** · 25-08-2010 05:21 AM

فكرتني بواحد كنت واقف في جسر السويس وقدامي ميني باص جاب مارشدير ورجع عليا وانا بزمرله وهو بيرجع لحد ما خبطلي الاكصدام والفانوس
فنزلت اكلم السواق بكل هدوء لقيت واحد نزل من عربيه في الشارع ملهوش اي علاقه عمال يزعق بهستيريه فظيعه (حسيت انه هيموت) وعمال يقولي هو انت علشان معاك فلوس وراكب لانسر هتحاسب السواق وهتدوسو على الغلابه يا ولاد ............
اقوله مش هو غلطان ؟؟ يقولي غلطان بس انت معاك فلوس على قلبك وراكب لانسر صلحهم انت !!
والغريب اني لقيت ناس ماشيه في الشارع بيأيدوه ويقولولي دا غلبان وايه يعني حتت فانوس هينقصك!!
ولحسن الحظ ان الفانوس دا كان مشروخ اصلاً وكمان اكتشفت انه رجع عليا بالسرعه دي لانه دخل في باب مرسيديس عيون فسبته لبتاع المرسيديس واكيد الراجل اللي كان بيزعق هيقتل صاحب المرسيديس مش هيزعقله دا راكب عربيه تسوالها ربع مليون

**احمد المصرى** · 25-08-2010 10:35 AM

طيب منيجى نقلب الموضوع ولو كنت انت مكانه كنت عملت ايه يعنى انت لسه الولد بيطلعلك الدواسات وسابك ومشى راح لعربيه تانيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟

**ali.mahmoud** · 25-08-2010 08:33 PM

انت عندك حق علشان الواد اللى كان هيغسلهالو ده كان هيجبلو واحد فا مش فارقة مين يغسل ومين يشطف المهم العربية تتغسل فى وقتها

**Deshahcoka** · 25-08-2010 08:42 PM

الله ينور عليك يا باشا :) انتا كنتا فهمت النقطة من الموضوع ده :)

على فكرة عنوان الموضوع ده الواد بتاع المغسلة هوا الي قالهولي ( مش قاصدة اني اكتب موضوع يعني ) بس هوا قالي بعد ما الراجل مشي الراجل طلع قفاه بيقمر عيش :) فعجبتني فقلت اعملها العنوان :)

**Hegazio** · 25-08-2010 09:24 PM

برضه مش مقنع
و مكانه كنت عملت كده
ولو مكانك كنت قلتله خلص العربيه اللي ف ايدك و تعالي..دي الأصول

**Deshahcoka** · 26-08-2010 02:18 AM

ههههههههههه لأ مش كدة انا اخد كلمة الواد و خليتها العنوان :) اما انا كتب الموضوع علشان عجبني و حسيت انه في نوعية عجيبة من الناس الي تخسر نفسها بتاع 50 جنيه على الفاضي !