مصر هى امى ولا هى بتشتغلنى

**viper911s** · 22-08-2010 10:33 AM

لا انا رئى انها بتشتغلنا
وان الموضوع كلة حوار كبير وكبر معانا مع الزمن

**زينة الله** · 22-08-2010 01:06 PM

على الجانب الأخر
حط نفسك مكان أم عفاف قصدى مصر
شوف عيالك عاملين أزاى ييييييييييععععععععععععععع ع
واحد بلطجى أو حرامى(كبير أو صغير مع الاحتفاظ بالألقاب)
و التانى بيأخد على قفاه كل يوم و يا بخت من بات ظالم و لا باتش مظلوم
و التالت مقضيها فهلوه على كل المستويات و نظام يا الله نفسى و الكل فى الضياع
و الرابع و الخامس و السادس عاطل وعانس و منتحر
و الكل ما تفطمش و لسه مستنى أمه تيجى ترضعه و تغيير الـ.......
طب أمتى حيكبروا و يشيلوا مسئولية و يقولوا أمتى يا أمه أرمى حمولك عليا
كان الله فى عونها ولادها يا ظالم ... يا جاهل و مسلوب الارادة و بير ضى بالشحاته

**grumby78** · 22-08-2010 03:11 PM

هيا مصر يا اخي مش كيان وهمي او معنوي
والصراحه هيا بقالها 30 سنه كده بتشتغلنا

**mobitic** · 22-08-2010 04:23 PM

المشاركة الأصلية كتبت بواسطة tifana2010

طب أمتى حيكبروا و يشيلوا مسئولية و يقولوا أمتى يا أمه أرمى حمولك عليا

عندك حق
خصوصا ان آخر واحد قالها ارمى حمولك عليا طلع هربان من التجنيد اصلا

**Ahmed Samy** · 22-08-2010 05:09 PM

المشاركة الأصلية كتبت بواسطة m.aligamal

يا جماعه بجد مش شعار
تفتكروا فيه زيها عايش و مش بينهار
تفتكروا ام جنا عليها الزمن من يومها ولا شافت نهار
فى حد برضه يستحمل زيها و يصبر قدها لايمكن تلاقى لا فى غرب و لا فى شرق ولا وار بلاد الانهار
من رحمها طلع الكويس و الطيب و برضه الغدار
لايمكن انسى فضلها عليا ولو شويه عشان برضه امنا مش هزار
يا مصر يا دره فوق جبين الدهر حره كنتى دايما و هتكونى على طول المنار
المنار ليا ولاخوى و ابن عمى و كل الى حواليا مانتى برضه امنا ولا انتى بقيتى بتستعرى مننا
عندك حق و الله تستعرى مننا اذا كنا ولادك وبنقول عليكى كده و صابره و ضمانا و معيشانا يبقى نقول على الدنيا السلام
نهر نيلك من جبينك وصل لينا يروى فينا ولا شمسك و ابتسامتك ولا صوتك يا جميله عشتى فينا فى كل مصرى يعيش فى حضنك و جوه قلبك
لما انتى صابره علينا كده و عايشه و معيشانا اه اهى عيشه صعبه و ناشفه بس نعمل ايه نفسنا نشوفك قويه و ترجعلنا احسن من زمان
لايمكن تكونى غير امى دنتى مش بس امى انتى كل حاجه بس احنا مش شايفين
ياه يا ترى هعيش و اشوفك راضيه عنا ولا هموت تعبانه و زعلانه و منكسره يا ترى فاهمين

حاجه جت فى دماغى حبيت اقلها و خلاص

حضرتك جربي تقولي الكلام ده و انت قاعدة في الضلمة و الحر و قريب لما الغاز يقطع و حضرتك بتطبخي على الوابور ...

حاولي تقولي أمي كده ...ولو طلعت منك يبقى حلال عليكي ....

دي أم قويق

المشاركة الأصلية كتبت بواسطة Tifana2010

على الجانب الأخر
حط نفسك مكان أم عفاف قصدى مصر
شوف عيالك عاملين أزاى ييييييييييععععععععععععععع ع
واحد بلطجى أو حرامى(كبير أو صغير مع الاحتفاظ بالألقاب)
و التانى بيأخد على قفاه كل يوم و يا بخت من بات ظالم و لا باتش مظلوم
و التالت مقضيها فهلوه على كل المستويات و نظام يا الله نفسى و الكل فى الضياع
و الرابع و الخامس و السادس عاطل وعانس و منتحر
و الكل ما تفطمش و لسه مستنى أمه تيجى ترضعه و تغيير الـ.......
طب أمتى حيكبروا و يشيلوا مسئولية و يقولوا أمتى يا أمه أرمى حمولك عليا
كان الله فى عونها ولادها يا ظالم ... يا جاهل و مسلوب الارادة و بير ضى بالشحاته

هو ليه الناس بتتكلم عن مصر انها الطين و التراب و الأسفلت ؟؟؟؟؟؟؟؟؟؟

هو انا لما كنت في مطروح ماكنتش حاسس انها مصر ليه ؟؟؟

و لما كنت في رفح و العريش ما كنتش حاسس انها مصر ليه ؟؟؟

ولما كنت في شرم الشيخ برضه ماكنتش حاسس انها مصر ليه ؟؟؟؟

مع ان دول طينهم و ترابهم مصري و سماهم مصرية

أقولكو ليه

علشان مطروح تحس انك في ليبيا ....
و رفح في فلسطين .....
و شرم في روسيا .....

ليه علشان ناسهم كده و طبعهم غلب عليه كده

مصر هي الناس ...مش الشوارع
مصر هي الموظف ..مش المبنى

مافيش حاجة اسمها مصر وولادها

برنامج Good Morning America معناه صباح الخير يا أمريكان مش صباخ الخير يا شوارع و زلط

لما الرئيس أوباما ولا غيره بيقول Hello America في الخطاب بيخاطب الناس مش عمدان النور و رمل الأرض

بذمتكو ............عمركو حسيتو ان البرنامج "صباح الخير يا مصر" بيقولك صباح الخير ؟؟؟؟

**nabaster** · 22-08-2010 05:35 PM

المشاركة الأصلية كتبت بواسطة Ahmed Samy

حضرتك جربي تقولي الكلام ده و انت قاعدة في الضلمة و الحر و قريب لما الغاز يقطع و حضرتك بتطبخي على الوابور ...

حاولي تقولي أمي كده ...ولو طلعت منك يبقى حلال عليكي ....

دي أم قويق

الي بتوجهله الكلام ده راجل علي فكره

وبالاماره اسمه استاذ محمد علي جمال تقريبا :)

اخبار الصيام معاك ايه يا دوك ههههههههههههههه

A.Yakout

**nabaster** · 22-08-2010 05:49 PM

المشاركة الأصلية كتبت بواسطة Ahmed Samy

لا أنا براءة

اقرا كده

ولا هموت تعبانه و زعلانه و منكسره يا ترى فاهمين

حاجه جت فى دماغى حبيت اقلها و خلاص

الجمله الاولي دي جزء من القصيده والقافيه حكمت

الجمله التانيه عاديه علي فكره ومفيهاش ريحة الانوثه :)

A.Yakout

**m.aligamal** · 22-08-2010 06:33 PM

يا جماعه قصدى ان مصر نفسها هتموت تعبانه و زعلانه و منكسره يعنى ولا هموتن انا و انتى يا مصر تعبانه و زعلانه و منكسره
و عامه حصل خير
مفهمتوش انا بتكلم فى ايه
انتوا بتعيبوا على مصر و كان مصر دى مش عايشين فيها نلوم زماننا و نعيب فيه و ما عيب فى زماننا الا سوانا يعنى مشكلتنا مش مصر نحمد ربنا اننا لينا ارض عايشين عليها و عارفين نعيش فيها مشكله فى قايم على امور اليلد مش البلد مالها مصر لما تكون نيل و بحور و شعب عندنا مقومات الحياه مش دوله حبيسه ولا دوله منعدمه المصادر لكن القائم على امورها هوا الى وصلها لكده يعنى لو اتغير الحال و جت ناس محترمه و غيرت من شكل البلد هنقول برضه مصر مراه ابويا و ام عفاف و كلام كده
عامه عشان مطولش عليكوا انا متفق معاكوا فى الحال السىء للبلد
و كل سنه و انتم طيبين